تۇركيانىڭ انتاليا قالاسىندا جاسوسپىرىمدەر اراسىندا دزيۋدودان وتكەن ەۋروپا كۋبوگىندا باۋىرجان جاۋىنتاەۆ باس جۇلدەنى جەڭىپ الدى. بۇل تۋرالى سپورت جانە دەنە شىنىقتىرۋ ىستەرى اگەنتتىگى حابارلادى.
ول 60 كيلو سالماق دارەجەسىندە ونەر كورسەتىپ, التى كەزدەسۋدىڭ بارىندە قارسىلاستارىن ۇتتى. قازىر جاس تا بولسا تالابى زور بالۋاندى قالەن قالي ۇلى جاتتىقتىرادى. باۋىرجان -قىزىلوردا وبلىسىنىڭ تۋماسى. دزيۋدومەن بىرنەشە جىلدان بەرى اينالىسادى. بۇعان دەيىن ەلىشىلىك جانە حالىقارالىق جارىستار مەن تۋرنيرلەردە دە جاقسى ونەر كورسەتكەن. ەندى باۋىرجان 3-10 ءساۋىر كۇندەرى رەسەيدىڭ تۆەر قالاسىندا وتەتىن ەۋروپا كۋبوگىنا قاتىسادى. ودان كەيىن تاعى دا ەكى ەۋروپا كۋبوگىندا كۇش سىناسىپ, كۇزدە قىتايدىڭ نانجين قالاسىندا جاسوسپىرىمدەر اراسىندا وتەتىن وليمپيادا ويىندارىنا قاتىسۋدى ماقسات ەتىپ وتىر.
داستان كەنجالين.
دەرەككوز: www.kazsports.kz
فوتو: www.kazsports.kz