مەملەكەت باسشىسى نۇرسۇلتان نازارباەۆ اۋىل شارۋاشىلىعى ءمينيسترى اسىلجان مامىتبەكوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
ا.مامىتبەكوۆ مينيسترلىكتىڭ 2013 جىلعى قىزمەتىنىڭ قورىتىندىلارى مەن 2014 جىلعا ارنالعان مىندەتتەر تۋرالى باياندادى, سونداي-اق, كوكتەمگى ەگىس جۇمىستارىنا دايىندىق بارىسىنان حاباردار ەتتى.
نۇرسۇلتان نازارباەۆ وڭتۇستىك وڭىرلەردە ەگىس ناۋقانىنىڭ جانە سولتۇستىك وبلىستاردا دايىندىق جۇمىستارىنىڭ باستالۋىنا بايلانىستى كوكتەمگى تۇقىم سەبۋدى ۋاقتىلى جانە ساپالى جۇرگىزۋ ءۇشىن بارلىق قاجەتتى جاعدايمەن قامتاماسىز ەتكەن ءجون ەكەنىن اتاپ ءوتتى.
مينيستر اگروونەركاسىپ كەشەنىن, اتاپ ايتقاندا, مال شارۋاشىلىعىن دامىتۋ جانە ءبىرقاتار سالالىق باعدارلامالاردى ىسكە اسىرۋ بارىسى تۋرالى دا ايتتى.
كەزدەسۋ قورىتىندىسىندا مەملەكەت باسشىسى بىرقاتار ناقتى تاپسىرمالار بەردى.