قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترىنىڭ بۇيرىعىمەن مەيىرحات مەيرامحان ۇلى قاسىمباەۆ «قازاۆتوجول» ۇك» اق باسقارما توراعاسى قىزمەتىنە تاعايىندالدى, دەپ جازادى Egemen.kz.
ول 1980 جىلدىڭ 21 ساۋىرىندە شىعىس قازاقستان وبلىسىندا دۇنيەگە كەلگەن. ەكونوميكا عىلىمدارىنىڭ كانديداتى. قازاق مەملەكەتتىك زاڭ اكادەمياسىن, قازاق گۋمانيتارلىق زاڭ ۋنيۆەرسيتەتىن بىتىرگەن.
زاڭگەر جانە قارجىگەر ماماندىعىنىڭ يەسى. لوندون ەكونوميكا جانە ساياساتتانۋ مەكتەبىندە مەملەكەتتىك باسقارۋ كۋرستارىنان ءوتىپ, سينگاپۋردا بىلىكتىلىگىن ارتتىرعان.
مەيىرحات قاسىمباەۆ 11 جىل قۇقىق قورعاۋ ورگاندارىندا جانە مەملەكەتتىك قىزمەت قۇرىلىمدارىندا ءتۇرلى لاۋازىمداردا قىزمەت ەتتى. جول جانە ينفراقۇرىلىمدىق قۇرىلىس سالاسىنداعى ەڭبەك ءوتىلى 10 جىلدان اسادى.