قر ەكولوگيا, گەولوگيا جانە تابيعي رەسۋرستار ءمينيسترىنىڭ بۇيرىعىمەن جانات سامات «جاسىل دامۋ» اق باسقارما توراعاسى بولىپ تاعايىندالدى, دەپ حابارلايدى Egemen.kz.
جانات سامات 1980 جىلى اقتاۋ قالاسىندا دۇنيەگە كەلگەن.
2001 جىلى ش. ەسەنوۆ اتىنداعى اقتاۋ ۋنيۆەرسيتەتىن بىتىرگەن.
ەڭبەك جولىن 2001 جىلى ماڭعىستاۋ وبلىسى بويىنشا سالىق كوميتەتىنىڭ ءىرى سالىق تولەۋشىلەردى تالداۋ جانە مونيتورينگ ءبولىمىنىڭ باس سالىق ينسپەكتورى رەتىندە باستادى. ءار جىلدارى ءوڭىردىڭ سالىق كوميتەتىندە كەلىسپەۋشىلىكتەر مەن كونسۋلتاتسيالار ءبولىمىنىڭ, جەكە تۇلعالار ءاۋديتى ءبولىمىنىڭ, جەر قويناۋىن پايدالانۋشىلار ءاۋديتى ءبولىمىنىڭ باس سالىق ينسپەكتورى بولىپ جۇمىس ىستەدى.
2008 جىلى ماڭعىستاۋ وبلىسىنىڭ كاسىپكەرلىك جانە ونەركاسىپ باسقارماسى باستىعىنىڭ ورىنباسارى بولىپ تاعايىندالدى, سودان كەيىن «كاسپي» اكك» ۇك» اق باسقارما توراعاسىنىڭ ورىنباسارى لاۋازىمىنا تاعايىندالدى.
2014 جىلدان 2016 جىلعا دەيىن قىزىلوردا قالاسىندا «بايقوڭىر» اكك» ۇك» اق باسقارما توراعاسى بولىپ جۇمىس ىستەدى.
2019 جىلدان باستاپ قازاقستان رەسپۋبليكاسى ەكولوگيا, گەولوگيا جانە تابيعي رەسۋرستار ءمينيسترىنىڭ كەڭەسشىسى بولدى.
2020 جىلدان باستاپ قازاقستان رەسپۋبليكاسى ەكولوگيا, گەولوگيا جانە تابيعي رەسۋرستار مينيسترلىگى جانىنداعى «قورشاعان ورتانى قورعاۋدىڭ اقپاراتتىق-تالداۋ ورتالىعى» شجق رمك باس ديرەكتورى بولىپ جۇمىس ىستەدى.
ەسكە سالا كەتسەك, «جاسىل دامۋ» اق قازاقستاندا كادەگە جاراتۋ الىمى بويىنشا جاڭا وپەراتور بولىپ بەلگىلەندى.