مادەنيەت كوميتەتىنىڭ توراعاسى تاعايىندالدى

روزا كارىبجانوۆا 1964 جىلى بۇرىنعى تورعاي وبلىسىندا دۇنيەگە كەلگەن.

قاراعاندى مەملەكەتتىك ۋنيۆەرسيتەتىن, ەۋرازيا گۋمانيتارلىق ينستيتۋتىن, قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ۇلتتىق مەملەكەتتىك ساياسات مەكتەبىن بىتىرگەن.

ەڭبەك جولىن 1986 جىلى تورعاي وبلىسى قيما اۋدانى ۇكى وم تاريح ءپانىنىڭ مۇعالىمى, تاربيە ءىسى جونىندەگى مەڭگەرۋشىسى بولىپ باستادى.

1988-1991 جىلدارى — قيما اۋداندىق كومسومول كوميتەتىنىڭ ەكىنشى حاتشىسى, قازاقستان لكجو تورعاي وبلىستىق كوميتەتىنىڭ حاتشىسى.

1991-1994 جىلدارى — سەمەي وبلىستىق جاستار ءىسى جونىندەگى كوميتەتىنىڭ ۇيىمداستىرۋ ءبولىمىنىڭ جەتەكشى مامانى, باسشىسى.

1994-2000 جىلدارى — سەمەي وبلىستىق جاستار ءىسى, تۋريزم جانە سپورت باسقارماسىنىڭ, سەمەي قالاسى جاستار, تۋريزم جانە سپورت كوميتەتىنىڭ باس مامانى, سەمەي قالاسى ءبىلىم, جاستار جانە سپورت باسقارماسىنىڭ تاربيە جۇمىسى جانە جاستار ساياساتى ءبولىمىنىڭ باسشىسى.

2000-2003 جىلدارى — قر مادەنيەت جانە قوعامدىق كەلىسىم مينيسترلىگىنىڭ مۇراعاتتار مەن قۇجاتتامانى باسقارۋ كوميتەتىنىڭ جەتەكشى, باس مامانى, ءبولىم باسشىسى.

2003-2008 جىلدارى — قر پرەمەر-ءمينيسترى كەڭسەسىنىڭ الەۋمەتتىك-ەكونوميكالىق ءبولىمىنىڭ باس ساراپشىسى.

2008-2014 جىلدارى — قازاقستان رەسپۋبليكاسى مادەنيەت مينيسترلىگىنىڭ مادەنيەت كوميتەتى توراعاسىنىڭ ورىنباسارى.

2014-2016 جىلدارى — قازاقستان رەسپۋبليكاسى ءبىلىم جانە عىلىم مينيسترلىگىنىڭ جاستار ءىسى جونىندەگى كوميتەتىنىڭ توراعاسى, جاستار ساياساتى دەپارتامەنتىنىڭ ديرەكتورى.

2016-2019 جىلدارى — قر اقپارات جانە قوعامدىق دامۋ مينيسترلىگىنىڭ ىشكى اكىمشىلەندىرۋ دەپارتامەنتىنىڭ ديرەكتورى.

2019-2020 جىلدارى — «رۋحاني جاڭعىرۋ» قازاقستاندىق قوعامدىق دامۋ ينستيتۋتى» كەاق باسقارما توراعاسىنىڭ ورىنباسارى.

2020 جىلعى قاراشادان باستاپ قازىرگى ۋاقىتقا دەيىن قر پرەزيدەنتى اكىمشىلىگىنىڭ ىشكى ساياسات ءبولىمىنىڭ سەكتور مەڭگەرۋشىسى بولىپ جۇمىس ىستەدى.