«كوممەرتسيالىق ەمەس ۇيىمدار تۋرالى» قازاقستان رەسپۋبليكاسى زاڭىنىڭ 41-بابىنىڭ 5-تارماعىنا سايكەس مالىمەتتەر جىل سايىن 31 ناۋرىزعا دەيىن ۇسىنىلۋى ءتيىس.
ۇەۇ دەرەكقورىنا مالىمەت ۇسىنۋ مەملەكەتتىك الەۋمەتتىك تاپسىرىس جانە مەملەكەتتىك گرانتتار شەڭبەرىندە الەۋمەتتىك باعدارلامالاردى جانە (نەمەسە) الەۋمەتتىك جوبالاردى ىسكە اسىرۋعا, سونداي-اق ۇەۇ ءۇشىن سىيلىق الۋعا ارنالعان كونكۋرسقا قاتىسۋ ءۇشىن مىندەتتى شارت بولىپ تابىلادى. ۇەۇ دەرەكقورىندا بولۋ ۇيىمدارعا ۇەۇ-نىڭ تابىستى جوبالارىمەن تانىسۋعا, تاجىريبە الماسۋعا, ىنتىماقتاستىق پەن سەرىكتەستىك ورناتۋعا مۇمكىندىك بەرەدى.
مالىمەتتەر ۇەۇ ءوز قىزمەتى جونىندەگى مالىمەتتەرىن ۇسىنۋ جانە ولار تۋرالى دەرەكقوردى قالىپتاستىرۋ قاعيدالارىنا سايكەس ۇسىنىلادى.
ءسىز ءوز ۇيىمىڭىزدىڭ قىزمەتى تۋرالى مالىمەتتەردى كەلەسى تاسىلدەردىڭ ءبىرى ارقىلى ۇسىنا الاسىز:
1) ۇەۇ دەرەكقورىنىڭ https://infonpo.gov.kz/ ينتەرنەت-پورتالى ارقىلى (ينتەرنەت-پورتالدا اۆتوريزاتسيادان ءوتۋ حقكو-دا الىنعان زاڭدى تۇلعانىڭ ەتسق كىلتىنىڭ كومەگىمەن مۇمكىن بولادى);
2) ۋاكىلەتتى ورگانعا قاعاز جانە ەلەكتروندىق تاسىعىشتاردا (Word فورماتىندا CD-ديسكتەردە نەمەسە USB-فلەش-جيناقتاۋشىلاردا) پوشتا ارقىلى نەمەسە قولما-قول ۇسىنادى (قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ ازاماتتىق قوعام ىستەرى كوميتەتى, نۇر-سۇلتان قالاسى, ماڭگىلىك ەل داڭعىلى 8, «مينيسترلىكتەر ءۇيى», 14-كىرەبەرىس).
ۇەۇ دەرەكقورىنىڭ https://infonpo.gov.kz/ ينتەرنەت-پورتالىنا كىرگەن كەزدە ءسىز پورتالمەن جۇمىس ىستەۋ بويىنشا قادامدىق الگوريتم بەرىلگەن نۇسقاۋلىقپەن تانىسا الاسىز.
ۇەۇ دەرەكقورىنا مالىمەتتەردى ۇسىنباۋ, ۋاقىتىلى ۇسىنباۋ جانە انىق ەمەس نەمەسە جالعان مالىمەتتەر ۇسىنىلعان جاعدايدا قازاقستان رەسپۋبليكاسىنىڭ زاڭناماسىنا سايكەس جاۋاپكەرشىلىك كوزدەلگەن.