شىمكەنت قالاسىنىڭ اكىمى مۇرات ايتەنوۆ «بوزارىق» شاعىن اۋدانى مەن «بوزارىق» ساياجايىنىڭ تۇرعىندارىمەن كەزدەسىپ, حالىقتىڭ ارىز-شاعىمىن تىڭدادى, دەپ جازادى Egemen.kz.
قالا اكىمى كەزدەسۋ بارىسىندا ونداعى وزەكتى ماسەلەلەردى بىرگە تالقىلاپ, شەشۋ جولدارىن قاراستىردى. ورىندالۋى بويىنشا حاتتامالىق تاپسىرمالار بەردى.
بۇل ەلدى مەكەن شاعىن اۋدان جانە ساياجاي بولىپ بولىنەدى. بوزارىق شاعىن اۋدانىندا 16 مىڭنان استام تۇرعىن بار.
اتالعان ەلدى مەكەندەر ساپالى ەلەكتر جارىعىمەن تولىعىمەن قامتىلعان بولسا, اۋىز سۋمەن 97 پايىز, كوگىلدىر وتىنمەن 88 پايىز قامتىلعان. قالعان ۇيلەردى تولىعىمەن قامتۋ ءۇشىن بيىل جسق-سى ازىرلەنۋدە.
تۇرعىندار قالا باسشىسىنا كوشەلەرگە يرريگاتسيالىق ارىق ورناتۋ, اسفالت توسەۋ, جەر تەلىمدەرىن زاڭداستىرۋ جانە ينتەرنەت ساپاسىن ارتتىرۋ سىندى ماسەلەلەرىن جەتكىزدى.
قالا باسشىسى ينتەرنەت ساپاسىن جاقسارتۋ بويىنشا تسيفرلاندىرۋ باسقارماسىنا زەردەلەۋ جۇمىستارىن جۇرگىزۋدى, اۋدان اكىمىنە «ۇستا-مۇحاممەد» كوشەسىنە يرريگاتسيالىق ارىقتى وسى جىلى ورناتۋدى تاپسىردى. ال جەردى زاڭداستىرۋدىڭ زاڭ اياسىندا شەشىلەتىنىن ايتتى.