قارۋلانعان ەكسترەميستەر ليۆاننىڭ سولتۇستىگىندەگى تريپولي قالاسىندا اسكەري كۇزەتتەرگە شابۋىل جاسادى, دەپ حابارلايدى يتار-تاسس اگەنتتىگى.
«ال-مانار» تەلەارناسىندا ايتىلعانداي, سودىرلار سۋك-ەل-حودر اۋدانى مەن ان-ناسىري مەشىتى ماڭىنداعى اسكەري كولىكتەر مەن بەكەتتەرگە وق جاۋدىرعان. دەگەنمەن, ليۆان اسكەرلەرى شابۋىلدىڭ بەتىن قايتارىپ, بەس سودىردى قولعا تۇسىرگەن.
وتكەن اپتادا راديكالدى توپ مۇشەلەرى ءبىر ساربازدى مەرت قىلىپ, التاۋىن جارالاعان. سۋننيتتەر مەن الاۆيتتەر اۋدانىندا جاۋلاسقان توپتاردىڭ قاقتىعىستارىن باسۋ ءۇشىن تريپوليگە قوسىمشا اسكەر كىرگىزىلدى. قارۋلى قاقتىعىستاردان سوڭعى ەكى تاۋلىك ىشىندە 12 ادام قازا بولىپ, 96-سى جاراقات الدى. ۇكىمەت باسشىسى تامام ساليام اسكەري قىزمەتكەرلەردەن مەملەكەت استاناسىنداعى قانتوگىستى توقتاتۋدى تالاپ ەتتى.
كەشە ليۆان اسكەر كۇزەتى ءتريپوليدىڭ سولتۇستىگىندەگى ۆادي-حالەد ەلدى مەكەنىندە سيريانىڭ 19 سودىرى مەن ليۆاننىڭ 2 ازاماتىن ۇستادى. ولاردان قارۋ-جاراق, وق-ءدارى مەن بايلانىس قۇرالدارى تاركىلەنگەن. سونداي-اق اسكەري قىزمەتكەرلەر بەكاا القابىندا ەكى مينالانعان اۆتوكولىكتى زالالسىزداندىردى.
ايدار ورىسباەۆ.
دەرەككوز: Itar-tass.com.
فوتو: Itar-tass.com.