پۋتين قىرىم تاۋەلسىزدىگىن مويىندايتىن قۇجاتقا قول قويدى

رەسەي پرەزيدەنتى ۆلاديمير پۋتين «قىرىم رەسپۋبليكاسىنىڭ تاۋەلسىزدىگىن مويىنداۋ تۋرالى» جارلىققا قول قويدى. بۇل تۋرالى يتار-تاسس حابارلادى. «2014 جىلى ناۋرىزدىڭ 16-ى كۇنى قىرىمدىقتاردىڭ قاتىسۋىمەن قىرىم رەسپۋبليكاسىنىڭ تاۋەلسىزدىگى مەن مارتەبەسىن ايقىنداۋ ماقساتىندا وتكىزگەن جالپىحالىقتىق رەفەرەندۋمنىڭ وتۋىنە بايلانىستى سەۆاستوپول قالاسى تاۋەلسىز ەل رەتىندە جاريالانعان مەملەكەتتە ايرىقشا مارتەبەگە يە. بۇل جارلىق قول قويىلعان كۇننەن باستاپ كۇشىنە ەنەدى», - دەلىنگەن حابارلامادا بۇگىن, 18 ناۋرىز كۇنى ۆ.پۋتين كرەملدە مەملەكەتتىك دۋما دەپۋتاتتارى, فەدەراتسيا كەڭەسىنىڭ مۇشەلەرى, رەسەيدەگى ايماق باسشىلارى مەن ازاماتتىق قوعام وكىلدەرى الدىنا شىعىپ, قىرىم رەسپۋبليكاسى مەن سەۆاستوپول قالاسىنىڭ رەسەي فەدەراتسياسى قۇرامىنا كىرگەندىگىن رەسمي تۇردە جاريالايتىن بولادى. مەملەكەتتىك دۋمانىڭ رەسەي كونستيتۋتسيالىق سوتىنداعى وكىلى دميتري ۆياتكيننىڭ  اتاپ وتكەنىندەي, قىرىمنىڭ تاۋەلسىزدىگى مويىندالعاننان كەيىن ول ەلدىڭ رەسەي قۇرامىنا كىرگەندىگى وزگە مەملەكەتتەرگە جاريالانادى.ال وسىدان كەيىن حالىقارالىق كەلىسىمگە قول قويىلىپ, اتالعان سۋبەكتىنىڭ رەسەي فەدەراتسياسى قۇرامىنا كىرگەنى تۋرالى جاڭا زاڭ ماقۇلدانادى. ايدار ورىسباەۆ. دەرەككوز: يتار-تاسس فوتو: Itar-tass.com.