قوستاناي وبلىسىنىڭ مەڭدىقارا اۋدانىندا دارىگەرلەر ءتىرى بالانى ولدىگە ساناعان. بۇل تۋرالى «الاۋ» پورتالى حابارلادى.
«6 ناۋرىز كۇنى مەڭدىقارا اۋداندىق اۋرۋحاناسى ۋاقىتىنان ەرتە تۋعان نارەستەنى ولدىگە ساناپ, ونى اتا-اناسىنا بەرگەن»,-دەيدى قوستاناي وبلىسىنىڭ پروكۋرورى مارات قايىبجانوۆ. الايدا, ارادا ءبىر ساعات وتكەندە, جاڭا تۋعان نارەستەنىڭ ءتىرى ەكەنىن اكەسى بايقاپ قالادى. وكىنىشكە وراي, بۇل ءسابيدى اۋرۋحاناعا قايتا اكەلگەنىمەن, ول 3 كۇننەن سوڭ كوز جۇمعان. اتا-انا بالامىزعا ءتيىستى دارەجەدە ەم جاسالعاندا, ءتىرى قالۋى مۇمكىن ەدى دەپ وتىر.
بۇعان قاتىستى وبلىستىق دەنساۋلىق ساقتاۋ باسقارماسىنىڭ باسشىسى ورال بەكماعامبەتوۆ بىلايشا تۇسىنىكتەمە بەردى: «وسى جاعدايدى ەستىگەن بويى وبلىستىق دەنساۋلىق ساقتاۋ باسقارماسىندا دەرەۋ كوميسسيا قۇرىلدى. ولار وقيعا ورنىنا بارىپ, ءمان-جايدى انىقتادى. سايكەسىنشە, ءتيىستى جازالاۋ شارالارى قولدانىلىپ, مەديتسينا قىزمەتكەرلەرى جۇمىستان بوساتىلدى».
جالپى, وسى وقيعا تۋرالى جازىلعان گازەتتىڭ بىرىندە اۋرۋحاناداعى جاۋاپتى قىزمەتكەرلەردىڭ ۇستىنەن قىلمىستىق ءىس قوزعاۋ ماسەلەسى قاراستىرىلىپ جاتقانى جونىندە جازىلعان .
ءامىرحان الماعانبەتوۆ.
دەرەككوز: «الاۋ» پورتالى.
فوتو: Meta.kz.