قارجى ءمينيسترى ەرۇلان جاماۋباەۆ پەن «قازاقستان تەمىر جولى» ۇلتتىق كومپانياسىنىڭ باسشىسى نۇرلان ساۋرانباەۆ جۇمىس ساپارىمەن «قورعاس» اەا-عا باردى. ساپار بارىسىندا تەمىرجول ستانتسياسىنىڭ ەكى باسشىسى قىزمەتىنەن بوساتىلدى, دەپ حابارلايدى Egemen.kz قتج ءباسپاسوز قىزمەتىنە سىلتەمە جاساپ.
جاماۋباەۆ پەن ساۋرانباەۆ KTZE-Khorgos Gateway پورتى, «نۇر جولى» جانە «التىنكول» وتكىزۋ بەكەتتەرى جۇمىسىن تەكسەرگەنى حابارلاندى.
«جۇمىس ساپارى بارىسىندا سىرتقى ەكونوميكالىق قىزمەتكە قاتىسۋشىلارمەن كەزدەسۋ ءوتىپ, وندا قازاقستان-قىتاي شەكاراسىندا بيزنەس جۇرگىزۋدىڭ اشىقتىعىن ارتتىرۋ ماسەلەلەرى تالقىلاندى.
ساپار ناتيجەسىندە دوستىق جانە التىنكول شەكارالىق تەمىرجول ستانتسيالارىنىڭ باسشىلارى قىزمەتتەرىنەن بوساتىلدى», دەدى ءباسپاسوز قىزمەتى وكىلدەرى.