تۇركيا پرەزيدەنتى رەجەپ تايىپ ەردوعان انكارانىڭ ەكى ەل اراسىنداعى كەلىسپەۋشىلىكتەردى بەيبىت جولمەن شەشۋ ءۇشىن رەسەي كوشباسشىسى ۆلاديمير پۋتين مەن ۋكراينا پرەزيدەنتى ۆلاديمير زەلەنسكيدىڭ كەزدەسۋىن وتكىزۋگە دايىن ەكەنىن تاعى دا ايتتى, دەپ حابارلايدى Egemen.kz.
«ەگەر ەكى جاقتا دا بىردەي نيەت بولسا, تۇركيا اراداعى بەيبىتشىلىكتى قالپىنا كەلتىرۋگە جول اشۋ ءۇشىن رەسەي مەن ۋكراينا باسشىلارىنىڭ كەزدەسۋىن ۇيىمداستىرۋعا دايىن», دەدى تۇركيا باسشىسى جەرگىلىكتى تەلەارناعا بەرگەن سۇحباتىندا.
تۇركيا رەسەي مەن ۋكراينا اراسىنداعى شيەلەنىس ۋشىقپاي تۇرعاندا شەشىلگەنىن قالايدى.
رەجەپ تايىپ ەردوعان ماسەلەنى قارۋلى شابۋىلمەن شەشۋ ايماق ءۇشىن ۇتىمدى بولمايتىنىن ايتقان.
ايتا كەتەيىك, بۇعان دەيىن رەجەپ تايىپ ەردوعان ۆلاديمير ءپۋتيندى تۇركياعا شاقىرعان. بىراق ساپاردىڭ كۇنى ءالى بەلگىلەنبەگەن.