كەشە شۆەيتساريانىڭ جەنەۆا قالاسىندا پارلامەنتارالىق وداقتىڭ 130-ءشى اسسامبلەياسى ءوز جۇمىسىن باستادى. ول 20 ناۋرىزعا دەيىن سوزىلادى. اتالعان اسسامبلەياعا پارلامەنت ءماجىلىسىنىڭ توراعاسى نۇرلان نىعماتۋلين باستاعان قازاقستاندىق دەلەگاتسيا دا قاتىسۋدا.
اسسامبلەيا شەڭبەرىندە بىرقاتار پارلامەنتتىك شارالارمەن بىرگە, «پارلامەنتارالىق وداق اسسامبلەياسىنىڭ 125 جىلدىعى: پوا-عا مۇشە پارلامەنتتەردىڭ بەيبىتشىلىك پەن دەموكراتيانى نىعايتۋ بويىنشا مىندەتتەمەلەرىن قۋاتتاۋ» تاقىرىبىندا پىكىرتالاس وتكىزۋ جوسپارلانعان. پىكىرتالاس اياسىندا كەشە پارلامەنت ءماجىلىسىنىڭ توراعاسى نۇرلان نىعماتۋلين ءسوز سويلەدى.
قازاقستاندىق پارلامەنتشىلەردىڭ جەنەۆاداعى جۇمىس باعدارلامالارى وتە تىعىز. ماسەلەن, ن.نىعماتۋليننىڭ پوا-داعى شەتەل پارلامەنتتەرى دەلەگاتسيالارىنىڭ باسشىلارىمەن, اتاپ ايتقاندا, اۋعانستان ۆولەسي جىرعاسى توراعاسى ا.ر.يبراگيميمەن, پاكىستان پارلامەنتى ۇلتتىق اسسامبلەياسىنىڭ توراعاسى س.ا.ساديكپەن, سونداي-اق, شۆەيتساريا ۇلتتىق جينالىسىنىڭ توراعاسى ر.ليۋستەنبەرگەرمەن جانە فەدەرالدى جينالىس كانتوندار كەڭەسىنىڭ توراعاسى ح.گەرمانمەن ەكىجاقتى كەزدەسۋلەرى قاراستىرىلعان.
«ەگەمەن-اقپارات».