قاراعاندى وبلىسىندا ۇستالعان براكونەردەن 200 كەلىگە جۋىق بالىق تاركىلەندى, دەپ حابارلايدى Egemen.kz Polisia.kz-كە سىلتەمە جاساپ.
اقتوعاي اۋدانىنىڭ پوليتسيا ءبولىمىنىڭ تابيعاتتى قورعاۋ پوليتسياسىنىڭ قىزمەتكەرلەرى بالقاش كولى ماڭىندا رەيدتىك ءىس-شارا وتكىزۋ كەزىندە سۋ قويماسىنىڭ جاعاسىندا كەلە جاتقان كولىكتى بايقاعان
پوليتسەيلەر الماتى وبلىسىنىڭ 38 جاستاعى تۇرعىنىنىڭ باسقارعان اۆتوكولىكتى توقتاتقان كەزدە كولىك سالونىن بالىق اۋلاۋ قۇرالدارى, سونداي-اق 200 كەلىگە جۋىق ءارتۇرلى جاڭا اۋلانعان بالىق تاركىلەنگەن.
كەلتىرىلگەن شىعىن سوماسى 961 مىڭ تەڭگەنى قۇرادى. قر قك 335-بابى «بالىق رەسۋرستارىن, باسقا سۋ جانۋارلارىن نەمەسە وسىمدىكتەرىن زاڭسىز ءوندىرۋ» بويىنشا قىلمىستىق ءىس قوزعالدى. تەرگەۋ امالدارى جۇرگىزىلۋدە.