قىزىلوردا قالاسىندا 5 قاڭتار كۇنى بولعان جاپپاي تارتىپسىزدىك كەزىندە قولدى بولعان اسكەري قىزمەتكەرلەرگە تيەسىلى قارۋ تابىلدى, دەپ حابارلايدى Egemen.kz وبلىستىق پوليتسيا باسقارماسىنىڭ ءباسپاسوز قىزمەتىنە سىلتەمە جاساپ.
تەرگەۋ بارىسىندا جوعارىدا اتالعان وقيعاعا قاتىسى بار كۇدىكتىنىڭ ۇيىنەن اسكەري قىزمەتشىلەرگە تيەسىلى 1 – دانا اك – 74 جانە 1 – دانا گپ – 25 قارۋى تابىلىپ, قىلمىستىق ىسكە زاتتاي دالەلدەمە رەتىندە تىركەلدى.
قازىرگى تاڭدا قىلمىستىق كودەكستىڭ بىرنەشە بابى بويىنشا سوتقا دەيىنگى تەرگەپ – تەكسەرۋ امالدارى جۇرگىزىلۋدە.
كۇدىكتى ۋاقىتشا ۇستاۋ اباقتىسىنا جابىلدى.