قىزىلوردادا جازاسىن وتەپ جاتقان ازاماتقا جولدانعان دونەر ىشىنەن ەسىرتكى زاتى تابىلدى, دەپ حابارلايدى Egemen.kz.
قىزىلوردا وبلىسى بويىنشا قىلمىستىق اتقارۋ جۇيەسى دەپارتامەنتىنە قاراستى زك-169/5 مەكەمەسىندە جازاسىن وتەپ جاتقان ازاماتقا جولدانعان سالەم-ساۋقاتتىڭ ىشىنەن ەسىرتكى زاتى انىقتالدى.
مەكەمە قىزمەتكەرلەرى جوعارىدا اتالعان سوتتالعانعا كەلگەن سالەم-ساۋقاتتى تەكسەرۋ بارىسىندا 3 دانا دونەر اراسىنا سالىنعان وزىنە ءتان حوش ءيىسى بار ءشوپ تەكتەس زاتى تاركىلەندى.
«جەدەل تۇردە 102 نومىرىنە حابارلانىپ, مەكەمەگە قىزىلوردا قالالىق پوليتسيا باسقارماسىنىڭ جەدەل تەرگەۋ توبى شاقىرتىلدى. تاركىلەنگەن زات بويىنشا سوت ساراپتاما جۇمىستارى تاعايىندالدى. سالماعى 31,18 گراممدى قۇرايتىن كەپتىرىلگەن ماريحۋانا ەكەنى دالەلدەندى. اتالعان دەرەك بويىنشا قر قىلمىستىق كودەكسىنىڭ 297-بابىنىڭ 1-بولىگىمەن سوتقا دەيىنگى تەرگەۋ جۇمىسى ءجۇرىپ جاتىر», دەپ ءمالىم ەتتى قىزىلوردا وبلىسى بويىنشا قىلمىستىق-اتقارۋ جۇيەسى دەپارتامەنتىنەن.