ءۇش جىلدا 26 مىڭ جۇمىس ورنىن قۇرماق

مەملەكەت باسشىسى قاسىم-جومارت توقاەۆتىڭ ءماجىلىستىڭ وتىرىسىندا ايتقان جۇمىسپەن قامتۋ ماسەلەسىن شەشىپ, وبلىس­تاردا الەۋمەتتىك جانە مادەني دامۋىنا جاعداي جاساۋ كەرەكتىگى وڭىردە جۇزەگە اسىرىلۋى ءتيىس جوبالاردا نەگىزگە الىنعان. پرەزيدەنت: «قازاقستاننىڭ وڭىرلەرى بىردەي دەڭگەيدە دامىپ جاتپاعانى بارشاعا ايان. تەڭسىزدىك الەۋمەتتىك جايسىزدىق پەن ميگراتسيالىق كوڭىل كۇيگە جول اشادى. سوڭعى وقيعالار باتىس جانە وڭتۇستىك وڭىرلەردە حالىقتى ەڭبەكپەن قامتۋدىڭ وزەكتى ماسەلەلەرىن كورسەتتى. بۇل وڭىرلەردە بالا تۋ دەڭگەيى جوعارى, ال ەكونوميكا ءوڭىر تۇرعىندارىن جۇمىسپەن قامتىپ ۇلگەرە الماي جاتىر. سوندىقتان جۇيەلى يندۋستريالاندىرۋ, شا­عىن جانە ورتا بيزنەسكە كومەك كورسەتۋ, اتالعان وبلىستاردا قىزمەت كورسەتۋ سالاسىن دامىتۋ وڭىرلىك ەمەس, ۇلتتىق باسىمدىق بولماق», دەدى.

وبلىس اكىمى ومىرزاق شوكەەۆ يندۋستريالاندىرۋ جانە ينۆەس­تيتسيا تارتۋ جۇمىستارى بارىسى تالقىلانعان ماجىلىستە تۇركىستان قالاسىندا تۇركىتىلدەس ەلدەردى (تۇركيا, ازەربايجان, وزبەكستان, قىرعىزستان, ۆەن­گ­ريا) بىرىكتىرەتىن ارنايى ەكو­نوميكالىق ايماق قۇرۋ تۋرالى باستاما اياسىندا جۇمىستار جۇرگىزىلىپ جاتقانىن ءمالىم ەتتى. اۋماعى 4 مىڭ گەكتار بولا­تىن TURAN ارنايى ەكونو­ميكالىق ايماعىنىڭ 67 جوبادان تۇراتىن ينۆەستيتسيالىق قورجىنىنىڭ جالپى قۇنى 530 ملرد تەڭگەدەن اسقان. وتكەن جىلى وبلىستىڭ نەگىزگى كاپيتالىنا 500 ملرد تەڭگەدەن استام ينۆەستيتسيا باعىتتالدى. ونىڭ ىشىندە سىرتقى ينۆەستيتسيا كولەمى 80,8 ملرد تەڭگەنى قۇرادى. وبلىسقا شەتەلدەن 350 ملن دوللار كولەمىندە ينۆەستيتسيا تارتۋ ينديكاتورى بەكىتىلگەن. وڭىردە جالپى قۇنى 136,4 ملرد تەڭگەگە 1 مىڭعا جۋىق جۇمىس ورنىن اشۋمەن 33 ينۆەستيتسيالىق جوبا جۇزەگە اسىرىلماق. بۇدان بولەك وبلىستا الداعى 3 جىلدا اۋىل شارۋاشىلىعى سالاسىندا جالپى قۇنى 832,3 ملرد تەڭگەگە 17 مىڭنان استام جۇمىس ورنى اشىلاتىن 104 ينۆەستجوبا جۇزەگە اسىرىلادى. شەتەلدىك ينۆەستيتسيالاردى وڭىرگە تارتۋ ماقساتىندا, تۇركىستان وبلىسى دەلەگاتسياسىنىڭ تۇركيا رەسپۋبليكاسىنا جاساعان ساپارى اياسىندا شامامەن 20 تۇركيالىق كومپانيامەن كەلىسسوز جۇرگى­زىلگەن. ناتيجەسىندە, جالپى قۇنى 7 ملن دوللارعا تەڭ, شامامەن 140 جۇمىس ورنى قۇرىلاتىن Teksan Madencilik تسينك كونتسەنتراتىن ءوندىرۋ زاۋىتى جانە YSL Group ءۇي جيھازىن شىعارۋ زاۋىتىن ىسكە اسىرۋعا كەلىسىم جاسالىندى. اپپاراتتىق ماجىلىستە بۇگىندە تۇركيالىق ينۆەستورلار ءوز جوبالارىنىڭ قۇرىلىس-مونتاجداۋ جۇمىستارىن جۇر­گى­زىپ جاتقانى ايتىلدى. سو­نى­مەن قاتار ساۋران اۋدانىن­دا «اگروپاركتە» جەمىس-جيدەك داقىلدارىن ءوسىرۋ باعى, ينتەن­سيۆتى باق ءوسىرۋ, جوڭىشقا ءوسىرۋ جوبالارى جۇزەگە اسىرىلۋدا.

جاڭا جۇمىس ورىندارىن اشۋعا «اۋىل – ەل بەسىگى» جوباسى دا وڭ سەپتىگىن تيگىزۋدە. وبلىستا اتالعان جوبا اياسىندا قولعا الىن­عان شارۋا كوپ. مىسالى, بيى­لعا 320 جوبانى ىسكە اسىرۋعا 18 ملرد تەڭگە قاجەت. ۇلتتىق ەكونوميكا مينيسترلىگىنە ۇسىنىس ەنگىزىلىپ, 11,7 ملرد تەڭگەگە 223 جوبا قولداۋ تاپقان. ءو.شوكەەۆ ءوڭىردىڭ بيۋدجەتارالىق قاتى­ناس­تارىن جەتىلدىرۋ جانە «اۋىل – ەل بەسىگى» جوباسىن جۇزەگە اسىرۋ بارىسىنداعى جۇ­مىس­تاردى سارالاپ, ءتيىستى باسشى­لارعا جۇمىستى جانداندىرۋدى تاپسىردى. «مەملەكەت باسشىسى قاسىم-جومارت توقاەۆ پارلامەنت ءماجىلىسىنىڭ وتىرىسىندا بىرقاتار تاپسىرما بەردى. ونىڭ ىشىندە حالىقتىڭ تابىسىن ارتتىرۋ, جانار-جاعارمايدىڭ باعاسىن تۇراقتاندىرۋ, «اۋىل – ەل بەسىگى» جوباسى جانە بيز­نەستىڭ «بيزنەستىك جول كارتاسى» باعدارلامالارى شەڭبەرىندە وڭتۇستىك وڭىرلەر ءۇشىن جەكەلەگەن باعىتتار ازىرلەۋ جۇكتەلدى. سوندىقتان بۇل باعدارلامالارعا باسا نازار اۋدارۋ كەرەك. بيۋد­جەتارالىق قاتىناستاردى رەفورمالاۋ, اگرارلىق كەشەندى سۋبسيديالاۋدى جەتىلدىرۋ, مال ازىعىمەن قامتاماسىز ەتۋ, الەۋ­مەتتىك ماڭىزى بار ازىق-ت ۇلىك تاۋارلارى باعاسىن تۇراق­تاندىرۋ, جاستاردى جۇمىسپەن قامتۋ, بىلىكتى پەداگوگتەردى تارتۋ, ءدىن, ازاماتتىق قوعام جا­نە جاستار ساياساتى بويىنشا جوس­­پارلانعان شارالار مەن مىندەت­تەردى ايقىنداۋ كەرەكتىگى دە اي­­تىلدى. وبلىستا وسى باعىت­تا جۇ­مىس كۇشەيتىلەدى», دەدى ءو.شو­كەەۆ. ال وبلىستىق ستراتەگيا جانە ەكونوميكالىق دا­مۋ باسقارماسىنىڭ باسشى­سى قانات قايىپبەكتىڭ ايتۋىن­شا, «اۋىل – ەل بەسىگى» باعدار­لاماسىنىڭ 109 جوباسىن جۇزەگە اسىرۋعا قوسىمشا 7,8 ملرد تەڭگە قاجەت. وسىعان بايلا­نىستى رەسپۋبليكالىق بيۋد­جەتتى ناقتىلاۋعا ءتيىستى وتىنىم­دەر ەنگىزۋ بويىنشا جۇمىس باستالعان. جالپى جوبا اياسىندا 5 جىلدا 614 ەلدى مەكەن­گە جاڭعىرتۋ جۇمىستارىن جۇر­گىزۋ جوسپارلانعان. سالالىق باسقارمالار, اۋدان جانە قا­لا اكىمدىكتەرىمەن ىسكە اسىرىلا­تىن جوبالاردىڭ تىزبەسى قالىپ­تاستىرىلادى. سونداي-اق وڭىردە ءبىلىم بەرۋ سالاسى ماماندارىنا «ديپلوممەن – اۋىلعا» جوباسى اياسىندا 100 اەك مول­شەرىندە (306,3 مىڭ تەڭگە) بىر­جولعى جاردەماقى جانە تۇر­عىن ءۇي سالۋ نەمەسە ساتىپ الۋ ءۇشىن جەڭىلدەتىلگەن كرەديت تۇرىندە الەۋمەتتىك قول­داۋ قا­راستىرىلعان. «ديپ­لوم­مەن – اۋىلعا» جوباسى ىسكە اسىرىل­عاننان بەرى جالپى 11 595 مامانعا 2,1 ملرد تەڭگە كولە­مىن­دە بىرجولعى جاردەماقى ۇسىنىلعان. ونىڭ 7 911-ءى – مۇعا­لىمدەر. سونداي-اق 11,6 ملرد تەڭگە كولەمىندە بيۋدجەتتىك كرەديت ۇسىنىلىپ, ناتيجەسىندە 3 573 مامان باسپانالى بولدى, ونىڭ ىشىندە 2 265 ءبىلىم سالاسىنىڭ وكىلىنە قولداۋ كورسەتىلگەن. الداعى ۋاقىتتا وڭىر­گە قاجەتتى مۇعالىمدەر سانىن انىق­تاپ, «ديپلوممەن – اۋىلعا» جوباسى اياسىندا ۇسىنىلا­تىن قولداۋ شارالارى مولشەرىن ۇلعايتۋ بويىنشا ۇسىنىس ەن­گىزىلمەك.

تۇركىستان وبلىسى