الماتى كومەنداتۋراسىنىڭ اقپاراتتىق ورتالىعى تەرروريزمگە قارسى وپەراتسيا باستالعاننان بەرى 2 601 ادام ۇستالعانىن مالىمدەدى, دەپ حابارلايدى Egemen.kz.
«الماتى قالاسىنىڭ كومەنداتۋراسى تەرروريزمگە قارسى وپەراتسيا باستالعاننان بەرى زاڭسىز شەرۋلەر, توناۋ جانە باسقا دا قىلمىستارعا قاتىسقان 2 601 ادام ۇستالعانىن حابارلايدى.
بارلىعى 127 اتىس قارۋى مەن 4 077 وق-ءدارى تاركىلەندى», دەدى ۆەدومستۆو وكىلدەرى.
وتكەن تاۋلىكتە «102» پۋلتىنە 329 حابارلاما كەلىپ تۇسكەن.
«كومەنداتۋرانىڭ كولل-ورتالىعىنا جەدەل دەن قويۋدى تالاپ ەتكەن ازاماتتاردان 48 دابىل ءتۇستى. بارلىق حابارلاما پىسىقتالدى», دەپ اياقتادى پوليتسيا وكىلدەرى.