ورتالىق كوممۋنيكاتسيالار قىزمەتىندە وتكەن بريفينگىدە قر باس پروكۋراتۋراسى قىلمىستىق قۋدالاۋ قىزمەتىنىڭ باستىعى سەرىك شالاباەۆ ەلدە بولعان تارتىپسىزدىكتەر كەزىندە قازا بولعانداردىڭ ناقتى سانىن مالىمدەدى, دەپ جازادى Egemen.kz.
«ادام شىعىنى بولعان وقيعالاردى تەرگەپ, تەكسەرۋگە ەرەكشە نازار اۋدارىلۋدا. بۇگىنگى كۇنى 4578 جابىرلەنۋشى انىقتالدى. ونىڭ 4353-ءى جارالاندى. ونىڭ ىشىندە 3393 قۇقىق قورعاۋ ورگاندارىنىڭ قىزمەتكەرلەرى. توتەنشە جاعداي كەزىندە مورگتەرگە قازا تاپقان 225 ادام جەتكىزىلدى», دەدى باس پروكۋراتۋرا وكىلى.
«ولاردىڭ ءبىر بولىگى تەرراكتىلەرگە قاتىسقان, عيمارتتار مەن قۇقىق قورعاۋ قىزمەتكەلەرىنە شابۋىل جاساعان قارۋلى بانديتتەر. قازا بولعانداردىڭ ىشىندە 19 پوليتسيا جانە اسكەر قىزمەتكەرلەرى دە بار. اتالعان دەرەكتەر الدىن الا سيپاتتاعى بولجامدار. ولار ءالى ناقتىلانىپ جاتىر, وزگەرۋى دە مۇمكىن. دەگەنمەن, ءاربىر فاكت مۇقيات تەكسەرىلەدى, ناتيجەسى بويىنشا قۇقىقتىق باعا بەرىلەدى», دەدى سەرىك شالاباەۆ.