قازاقستاندىق اننا دانيلينا جۇپتىق سىندا سيدنەي WTA 500 ءتۋرنيرىنىڭ فينالىنا شىقتى, دەپ حابارلايدى Egemen.kz.
قازاقستان تەننيس فەدەراتسياسى ءمالىم ەتكەنىندەي, ا.دانيلينا برازيليالىق بەاتريس حادداد مايامەن بىرگە جارتىلاي فينالدا جارىستىڭ 2-راكەتكالارى, جاپونيالىقتار سيۋكو اياوما – ەنا شيباحارامەن شەبەرلىك بايقاستى.
ءبىرىنشى پارتيادا جەتىنشى گەيمدە اننا مەن بەاتريس برەيك جاساپ, سول باسىمدىلىقتى ساقتاپ قالدى – 6:4. ەكىنشى سەتتە تاي-برەيكتە جاپونيالىقتار ابجىلدىك تانىتتى – 7:6 (7:2). سۋپەر تاي-برەيكتە قازاقستاندىق-برازيليالىق جۇپ 5:2 ەسەبىمەن الدا تۇرعانىمەن, قارسىلاستارىنىڭ تارازى باسىن تەڭەستىرۋىنە جول بەردى. دەگەنمەن سوسىن ەكى ميني-برەيك جاساپ, جەڭىستى ج ۇلىپ الدى – 10:6.
اننا مەن بەاتريس فينالدا گەرمانيالىق ۆيۆيان حايزەن – ماجارستاندىق پاننا ۋدۆارديمەن باس جۇلدەنى ساراپقا سالادى.
وسىلايشا ا.دانيلينا جۇپتىق سىندا WTA 500 سەرياسىنداعى دودالاردا العاش رەت فينالدا باق سىناماق.