قازاقستان رەسپۋبليكاسى ۇلتتىق قاۋىپسىزدىك كوميتەتى ۇقك-ءنىڭ بۇرىنعى توراعاسى كارىم ماسىموۆكە قاتىستى مەملەكەتكە وپاسىزدىق جاساۋ دەرەگى بويىنشا سوتقا دەيىنگى تەرگەۋدى جالعاستىرىپ جاتقانىن مالىمدەدى, دەپ حابارلايدى Egemen.kz.
قازاقستان رەسپۋبليكاسى ۇلتتىق قاۋىپسىزدىك كوميتەتى ۇقك-ءنىڭ بۇرىنعى توراعاسى كارىم قاجىمقان ۇلى ماسىموۆكە قاتىستى مەملەكەتكە وپاسىزدىق جاساۋ دەرەگى بويىنشا سوتقا دەيىنگى تەرگەۋدى جالعاستىرۋدا.
وسى ءىستىڭ شەڭبەرىندە بيلىكتى كۇشپەن باسىپ الۋعا جانە لاۋازىمدىق وكىلەتتىكتەرىن اسىرا پايدالانۋعا باعىتتالعان ءىس-ارەكەتتەر دەرەگى بويىنشا قوسىمشا سوتقا دەيىنگى تەرگەپ-تەكسەرۋلەر باستالدى.
اتالعان قىلمىستاردى جاسادى دەگەن كۇدىكپەن ك.ماسىموۆتەن باسقا ۇقك توراعاسىنىڭ بۇرىنعى ورىنباسارى – «ا» ارنايى ماقساتتاعى قىزمەتىنىڭ باستىعى ءانۋار سادىقۇلوۆ پەن ۇقك توراعاسىنىڭ بۇرىنعى ورىنباسارى داۋلەت. ەرعوجين ۇستالدى.
تەرگەۋ جالعاسادى.