بولات اقشولاقوۆ ەنەرگەتيكا ءمينيسترى قىزمەتىنە تاعايىندالدى

بولات ورال ۇلى اقشولاقوۆ – قازاقستان رەسپۋبليكاسىنىڭ ەنەرگەتيكا ءمينيسترى.

بولات اقشولاقوۆ 1971 جىلى اتىراۋ قالاسىندا دۇنيەگە كەلگەن. 1993 جىلى قازاق مەملەكەتتىك باسقارۋ اكادەمياسىن تامامداعان. ماماندىعى بويىنشا - ەكونوميست.

ەڭبەك جولىن 1994 جىلى باستاعان. 1995-1997 جىلدارى ورتالىق ازيا ىنتىماقتاستىق جانە دامۋ بانكىنىڭ اكتيۆتەردى باسقارۋ ءبولىمىنىڭ مامانى, ءبولىم باستىعى, ديرەكتوردىڭ ورىنباسارى قىزمەتىن اتقاردى.

1997-2003 جىلدارى «قازاقويل» ۇك» جاق تەڭىز جوباسى بويىنشا اعا ساراپشى, مەنەدجەر, دەپارتامەنت ديرەكتورىنىڭ ورىنباسارى, Commonwealth & British Services Ltd. بيزنەس-تالداۋشىسى, ستراتەگيالىق جوسپارلاۋ جونىندەگى مەنەدجەرى, قارجى ديرەكتورى بولىپ ەڭبەك ەتتى.

2003-2006 جىلدار ارالىعىندا - «قازمۇنايگاز» ۇك» اق بك-دا ۇلەستى باسقارۋ جونىندەگى اتقارۋشى ديرەكتور.

2006-2008 جىلدارى قازاقستان رەسپۋبليكاسىنىڭ ەنەرگەتيكا جانە مينەرالدى رەسۋرستار ۆيتسە-ءمينيسترى بولىپ قىزمەت اتقاردى. 2008-2011 جىلدارى - «سامۇرىق-قازىنا» ۇاق» اق باسقارۋشى ديرەكتورى, PSA جشس باس ديرەكتورى, «قازمۇنايگاز» ۇك» اق باسقارما توراعاسى بولدى. 2012-2014 جىلدارى - قر مۇناي جانە گاز ۆيتسە-ءمينيسترى.

2014 جىلدىڭ قىركۇيەك ايىنان باستاپ - AlmexPetrochemical جشس باس ديرەكتورى. 2016 جىلدىڭ اقپان ايىنان باستاپ - «KAZENERGY» قازاقستان مۇناي-گاز جانە ەنەرگەتيكا كەشەنى ۇيىمدارىنىڭ قاۋىمداستىعى» زاڭدى تۇلعالار بىرلەستىگىنىڭ باس ديرەكتورى.

«قۇرمەت» وردەنىمەن ماراپاتتالعان.