پرەزيدەنت قاسىم-جومارت توقاەۆ ەلىمىزدە قالىپتاسقان جاعدايدى تۇبەگەيلى وزگەرتۋگە مۇددەلى ەكەنىن كورسەتتى. بۇل تۋرالى قازاقستان رەسپۋبليكاسى پارلامەنتى سەناتىنىڭ دەپۋتاتى لاززات سۇلەيمەن ايتتى, دەپ حابارلايدى Egemen.kz.
«ەڭ الدىمەنەن بيلىك حالىقتىڭ سەنىمىن قايتارىپ الۋى كەرەك. بيلىك حالىققا ەسەپتە بولۋى جانە بيلىكپەن حالىق بىرگە بولۋى كەرەك. بۇل حالىقتىڭ دا ايتىپ وتىرعان تالابى.
مەملەكەت باسشىسى قازىرگى قوعامدا الەۋمەتتىك-ەكونوميكالىق ادىلەتسىزدىك تۋعىزىپ وتىرعان ماسەلەلەردى ءتىزىپ ايتىپ, مەملەكەتتىك ينستيتۋتتاردى قالاي دامىتۋ كەرەكتىگى تۋرالى ناقتى باعىتتار بەردى. ەگەردە ول ناتيجە بەرمەسە, ول ينستيتۋتتاردىڭ تاراتىلاتىندىعى تۋرالى ايتتى. بۇل حالىقتىڭ ءال-اۋقاتىن جاقسارتۋعا ىقپال ەتەدى جانە جاستاردىڭ, اسىرەسە, جۇمىسسىز جاستاردىڭ ەكونوميكانىڭ ءبىر مۇشەسى ەكەنىن سەزىنۋلەرىنە مۇمكىندىك بەرەدى», دەيدى ول.
سونداي-اق دەپۋتات بۇگىن بەكىتىلگەن پرەمەر-ءمينيستردىڭ كانديداتۋراسىن قولدايتىنىن جەتكىزدى.
«ارينە, سمايىلوۆتىڭ ۇكىمەتىنە سىن دا, ءۇمىت دە كوپ بولادى. سوندىقتان دا بۇل ۇكىمەتتەن كۇتەرىمىز كوپ. ەكونوميكالىق رەفورمالاردى تەزدەتىپ جۇزەگە اسىرۋىمىز كەرەك.
ال ەندى وسىلاردىڭ ءبارىن جۇزەگە اسىرۋ ءۇشىن بيلىكتە حالىقتىڭ وزىنەن شىققان, حالىققا جانى اشيتىن, ءوز مۇددەسىنەن حالىقتىڭ مۇددەسىن جوعارى قوياتىن ازاماتتار بولۋ كەرەك. بىزدە باسقا جول جوق», دەدى ءلاززات سۇلەيمەن.