مەملەكەت باسشىسى قاسىم-جومارت توقاەۆ قازاقستاننىڭ وڭىرلەرى ءبىر دەڭگەيدە دامىماي جاتقانىن ايتتى, دەپ حابارلايدى Egemen.kz.
«ديسپروپورتسيا الەۋمەتتىك ىڭعايسىزدىقتىڭ, كوشى-قون كوڭىل-كۇيىنىڭ ءوسۋىنىڭ العىشارتتارىن جاسايدى. سوڭعى وقيعالار باتىس جانە وڭتۇستىك ايماقتاردا جۇمىسپەن قامتۋدىڭ وتكىر پروبلەماسىن كورسەتتى. وندا بالا تۋ دەڭگەيى جوعارى. ەكونوميكا جۇمىس ورىندارىن قۇرۋمەن قاتار جۇرمەيدى. سوندىقتان جۇيەلى يندۋستريالاندىرۋ, شاعىن جانە ورتا بيزنەسكە جاردەمدەسۋ, وسى سالالاردا كورسەتىلەتىن قىزمەتتەر سەكتورىن دامىتۋ وڭىرلىك ەمەس, ۇلتتىق باسىمدىق بولىپ تابىلادى», دەدى پرەزيدەنت ءماجىلىس وتىرىسىندا.
مەملەكەت باسشىسى ۇكىمەتكە وسى وڭىرلەر ءۇشىن «اۋىل – ەل بەسىگى», «بيزنەستىڭ جول كارتاسى» جانە باسقا دا باعدارلامالار شەڭبەرىندە جەكەلەگەن باعىتتار ازىرلەۋدى تاپسىردى.
سونداي-اق پرەزيدەنت وڭىرلەردىڭ وركەندەۋى وبلىس اكىمدەرىنىڭ بەدەلىنە بايلانىستى ەكەنىن دە اتاپ ءوتتى.