پرەزيدەنت ۇكىمەت مۇشەلەرىنىڭ, اكىمدەر مەن دەپۋتاتتاردىڭ جالاقىسىن كوتەرۋگە 5 جىلدىق موراتوري جاريالاناتىنىن ايتتى, دەپ حابارلايدى Egemen.kz.
«ۇكىمەت پەن دەپۋتاتتار, اكىمدەردىڭ ەڭبەكاقىلارى, شىعىس تۋرالى باپتار ماسەلەسى وتكەن جىلدىڭ سوڭىندا تالقىلاندى. مەنىڭ ويىمشا, ولاردىڭ جالاقىسى جەتكىلىكتى. سوندىقتان ولاردىڭ جالاقىسىن كوتەرۋگە 5 جىل موراتوري جاريالاۋعا بولادى دەپ سانايمىن. مەن بۇل دەپۋتاتتار ءۇشىن جاقسى جاڭالىق ەمەس ەكەنىن تۇسىنەمىن, بىراق سىزدەر مۇنى تۇسىنەدى دەپ ويلايمىن. اكىمشىلىك مەملەكەتتىك قىزمەتكەرلەر مەن بيۋدجەتتەگىلەرگە جالاقىنى مۇمكىندىگىنشە كوتەرۋدى جالعاستىرامىز», دەدى پرەزيدەنت.