تاۋەلسىز وتانىمىز قازاقستان – باستى بايلىعىمىز. تاۋەلسىزدىك سىنعا تۇسكەن ساتتە بىرلىگىمىزدى نىعايتىپ مەملەكەت باسشىسى ق.ك.توقاەۆتىڭ جانىندا توپتاسىپ, ونىڭ جۇزەگە اسىرىپ جاتقان ساياساتىن تولىق قولدايمىز!
ەلىمىزدە بەلەڭ العان جاعىمسىز وقيعالارعا قاتتى كۇيىنەمىز, سوندىقتان ءبىز, جيدەلىبايسىن جەرىندەگى جوعارى ءبىلىمنىڭ اق شاڭىراعى – «سىرداريا» ۋنيۆەرسيتەتى ستۋدەنتتەرى جانە پروفەسسور-وقىتۋشىلارى پرەزيدەنت قاسىم - جومارت كەمەل ۇلى توقاەۆپەن بىرگە ەكەنىمىزدى جاريالايمىز.
ەلىمىزگە تاۋەلسىزدىك العاننان بەرگى كەزەڭدەگى ەڭ ۇلكەن قاۋىپ-قاتەر ءتونىپ, حالقىمىز ءۇشىن سىن ساعاتى تۋىپ وتىر. ەلدىڭ ەلدىگى مەن ەردىڭ ەرلىگى وسىنداي سىن ساعاتتاردا ايقىن كورىنەدى. ەل پرەزيدەنتى ق. ك. توقاەۆ وسىنداي قيىن-قىستاۋ ساتتە ءوز حالقىمەن بىرگە بولىپ, ەلدى بىرلىككە ۇندەپ, سابىرعا شاقىرىپ, تىعىرىقتان شىعار جول تابا ءبىلدى. مەملەكەت باسشىسى ءوزىنىڭ حالىقارالىق ارەناداعى بەدەلىنىڭ دە جوعارى ەكەندىگىن كورسەتتى. بۇل ءبىزدىڭ مەملەكەتىمىزدىڭ تۇراقتىلىعىنا جانە ونىڭ جارقىن بولاشاعىنا ۇلكەن سەنىم تۋعىزادى.
ەل باسىنا كۇن تۋعان قيىن كەزەڭدە ەلدىگى مەن بىرلىگىن كورسەتە بىلگەن حالىق قانا سىن قاتەرگە توتەپ بەرە الماق.
ۋنيۆەرسيتەت جانىنان ەلگە تونگەن قاۋىپتى اۋىزدىقتاۋ, ەل تاۋەلسىزدىگىن تۇتاستاي ساقتاپ قالۋ جانە پرەزيدەنت شەشىمدەرىن حالىق اراسىندا دۇرىس ءتۇسىندىرۋ ماقساتىندا ەرىكتى ستۋدەنت جاستاردان توپ قۇرىلعانىن حابارلايمىز.
جاستاردى مەملەكەتىمىزدىڭ تىنىشتىعىن بۇزعان ارانداتۋشىلارعا ەرمەي, ەل يگىلىگى مەن حالىق مۇددەسى ءۇشىن ءبىلىم الۋعا, ەڭبەك ەتۋگە شاقىرامىز! ەلىمىزدىڭ ەڭسەسى بيىك, تۋى جوعارى بولسىن!
«سىرداريا» ۋنيۆەرسيتەتى ۇجىمى, پروفەسسور-وقىتۋشىلارى, جيدەلىبايسىن جەرىنىڭ جاستارى پرەزيدەنتىمىز قاسىم - جومارت كەمەل ۇلى توقاەۆقا سەنەمىز, بىرگەمىز. مەملەكەت باسشىسى قويعان مىندەت-ماقساتتاردى بۇلجىتپاي ورىندايمىز. وتان ءۇشىن جان پيدا! جاساسىن تاۋەلسىز قازاقستان!
«سىرداريا» ۋنيۆەرسيتەتىنىڭ ۇجىمى