بىرقاتار قالالاردا ۇقك دەپارتامەنتىنىڭ باسشىلارى بورىشىنا ادالدىق تانىتا المادى. قر پرەزيدەنتى قاسىم-جومارت توقاەۆ پارلامەنت ءماجىلىسىنىڭ وتىرىسىندا وسىنداي پىكىر ءبىلدىردى, دەپ حابارلايدى Egemen.kz.
«شەتىن جاعدايدا قورعانىس مينيسترلىگى مەن مەملەكەتتىك قىزمەتتەگى اسكەري قىزمەتشىلەر ابىرويمەن كوزگە ءتۇستى. بىراق ءبارى بىردەي ءوزىنىڭ بورىشىنا ادالدىق تانىتقان جوق. بىرقاتار قالالاردا ۇلتتىق قاۋىپسىزدىك كوميتەتى دەپارتامەنتىنىڭ باسشىلارى جەتكىلىكتى اسكەري ارسەنال بولعانىنا قاراماستان, قىزمەتتىك عيماراتتاردى ونداعى قارۋ مەن قۇپيا قۇجاتتارمەن بىرگە ايقاسسىز تاستاپ كەتتى», دەدى مەملەكەت باسشىسى ءماجىلىس وتىرىسىندا.