دۇنيەجۇزىلىك دەنساۋلىق ساقتاۋ ۇيىمىنىڭ (ددۇ) توتەنشە اۋرۋلار ءبولىمىنىڭ تەحنيكالىق توبىنىڭ جەتەكشىسى ماريا ۆان كەركحوۆە دەلتاكرون شتامى سەكۆەنيرلەۋ كەزىندە سىنامانىڭ لاستانۋى ناتيجەسىندە پايدا بولۋى مۇمكىن ەكەنىن جانە ەكى نۇسقانىڭ قوسىندىسى ەمەس ەكەنىن ايتتى, دەپ حابارلايدى Egemen.kz.
ددۇ وكىلى دەلتاكرون شتامى دەلتا جانە وميكرون نۇسقالارىنا قاتىسى جوق دەدى.
«بۇل سوزدەر ۆيرۋس/نۇسقا تىركەسىمىن بىلدىرەدى, بىراق بۇل دەلتا جانە وميكرون شتامدارىنىڭ قوسىندىسى ەمەس. دەلتاكرون - سەكۆەنيرلەۋ كەزىندە سىنامانىڭ لاستانۋى ناتيجەسىندە پايدا بولۋى مۇمكىن», دەيدى ۆان كەركحوۆەن.
بۇعان دەيىن كيپر ۋنيۆەرسيتەتىنىڭ بيولوگيالىق عىلىمدار فاكۋلتەتىنىڭ ءبىر توپ عالىمدارى كوروناۆيرۋستىڭ جاڭا شتامىنىڭ پايدا بولعانىن ايتقان بولاتىن. مۋتاتسيا دەلتاكرون دەپ اتالدى, ويتكەنى ول دەلتا جانە وميكرون شتامدارىنىڭ گيبريدى دەپ ەسەپتەلدى.