سودىرلار ەلورداداعى پرەزيدەنت رەزيدەنتسياسىن باسىپ الماق بولعان. بۇل جايىندا قر پرەزيدەنتى قاسىم-جومارت توقاەۆ ايتتى, دەپ حابارلايدى Egemen.kz.
«الماتى مەن 9 وبلىس ورتالىعى بانديتتەردىڭ قولىنا ءوتتى. ءبىز كونترتەرروريستىك رەجيم جاريالادىق. قازاقستان ۇقۇش-عا جاردەم كورسەتۋ ءوتىنىشىن جاسادى. ول دەر ۋاقىتىندا ورىن الدى. ەلورداعا ءۇش اسكەري-كولىك ۇشاعىنىڭ كەلگەنىن بىلگەن سودىرلار پرەزيدەنتتىك رەزيدەنتسيانى باسىپ الۋ جوسپارلارىنان باس تارتتى. بۇل بىزگە قوسىمشا كۇشتى الماتىعا جىبەرۋگە جانە قالانى سودىرلاردان قايتارىپ الۋعا مۇمكىندىك بەردى», دەدى مەملەكەت باسشىسى ۇقشۇ ۇجىمدىق قاۋىپسىزدىك كەڭەسىنىڭ كەزەكتەن تىس سەسسياسىندا.
ايتا كەتەيىك, بۇگىن ۇقشۇ ۇجىمدىق قاۋىپسىزدىك كەڭەسىنىڭ كەزەكتەن تىس سەسسياسى ءوتىپ جاتىر. جيىن قازاقستان تاراپىنىڭ باستاماسىمەن شاقىرىلدى.