سولتۇستىك قازاقستان وبلىسىندا جەرگىلىكتى پابليكتەردىڭ ءبىرىنىڭ اكىمگەرى پاراقشاسى ارقىلى لاڭكەستىك ۇيىمنىڭ ءىس-ارەكەتىن دارىپتەپ, ەلدى ميتينگكە شاقىرعانى ءۇشىن اكىمشىلىك جاۋاپكەرشىلىككە تارتىلدى, دەپ حابارلايدى Egemen.kz.
وبلىستىق پوليتسيا دەپارتامەنتى ءباسپاسوز قىزمەتى تاراتقان مالىمەتكە سۇيەنسەك, پەتروپاۆل قالالىق سوتىنىڭ ۇكىمىمەن جەرگىلىكتى پابليكتەردىڭ ءبىرىنىڭ اكىمگەرى توتەنشە جاعداي رەجيمىندە قوعامدىق ءتارتىپتى بۇزۋعا ارانداتقانى ءۇشىن 30 تاۋلىككە قاماۋعا الىنعان. ول الەۋمەتتىك جەلىدەگى پاراقشاسىندا ەكسترەميستىك ۇيىمنىڭ ءىس-ارەكەتىن ناسيحاتتاعان. ەلدى ەرەۋىلگە شاقىراتىن جازبا قالدىرعان.
- قوعامدىق ءتارتىپتى بۇزۋعا شاقىراتىن ارەكەتتەر ءۇشىن جاۋاپكەرشىلىكتى بارلىعى ءتۇسىنۋى ءتيىس. توتەنشە جاعداي رەجيمى كەزىندە ازاماتتاردان جاۋاپكەرشىلىك تانىتۋدى سۇرايمىن. بارلىق قابىلدانىپ جاتقان شارالار, ونىڭ ىشىندە ۋاقىتشا شەكتەۋلەر ەڭ الدىمەن حالىقتىڭ قاۋىپسىزدىگى مەن تىنىشتىعىن قامتاماسىز ەتۋگە باعىتتالعان, دەيدى سقو كومەندانتى, پد باسشىسى مارات تولەباەۆ.