ەلىمىزدە توتەنشە جاعدايدىڭ جاريالانۋىنا بايلانىستى جانە ينتەرنەت جەلىسى قول جەتىمسىز بولعاندىقتان, قر قم مەملەكەتتىك كىرىستەر كوميتەتى 2022 جىلعى قاڭتاردىڭ 5-ءى مەن 19-ى ارالىعىندا «ەلەكتروندى شوت-فاكتۋرالار» اقپاراتتىق جۇيەسىندەگى تەحنيكالىق اقاۋدىڭ ورىن العانى تۋرالى حاتتاماعا قول قويدى, دەپ حابارلايدى Egemen.kz.
قاجەتتىلىك تۋىنداعان جاعدايدا سالىق تولەۋشىلەر شوت-فاكتۋرانى قاعاز تۇرىندە راسىمدەي الادى. 2022 جىلدىڭ 19 قاڭتارىنان كەيىن بۇنداي شوت-فاكتۋرانى اقپاراتتىق جۇيەگە 15 كۇنتىزبەلىك كۇن ىشىندە ەنگىزسە جەتكىلىكتى.
ول ءۇشىن ەشقانداي ايىپپۇل سانكتسيالارى قولدانىلمايدى.