ۇستالعانداردىڭ اراسىندا شەتەل ازاماتتارى بار. الماتى وبلىسىنداعى اۋىلداردىڭ بىرىندە 100-دەن استام ادام ۇستالدى. الدىن الا مالىمەتتەر بويىنشا ولاردىڭ قاتارىندا كورشى مەملەكەتتىڭ ازاماتتارى بار. جامبىل وبلىسىنداعى ەلدى مەكەندەردىڭ بىرىنەن قارۋ-جاراق (بىرنەشە اۆتومات پەن تاپانشا) تابىلدى.
سونداي-اق, الماتى پوليتسەيلەرى قالقامان شاعىن اۋدانىنىڭ بىرىنەن وق-دارىلەر مەن ۇرلانعان زاتتاردى (ۆەلوسيپەدتەر, تەلەديدارلار مەن ۇيالى تەلەفوندار) تاركىلەدى. سوتقا دەيىنگى تەرگەۋ امالدارى جۇرگىزىلۋدە.