فرانتسۋزدىق «پاري سەن-جەرمەن» فۋتبول كلۋبىنىڭ ارگەنتينالىق شابۋىلشىسى ليونەل مەسسيدىڭ پتر سىناعى وڭ ناتيجە بەردى. بۇل تۋرالى كوماندانىڭ ءباسپاسوز قىزمەتى حابارلادى, دەپ جازادى Egemen.kz تاسس-قا سىلتەمە جاساپ.
سونداي-اق, ىندەت پسج ويىنشىلارى حۋان بەرنات, سەرحيو ريكو جانە ناتان بيتۋمازالدا دا انىقتالدى. قازىرگى ۋاقىتتا ينفەكتسيا جۇقتىرعان فۋتبولشىلار وقشاۋلانۋدا.
ال جاراقات العان برازيليالىق كلۋب ويىنشىسى نەيمار شامامەن ءۇش اپتادان كەيىن جاتتىعۋعا ورالادى.
دۇيسەنبىدە پسج فرانتسيا كۋبوگىنىڭ 1/16 فينالىندا «ۆانن» كلۋبىنا قارسى وينايدى. 19 تۋردان كەيىن كلۋب 46 ۇپاي جيناپ, ەل چەمپيوناتىنىڭ تۋرنير كەستەسىندە ءبىرىنشى ورىن الدى.