اقمولا وبلىسىندا قىلمىستىڭ قارقىنى باسەڭدەمەي وتىر. مىسالى, بوتەننىڭ مۇلكىن ۇرلاۋ 15,7 پايىزعا, ۇيالى تەلەفونداردى جىمقىرۋ 9,4 پايىزعا وسسە, قاراقشىلىق شابۋىلدار سانى 15,6 پايىزعا وسكەن. وعان قوسا, تىركەلگەن قىلمىستار قۇرىلىمىندا ۇرلىق جاساۋدىڭ ۇلەسى 64,4 پايىزدى قۇراعان. اسىرەسە, تۇرمىستىق سەكتوردىڭ كولەڭكەدە قالىپ جاتقانى الاڭداتادى.
سوندىقتان دا بۇل كەمشىلىكتى جويۋدىڭ توتە جولى رەتىندە, ياعني قىلمىستىڭ الدىن الۋ شارالارىنا زامانالىق تەحنيكا جەتىستىكتەرىن تىكەلەي قوسۋ جانە جەرگىلىكتى اتقارۋشى ورگاندار مەن ازاماتتاردىڭ قولداۋىنا ارقا سۇيەۋدەمىز, – دەيدى بىزبەن اڭگىمەسىندە ءىىد مەملەكەتتىك كۇزەت ءبولىمىنىڭ باستىعى, پوليتسيا پودپولكوۆنيگى ساكەن ءابىلماجىنوۆ.
ايتكەنمەن, ءىستىڭ وزەكتىلىگىنە قاراماستان, جايباسارلىق كورىنىستەرى دە جويىلماۋدا. مىسالى, زەرەندى اۋىلىنداعى 498 پاتەر مەن 9199 جەكە تۇرعىن ءۇيدىڭ ەكەۋى عانا ورتالىق باقىلاۋ پۋنكتىنە قوسىلعان. ءدال وسىنداي جاعداي ەڭبەكشىلدەر, ەرەيمەنتاۋ, جاقسى, استراحان, تاعى باسقا اۋدانداردا ورىن الىپ وتىر.
حالقىمىز «ساقتانساڭ – ساقتايمىن» دەگەن ناقىلدى ءجيى ايتادى. ونىڭ ماعىناسىن ءتۇسىندىرىپ جاتۋدىڭ ءوزى ارتىق. بۇگىنگى قۇقىقتىق قوعامنىڭ ۇستانىمى دا سولاي. دەمەك, ورتاق كەساپاتتىڭ الدىن الۋعا سەپتەسۋ, وعان تىكەلەي قاتىسۋ بارشامىزدان جاۋاپكەرشىلىكتى ەسەلەي ءتۇسۋدى تالاپ ەتەتىنى انىق.
باقبەرگەن امالبەك,
«ەگەمەن قازاقستان».
اقمولا وبلىسى.