شەشەنستان كوشباسشىسى رامزان كادىروۆ WBC جانە IBF تۇجىرىمدارى بويىنشا جارتىلاي اۋىر سالماق دارەجەسىندەگى الەم چەمپيونى, بوكسشى ارتۋر بەتەريبەۆكە جانە وزگە بىرقاتار سپورتشىعا ايرىقشا قۇرمەت كورسەتتى, دەپ حابارلايدى Egemen.kz.
«مەن وزىمە جۇكتەلگەن مىندەتتى ءوز دەڭگەيىندە ورىندادىم. شەشەن ۇلتىنىڭ جانە رەسەي مەملەكەتىنىڭ نامىسىن ابىرويمەن قورعاپ جۇرگەن سپورتشىلارعا قۇرمەت كورسەتتىم. ءۇش سپورتشى بۇگىن اۆتوكولىكتىڭ كىلتىن الدى. ودان بولەك 11 سپورتشىعا 1 ميلليون رۋبل تەڭگەنىڭ سەرتيفيكاتىن تابىستادىم. سونداي-اق كاسىپقوي بوكسشى ارتۋر بەتەربيەۆ گروزنىي قالاسىنىڭ قۇرمەتتى ازاماتى اتاعىن الدى», دەلىنگەن كادىروۆتىڭ ينستاگرامدا جازعان جازباسىندا.