تاراز شەكارا وتريادىنا قاراستى «سىپاتاي باتىر» زاستاۆاسىنىڭ ناريادى قىزمەت بارىسىندا شەكاراداعى ينجەنەرلىك قۇرىلعىلاردىڭ بۇزىلىپ, قىرعىز جەرىنەن ەلىمىزگە قاراي وتكەن بىرنەشە جىلقىنىڭ ىزدەرىن بايقادى. ءىز كەسكەن شەكاراشىلار مىڭقازان ەلدى مەكەنىنە قاراي جولعا شىققان. ولار جولدا ءۇش جىلقىنى ارتىپ العان «گاز-53» اۆتوماشيناسىن توقتاتتى. سويتسە جىلقىلاردى شەكارادان زاڭسىز وتكىزۋگە تىرىسقاندار ەكى وتانداسىمىز بولىپ شىقتى.
ال ورال شەكارا وتريادىنا قاراستى «اقساي اۆتو» وتكىزۋ-باقىلاۋ پۋنكتىنىڭ ساقشىلارى 65 جاستاعى رەسەيلىك ازاماتتى ۇستادى. جالپى سالماعى التى كيلوگرامم بولاتىن بەكىرە بالىقتارىن «فورد» اۆتوكولىگىنە جاسىرعان ازامات ولاردى ەلىمىزدەن رەسەيگە زاڭسىز الىپ وتپەك بولعان.
سول سياقتى اقتوبە شەكارا وتريادىنىڭ شەكاراشىلارى «كاماز» اۆتوكولىگىمەن رەسەيگە كەتىپ بارا جاتقان ەلىمىزدىڭ ءۇش ازاماتىن توقتاتتى.
الگى اۆتوكولىكتى تەكسەرۋ بارىسىندا جالپى سالماعى 48 توننا بولاتىن, الدىن الا باعاسى 1 776 000 تەڭگەنى قۇرايتىن قارا مەتالل ونىمدەرىن تاپتى.
«جايساڭ اۆتو» وتكىزۋ-باقىلاۋ پۋنكتىنىڭ باقىلاۋشىلارى قازاقستاننان رەسەيگە تىركەمەلى «DAF» اۆتوكولىگىمەن كەتىپ بارا جاتقان 50 جاستاعى ۋكراين ازاماتىن ۇستادى. ول جالپى سالماعى 20 توننا بولاتىن ەلەكتروتەرميالىق فەرروفوسفور ءونىمىن قيتۇرقى ارەكەتتەرمەن (جالعان قۇجاتتارمەن) ۋكرايناعا الىپ وتۋگە ارەكەتتەنگەن, دەپ حابارلادى ۇقك شق ءباسپاسوز قىزمەتى.