«Kazakh Tourism» ۇلتتىق كومپانياسى» اكتسيونەرلىك قوعامى ديرەكتورلار كەڭەسىنىڭ شەشىمىمەن باسقارما توراعاسى بولىپ تالعات امانباەۆ تاعايىندالدى, دەپ حابارلايدى Egemen.kz.
تالعات جولدىمۇرات ۇلى 1987 جىلى اقتوبە وبلىسىندا دۇنيەگە كەلگەن, بلۋمينگتونداعى ينديانا ۋنيۆەرسيتەتىندە «بولاشاق» پرەزيدەنتتىك ستيپەندياسى بويىنشا ءبىلىم العان.
قازاق ەكونوميكا, قارجى جانە حالىقارالىق ساۋدا ۋنيۆەرسيتەتىن بىتىرگەن. پرەزيدەنتتىك جاستار كادر رەزەرۆىنىڭ مۇشەسى (2019 ج.), «التىن بەلگى» يەگەرى. 2011-2012 جىلدار ارالىعىندا «قازاگروقارجى» اق باعدارلامالىق قامتاماسىز ەتۋدى ازىرلەۋ ءبولىمىنىڭ باس مامانى بولىپ جۇمىس ىستەدى.
2012-2013 جىلدار ارالىعىندا «كايكو» جشس باس ديرەكتورىنىڭ ورىنباسارى قىزمەتىن اتقاردى. 2013-2015 جىلدار ارالىعىندا «رۆز» رمك باعدارلامالىق قامتاماسىز ەتۋدى ازىرلەۋ ءبولىمىنىڭ باسشىسى, IT ءبولىمىنىڭ جەتەكشىسى قىزمەتتەرىن اتقاردى.
2015–2017 جىلدارى جەكە كاسىپكەرلىكپەن شۇعىلداندى, «Grow IT» جشس باس ديرەكتورى قىزمەتىن اتقاردى. «Kazakh Tourism» ۇك» اق قۇرىلعان كۇننەن باستاپ اتالعان كومپانيادا جۇمىس ىستەدى:
2017 جىلى تسيفرلاندىرۋ دەپارتامەنتىنىڭ ديرەكتورى, 2019 جىلدان 2020 جىلعا دەيىن ماركەتينگ, كوممۋنيكاتسيا جانە تسيفرلاندىرۋ دەپارتامەنتىنىڭ ديرەكتورى قىزمەتىندە بولدى.
2020 جىلدىڭ شىلدەسىنەن باستاپ باسقارۋشى ديرەكتورى – باسقارما مۇشەسى قىزمەتىن اتقاردى.