عالىمدار ۇيىقتاۋعا مۇمكىندىك بەرەتىن اپپارات ويلاپ شىعاردى

پولشا كومپانيالارىنىڭ ءبىرى ادامعا ەكى ساعاتتاي ۋاقىت ىشىندە ۇيقى قاندىرۋعا مۇمكىندىك بەرەتىن قۇرىلعى ويلاپ شىعاردى. بۇل تۋرالى Utro.ru حابارلادى.

قۇرىلعىنىڭ ءپىشىنى بەتكە كيىلەتىن ماسكا ءتارىزدى. وعان قوندىرىلعان تەتىكتەر اعزانىڭ بيولوگيالىق سيگنالدارىن, سونىڭ ىشىندە ميدىڭ قىزمەتىن, كوز الماسىنىڭ قيمىلى مەن بۇلشىق ەت قوزعالىسىن ولشەيدى. الىنعان دەرەكتەر Bleutooth ارقىلى سمارتفونعا جىبەرىلىپ, ارنايى باعدارلامامەن «ۇيقى كارتاسى» قۇرالادى. وسىلايشا, قۇرىلعى يەسى باعدارلامانىڭ بەرگەن كەڭەستەرىنە سۇيەنە وتىرىپ, ۇيقىعا جۇمسالاتىن ۋاقىتتى بەلگىلەي الادى.   

باعاسى 225 دوللاردى قۇرايتىن NeuroOn اتتى قۇرىلعىنى وندىرىسكە شىعارۋعا ينتەرنەت پايدالانۋشىلار كومەكتەسكەن ەكەن. جاڭا ونەرتابىس اۆتورلارى الەۋمەتتىك جەلىلەردىڭ بىرىنە قۇرىلعىنى سيپاتتاپ, ونى وندىرىسكە شىعارۋعا 100 مىڭ دوللار كەرەك ەكەنىن جازعان. الايدا, جاڭا قۇرىلعىنىڭ ينتەرنەت پايدالانۋشىلاردى قىزىقتىرعانى سونشالىق, ولار ونەرتاپقىشتارعا 430 مىڭ دوللار جيناپ بەرىپتى. جالپى, عالىمدارعا 1,5 مىڭ ادام قارجىلاي قولداۋ بىلدىرگەن. دەگەنمەن, دارىگەرلەر جاڭا قۇرىلعىنى قولداماي وتىر. ولاردىڭ پايىمىنشا, «ۇيقى كارتاسىن» تىم ءجيى قولدانۋ دەنساۋلىققا زيان كەلتىرەدى.

ايدار ورىسباەۆ.

دەرەككوز: Utro.ru.

فوتو: B-port.com.