وڭتۇستىك افريكا رەسپۋبليكاسىنىڭ استاناسى پرەتوريا مەن ەلدىڭ ەڭ ءىرى قالاسى يوحاننەسبۋرگتىڭ باسىم بولىگى تولاسسىز جاۋعان نوسەر سالدارىنان سۋ استىندا قالدى, دەپ حابارلايدى Egemen.kz.
جەرگىلىكتى بيلىكتىڭ مالىمەتىنشە, استانالىق اۋداندار – حاممانسكرال مەن برونحورستسپرۋيت جارتىلاي سۋ استىندا قالعان. تۇرعىنداردى ەۆاكۋاتسيالاۋ ءجۇرىپ جاتىر, قۇتقارۋ جاساعىنىڭ قىزمەتكەرلەرى سۋ تاسقىنىن جويۋ ءۇشىن ور قازۋدا. زارداپ شەككەندەر مۋنيتسيپالدىق قۇرىلىستارداعى ۋاقىتشا باسپانالارعا اۋىستىرىلدى.
يوحاننەسبۋرگتە يۋكسكەي وزەنى ارناسىنا استى, ديپسلۋت, كليپتاۋن جانە تاعى بىرنەشە ەلدى مەكەننىڭ اۋداندارىن سۋ باستى.
ەلدىڭ باسقا ايماقتارىندا دا بىرنەشە كۇن بويى تولاسسىز جاڭبىر جاۋدى. تاسقىن سالدارىنان سەگىز ادام قازا تاپتى.