جاپونيا قۇقىق قورعاۋ ورگاندارىنىڭ قىزمەتكەرلەرى مەكسيكادان ءمارمار تاس اراسىنا جاسىرىلىپ اكەلىنگەن 500 كيلو كوكايندى كۇدىكىتىلەردەن تاركىلەدى. بۇل تۋرالى Utro.ru حابارلادى.
ماماندار تاركىلەگەن ەسىرتكى قۇنىن 350 ملن. دوللارعا باعالاپ وتىر.
ەسىرتكى العاشىندا جاپونيانىڭ وڭتۇستىگىندە ورنالاسقان فۋكۋوكا قالاسىنداعى پورتتار ارقىلى وتكىزىلگەن ەكەن. سول كەزدە پوليتسيا 1,5 توننا تارتاتىن ەكى ءمارمار تاسىن رەنتگەن ارقىلى تەكسەرىپ, ولاردىڭ ىشىندە ۇنتاق ءتارىزدى زاتتاردىڭ جاسىرىلعانىن انىقتادى.
پوليتسەيلەر كۇدىكتىلەردىڭ باراتىن جەرىن ءبىلۋ ءۇشىن ولار ايالداعان جەردە تەكسەرۋ جۇرگىزگەن بولاتىن. ول بويىنشا ەكى ءمارمار تاسىنىڭ بىرنەشە پورتتاردان ءوتىپ, توكيو ماڭىنداعى ساگاميحارا قالاسىنا جەتكىزىلگەنى ءمالىم بولدى. وسىعان وراي, قۇقىق قورعاۋ قىزمەتكەرلەرى زاڭسىز ەسىرتكى تاسىمالى بويىنشا بىرنەشە ايىپكەردى تۇتقىنعا الدى.
ايدار ورىسباەۆ.
دەرەككوز: Utro.ru.
فوتو: Vm.ru.