قوستاناي وبلىسىنىڭ اكىمى ارحيمەد مۇحامبەتوۆ ءتورت بالانى ورتتەن قۇتقارىپ قالعان ءجاسوسپىرىم ولەگ پيروگپەن كەزدەستى. وبلىس باسشىسى ءۇيى ورتەنىپ, باسپاناسىز قالعان ومىرزاقوۆتار وتباسىن دا قابىلداپ, وتاعاسىنا پاتەر كىلتىن تابىس ەتتى, دەپ جازادى Egemen.kz.
ەستەرىڭىزدە بولسا, بۇعان دەيىن جەلتوقساننىڭ 25-ءى كۇنى قوستانايدىڭ شەتىندەگى ساياباقتا ورنالاسقان تۇرعىن ۇيلەردىڭ ءبىرى ورتەنگەنىن, قىزىل جالىننىڭ ىشىندە قالعان شيەتتەي ءتورت بالانى 5 سىنىپ وقۋشىسى ولەگ پيروگ قۇتقارىپ قالعانىن جازعان ەدىك.
2 جاستان 8 جاسقا دەيىنگى ءتورت بالانى تاربيەلەپ وتىرعان ومىرزاقوۆتار وتباسى 2019 جىلدىڭ قىركۇيەگىنەن باستاپ كوپبالالى وتباسى رەتىندە تۇرعىن ءۇي كەزەگىندە تۇر. باسپانا كەزەگى بويىنشا توعىزىنشى ورىندا تۇرعان بۇل وتباسى قازىرشە جاقىن تۋىستارىنىڭ ءۇيىن پانالاپ وتىر.
كەزدەسۋ بارىسىندا ارحيمەد مۇحامبەتوۆ كوپبالالى وتباسىنا اباي كوشەسىنىڭ بويىنان اۋدانى 76,6 شارشى مەتر بولاتىن 3 بولمەلى پاتەردىڭ كىلتىن تابىس ەتتى.
ال ءورت ىشىندە قالعان ءتورت بالانى امان الىپ شىققان ولەگ پيروگ وبلىس اكىمىنىڭ قولىنان العىس حات پەن نوۋتبۋك الدى. ا.مۇحامبەتوۆ ونەگەلى وجەت پەرزەنت تاربيەلەپ وتىرعان ولەگتىڭ اتا-اناسىنا دا العىس ايتتى.
«ەڭ الدىمەن ولەگتىڭ اتا-اناسىنا العىس ايتامىن. ۆالەنتينا ۆلاديميروۆنا, ءسىزدىڭ وتباسىڭىزعا جاقسىلىق, دەنساۋلىق, باقىت پەن اماندىق تىلەيمىن. ولەگ, باتىلدىق پەن جانقيارلىق كورسەتكەنىڭ ءۇشىن تاعى دا راحمەت. وقۋدا ۇلكەن جوعارعى ناتيجە, تابىس تىلەيمىن. بارلىق ارمانىڭ ورىندالسىن», دەدى ايماق باسشىسى.
باتىر بالا ولەگتىڭ ءوزى دە كوپبالالى وتباسىنان. ء بىر شاڭىراقتىڭ استىندا اتا-اناسىمەن جانە بەس باۋىرىمەن بىرگە تۇرادى. ءتورت بىردەي ءوندىر ءومىردى ورتتەن اراشالاپ قالعان وجەت بالانىڭ ەرلىگىن ەستىگەن بىرنەشە كاسىپكەر ولەگكە باعالى سىيلىقتارىن دايىنداپ قويعانىن حابارلادى.
قوستاناي وبلىسى