2013 جىلعى 30 قاراشا, استانا قالاسى
قازاقستان رەسپۋبليكاسىنىڭ مەملەكەتتىك شەكاراسى ارقىلى ادامداردى, كولىك قۇرالدارىن, جۇكتەردى جانە تاۋارلاردى وتكىزۋ پۋنكتتەرىندە وتكىزۋدى ۇيىمداستىرۋدىڭ ۇلگىلىك سحەمالارىن بەكىتۋ تۋرالى
«قازاقستان رەسپۋبليكاسىنىڭ مەملەكەتتىك شەكاراسى تۋرالى» 2013 جىلعى 16 قاڭتارداعى قازاقستان رەسپۋبليكاسىنىڭ زاڭى 56-بابىنىڭ 42) تارماقشاسىنا سايكەس بۇيىرامىن:
1. قوسا بەرىلىپ وتىرعان:
1) قازاقستان رەسپۋبليكاسىنىڭ مەملەكەتتىك شەكاراسى ارقىلى ادامداردى, كولىك قۇرالدارىن, جۇكتەردى جانە تاۋارلاردى اۋە (اۆياتسيالىق) وتكىزۋ پۋنكتتەرىندە وتكىزۋدى ۇيىمداستىرۋدىڭ ۇلگىلىك سحەماسى;
2) قازاقستان رەسپۋبليكاسىنىڭ مەملەكەتتىك شەكاراسى ارقىلى ادامداردى, كولىك قۇرالدارىن, جۇكتەردى جانە تاۋارلاردى اۆتوموبيل وتكىزۋ پۋنكتتەرىندە وتكىزۋدى ۇيىمداستىرۋدىڭ ۇلگىلىك سحەماسى;
3) قازاقستان رەسپۋبليكاسىنىڭ مەملەكەتتىك شەكاراسى ارقىلى تەمىرجول وتكىزۋ پۋنكتتەرىندە ء(ارى قاراي - ۇلگى سحەماسى) ادامداردىڭ, كولىك قۇرالدارىنىڭ, جۇكتەر مەن تاۋارلاردىڭ وتكىزىلۋىن ۇيىمداستىرۋدىڭ ۇلگىلىك سحەماسى;
4) قازاقستان رەسپۋبليكاسىنىڭ مەملەكەتتىك شەكاراسى ارقىلى تەڭىز (وزەن) وتكىزۋ پۋنكتتەرىندە ادامداردى, كولىك قۇرالدارىن, جۇكتەردى جانە تاۋارلاردى وتكىزۋدى ۇيىمداستىرۋدىڭ ۇلگىلىك سحەماسى بەكىتىلسىن.
2. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى وسى بۇيرىقتىڭ زاڭنامادا بەلگىلەنگەن تارتىپتە قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن جانە رەسمي جاريالانۋىن قامتاماسىز ەتسىن.
3. وسى بۇيرىق ول العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
توراعاسى ن.ابىقاەۆ.
كەلىسىلدى
قازاقستان رەسپۋبليكاسىنىڭ
كولىك جانە كوممۋنيكاتسيا ءمينيسترى
ا.جۇماعاليەۆ.
2013 جىلعى 3 جەلتوقسان
كەلىسىلدى
قازاقستان رەسپۋبليكاسىنىڭ
قارجى ءمينيسترى
ب.سۇلتانوۆ.
2013 جىلعى 5 جەلتوقسان
قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ 2013 جىلعى 30 قاراشاداعى
№504 بۇيرىعىمەن بەكىتىلگەن
قازاقستان رەسپۋبليكاسىنىڭ مەملەكەتتىك شەكاراسى ارقىلى ادامداردى, كولىك قۇرالدارىن, جۇكتەردى جانە تاۋارلاردى اۋە (اۆياتسيالىق) وتكىزۋ پۋنكتتەرىندە وتكىزۋدى ۇيىمداستىرۋدىڭ
ۇلگىلىك سحەماسى
1. جالپى ەرەجەلەر
1. وسى قازاقستان رەسپۋبليكاسىنىڭ مەملەكەتتىك شەكاراسى ارقىلى ادامداردى, كولىك قۇرالدارىن, جۇكتەردى جانە تاۋارلاردى اۋە (اۆياتسيالىق) وتكىزۋ پۋنكتتەرىندە وتكىزۋدى ۇيىمداستىرۋدىڭ ۇلگىلىك سحەماسى (بۇدان ءارى – ۇلگىلىك سحەما) باقىلاۋشى ورگاندار بولىمشەلەرىنىڭ (بۇدان ءارى – باقىلاۋشى ورگاندار) قازاقستان رەسپۋبليكاسىنىڭ مەملەكەتتىك شەكاراسىن (بۇدان ءارى – مەملەكەتتىك شەكارا) اۋە (اۆياتسيالىق) وتكىزۋ پۋنكتتەرىنەن (بۇدان ءارى – وتكىزۋ پۋنكتتەرى) كەسىپ وتەتىن ادامدارعا, اۋە كەمەلەرىنە, جۇكتەر مەن تاۋارلارعا قاتىستى شەكارالىق, كەدەندىك, سانيتارلىق-كارانتيندىك, كارانتيندىك فيتوسانيتارلىق, مەملەكەتتىك ۆەتەرينارلىق-سانيتارلىق باقىلاۋدى جانە/نەمەسە قاداعالاۋدى, سونداي-اق اۆياتسيا قىزمەتىنىڭ ءىس-قيمىلىن جۇزەگە اسىرۋ كەزىندە وتكىزۋدى ۇيىمداستىرۋدى ايقىندايدى.
2. باقىلاۋ وپەراتسيالارىن وتكىزۋ ورنىنا بەلگىلەنگەن ۋاقىتقا دەيىن باقىلاۋشى ورگانداردىڭ لاۋازىمدى تۇلعالارىنىڭ ۋاقىتىلى كەلۋىن قامتاماسىز ەتەتىن اۋەجاي (اۋەايلاق) ديسپەتچەرلىك قىزمەتى باقىلاۋشى ورگاندارعا اۋە كەمەلەرىنىڭ تۇراقتى (اۋە كەمەسىنىڭ قوزعالىس كەستەسى بويىنشا) رەيستەرىن جانە اۋە كەمەسىنىڭ تۇراقتى ەمەس (اۋە كەمەسىنىڭ قوزعالىس كەستەسىنەن تىس) رەيستەرىن ەسەپكە الا وتىرىپ, تاۋلىكتىك جوسپاردى ۇسىنادى.
اۋە كەمەسىنىڭ تاۋلىكتىك ۇشۋ جوسپارىنداعى بارلىق وزگەرىستەر تۋرالى اۋەجاي (اۋەايلاق) ديسپەتچەرلىك قىزمەتى باقىلاۋشى ورگاندارعا تەز ارادا حابارلايدى.
3. اۋە كەمەسىن باقىلاۋدىڭ شەكارالىق, كەدەندىك جانە باسقا دا تۇرلەرى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتىنىڭ بولىمشەسى (بۇدان ءارى – شەكارالىق باقىلاۋ بولىمشەسى) شەكارالىق باقىلاۋ بولىمشەسىنىڭ كەلىسىمى بويىنشا اۋەجاي اكىمشىلىگى بەلگىلەگەن اۋە كەمەلەرىنىڭ تۇراعىندا جۇزەگە اسىرىلادى.
شەتەلگە باراتىن اۋە كەمەسى ۇشۋ ءۇشىن قوزعالىستى, ياعني تۇراق ورنىن تەك شەكارالىق باقىلاۋ بولىمشەسىنىڭ رۇقساتىمەن اۋىستىرادى.
4. اۋە كەمەسىن تەكسەرۋدى شەكارالىق جانە كەدەندىك باقىلاۋ بولىمشەلەرىنىڭ لاۋازىمدى تۇلعالارى ينجەنەرلىك-اۆياتسيالىق قىزمەت (ەكيپاج مۇشەلەرى) وكىلدەرىنىڭ قاتىسۋىمەن جۇزەگە اسىرادى.
5. اۋە كەمەسىنىڭ جولاۋشىلارى مەن ەكيپاج مۇشەلەرىن باقىلاۋدىڭ شەكارالىق, كەدەندىك جانە باسقا تۇرلەرى وتكىزۋ پۋنكتىنىڭ ارنايى جابدىقتالعان ءۇي-جايلارىندا, سونداي-اق اۋە كەمەسىنىڭ بورتىندا (باسقىشىندا) باسقىشىندا جۇزەگە اسىرىلادى.
6. جۇكتەر مەن تاۋارلاردى باقىلاۋدىڭ شەكارالىق, كەدەندىك جانە باسقا تۇرلەرى وتكىزۋ پۋنكتىنىڭ تيەۋ-جۇك تۇسىرۋگە ارنالعان جابدىقپەن جابدىقتالعان, سونىڭ ىشىندە ارنايى جابدىقتالعان ءۇي-جايلارى مەن الاڭدارىندا جۇزەگە اسىرىلادى.
7. ءاربىر اۋە (اۆياتسيالىق) وتكىزۋ پۋنكتتەرىندە ونىڭ ەرەكشەلىكتەرىنە بايلانىستى (ساناتتارى, سىنىپتارى, ينفراقۇرىلىمىنىڭ جانە تەحنيكالىق جاراقتانۋىنىڭ دامۋى, جىل ۋاقىتى) ۇلگىلىك سحەمانىڭ نەگىزىندە باقىلاۋ ورگاندارى باسشىلارىنىڭ جانە اۋەجاي اكىمشىلىگىنىڭ بىرلەسكەن شەشىمىمەن مەملەكەتتىك شەكارا ارقىلى ادامداردى, كولىك قۇرالدارىن, جۇكتەر مەن تاۋارلاردى وتكىزۋدى ۇيىمداستىرۋ سحەماسى (بۇدان ءارى – وتكىزۋدى ۇيىمداستىرۋ سحەماسى) ازىرلەنەدى جانە بەكىتىلەدى.
8. وتكىزۋ پۋنكتىندەگى رەجيمدى شەكارالىق نارياد اۆياتسيالىق قاۋىپسىزدىك قىزمەتى جانە كەدەندىك باقىلاۋ بولىمشەسىنىڭ لاۋازىمدى تۇلعالارىمەن ءوزارا ءىس-قيمىل جاساۋ ارقىلى قامتاماسىز ەتەدى.
وتكىزۋ پۋنكتىنىڭ كەدەندىك باقىلاۋ ايماعىندا كەدەندىك باقىلاۋ بولىمشەسىنىڭ لاۋازىمدى تۇلعالارى كەدەن وداعىنىڭ جانە قازاقستان رەسپۋبليكاسىنىڭ كەدەندىك زاڭناماسىنا سايكەس رەجيمدىك شەكتەۋ ەنگىزەدى.
باقىلاۋ اۋماعىندا شەتەلگە باراتىن جولاۋشىلاردى تىركەۋدى باستاۋدان وتىز مينۋت بۇرىن شەكارالىق جانە كەدەندىك باقىلاۋ بولىمشەلەرىنىڭ لاۋازىمدى تۇلعالارى اقق قىزمەتكەرلەرىن قاتىستىرا وتىرىپ, رەجيمدىك ءىس-شارالاردى جۇزەگە اسىرادى. وسى ءىس-شارالار اياقتالعانعا دەيىن باقىلاۋدى جۇزەگە اسىرۋعا نەمەسە جولاۋشىلارعا قىزمەت كورسەتۋگە قاتىسپايتىن بارلىق ادامدار شىعارىلادى, كۇتۋ زالىنا كىرۋگە مۇمكىندىك تۋدىراتىن بارلىق كىرەبەرىستەر جابىلادى, تەك شەكارالىق ناريادتاردىڭ قاتىسۋىمەن جانە ولاردىڭ رۇقساتىمەن اشىلادى جانە جابىلادى.
كۇتۋ زالىندا باقىلاۋدى, سونداي-اق جولاۋشىلاردى باقىلاۋدى شەكارالىق ناريادتار جانە كەدەندىك باقىلاۋ بولىمشەسىنىڭ جەدەل قىزمەتكەرلەرى جۇزەگە اسىرادى.
2. قازاقستان رەسپۋبليكاسىندا اۋە كەمەلەرىنە ادامداردىڭ, جۇكتەر مەن تاۋارلاردىڭ كەلۋى كەزىندە اۆياتسيالىق قىزمەت پەن باقىلاۋشى ورگاندارىنىڭ ءىس-قيمىلدارى
9. باقىلاۋشى ورگاندارى لاۋازىمدى تۇلعالارىنىڭ جانە اۆياتسيالىق قىزمەتتەر قىزمەتكەرلەرىنىڭ اۋە كەمەسىنىڭ كەتۋى كەزىندەگى ءىس-قيمىلدارى:
1) اۋەجايدىڭ (اۋەايلاقتىڭ) ديسپەتچەرلىك قىزمەتى رەيس ءنومىرى, اۋە كەمەسىنىڭ ءتۇرى, بورتتىق ءنومىرى مەن جولاۋشىلاردىڭ سانىن (جولاۋشىلاردىڭ ءتىزىمىن) جانە ولاردىڭ باگاجدارى تۋرالى مالىمەتتەر كورسەتىلگەن اۋە كەمەسىنىڭ ۇشۋى تۋرالى حابارلاما (تەلەفوندىق حابارلاما, جەدەلحات, باسقا دا حابارلامالار) العاننان كەيىن بۇل تۋرالى باقىلاۋشى ورگاندارعا حابارلايدى;
2) اۋە كەمەسىنىڭ قونۋ ۋاقىتىنىڭ ەسەبى تۋرالى مالىمەت العاننان كەيىن باقىلاۋشى ورگانداردىڭ لاۋازىمدى تۇلعالارى اۋە كەمەسىنىڭ تۇراعىنا ۋاقىتىنان بۇرىن كەلەدى;
3) اۋە كەمەسىن تۇراققا قوندىرۋ ساتىنەن باستاپ شەكارالىق ناريادتار ولاردى باقىلاۋدى جۇزەگە اسىرادى. اۋە كەمەسىنىڭ كەلۋ تۇراعىندا قوسىمشا شەكتەۋ رەجيمدەرى قويىلادى. اۋە كەمەسىنە ادامداردىڭ كەلۋىنە شەكارالىق, كەدەندىك جانە باسقا دا ءتۇرلى باقىلاۋلار جۇزەگە اسىرۋ كەزىندە شەكتەۋ قويىلادى, قاجەت بولعان جاعدايدا – تىيىم سالىنادى;
4) مەملەكەتتىك شەكارا ارقىلى ادامداردى جانە جۇكتەردى تاسىمالداۋ كەزىندە جۇكتەردىڭ سانيتارلىق-كارانتيندىك جاعدايى جانە ادامداردىڭ دەنساۋلىق جاعدايىنىڭ ناشارلاۋ قاۋىپى بولعان جاعدايدا ەكيپاجدىڭ ءوتىنىمى بويىنشا سانيتارلىق-ەپيدەميولوگيالىق قاداعالاۋ بولىمشەسىنىڭ لاۋازىمدى تۇلعالارى ءبىرىنشى بولىپ اۋە كەمەسىنىڭ بورتىنا كوتەرىلەدى, سانيتارلىق-ەپيدەميولوگيالىق جاعدايدى باعالايدى جانە ءوزىنىڭ قۇزىرەتى شەگىندە اۋە كەمەسىن قابىلداۋ نەمەسە سانيتارلىق-كارانتيندىك باقىلاۋ بويىنشا باسقا ءىس-قيمىلداردى جۇزەگە اسىرۋ قاجەتتىلىگى بويىنشا شەشىم قابىلدايدى;
5) باقىلاۋشى ورگانداردىڭ لاۋازىمدى تۇلعالارى اۋە كەمەسىنىڭ ەكيپاجىنا شەكارالىق, كەدەندىك جانە باسقا باقىلاۋلاردى جۇزەگە اسىرۋعا قاتىستى ساۋالدار جۇرگىزەدى;
6) اۋە كەمەسىنىڭ ەكيپاجى باقىلاۋشى ورگانداردىڭ لاۋازىمدى تۇلعالارىنا باقىلاۋدى جۇزەگە اسىرۋ ءۇشىن قاجەتتى قۇجاتتاردى بەرەدى:
ازاماتتىق اۆياتسيا سالاسىنداعى حالىقارالىق شارتتاردا كوزدەلگەن تاسىمالداۋشىنىڭ قۇجاتى (باس دەكلاراتسيا);
اۋە كەمەسىنىڭ بورتىندا تاسىمالداناتىن جۇكتەر مەن تاۋارلار تۋرالى مالىمەتتەر قامتىلعان قۇجات (جۇك ۆەدوموسى);
بورت كەرەك-جاراقتارى تۋرالى مالىمەتتەر قامتىلعان قۇجات;
كولىك (تاسىمالداۋ) قۇجاتتارى;
تاسىمالداناتىن جۇكتەرگە جانە تاۋارلارعا ارنالعان تاسىمالداۋشىدا بار كوممەرتسيالىق قۇجاتتار;
بورتتا تاسىمالداناتىن جولاۋشىلار جانە ولاردىڭ باگاجى تۋرالى مالىمەتتەر بار قۇجات (جولاۋشى ۆەدوموسى);
قازاقستان رەسپۋبليكاسىمەن راتيفيكاتسيالانعان دۇنيەجۇزىلىك پوشتا وداعىنىڭ حاتتامالارىمەن ايقىندالعان, حالىقارالىق پوشتا جونەلتىمدەرىن تاسىمالداۋ كەزىندە ولارمەن ىلەسىپ جۇرەتىن قۇجات;
جوعارى فيتوسانيتارلىق قاۋىپى بار كارانتينگە تۇسكەن ونىمگە رۇقسات بەرەتىن كارانتيندىك فيتوسانيتارلىق قۇجات, ەگەر بۇل ءونىم ەكيپاج بەن اۋە كولىك قۇرالدارى جولاۋشىلارىنىڭ ازىقتاندىرۋ ءۇشىن ارنالماعان بولسا جانە اۋە كەمەسىنىڭ بورتىنان شىعۋى مۇمكىن بولسا.
سونىمەن قاتار اۋە كەمەسىنىڭ كومانديرى كەلەسى مالىمەتتەردى ۇسىنادى:
ەكيپاج مۇشەلەرىندەگى كەدەن وداعىنا مۇشە مەملەكەتتەردىڭ ۆاليۋتاسىن جانە ۆاليۋتالىق قۇندىلىقتارىن قوسا العاندا, كەمە بورتىندا كەدەن وداعىنىڭ كەدەندىك اۋماعىنا اكەلۋگە تىيىم سالىنعان نەمەسە شەكتەۋ قويىلعان, قۇرامىندا ەسىرتكى, قاتتى اسەر ەتەتىن قۇرالدار, پسيحوتروپتىق جانە ۋلى زاتتار بار دارىلىك قۇرالداردىڭ, قارۋ-جاراقتىڭ, وق-دارىلەردىڭ بولۋى (بولماۋى) تۋرالى;
7) شەكارالىق نارياد باسشىسى باقىلاۋشى ورگاندار لاۋازىمدى تۇلعالارىنىڭ كەلىسىمى بويىنشا اۋە كەمەسىنە كەلگەن ادامداردىڭ تۇسۋىنە, جۇكتەر مەن تاۋارلاردى تۇسىرۋگە رۇقسات بەرەدى;
8) اۋە كەمەسىنە كەلگەن ادامداردى, جۇكتەر مەن تاۋارلاردى تۇسىرگەننەن كەيىن شەكارالىق باقىلاۋ جانە كەدەندىك بولىمشەلەرىنىڭ لاۋازىمدى تۇلعالارى ينجەنەرلىك-اۆياتسيالىق قىزمەت وكىلدەرىنىڭ (ەكيپاج مۇشەلەرى) قاتىسۋىمەن اۋە كەمەسىن بىرلەسە قاراپ تەكسەرۋدى جۇزەگە اسىرادى;
9) اۋە كەمەسىن قاراپ تەكسەرۋدى اياقتاعاننان كەيىن تۇراقتاعى قوسىمشا رەجيمدىك شەكتەۋ الىنىپ تاستالىنادى;
10) كەلگەن ادامداردى اۋە كەمەسىنىڭ تۇراعىنان باقىلاۋ ورنىنا تاسىمالداۋ, شەكارالىق ناريادتاردىڭ باقىلاۋىمەن نەمەسە ەرىپ جۇرۋىمەن جۇزەگە اسىرىلادى.
10. شەكارالىق نارياد كەلگەن ادامداردىڭ مەملەكەتتىك شەكارادان ءوتۋ قۇقىعىنا ارنالعان قۇجاتتارىن تەكسەرۋدى اەروۆوكزالدىق كەشەندەردەگى پاسپورتتىق باقىلاۋ كابينالارىندا نەمەسە ارنايى جابدىقتالعان جايلاردا جۇزەگە اسىرادى. اۋە كەمەلەرى ەكيپاجى مەن جولاۋشىلارىنىڭ, سونداي-اق اۋە كەمەسىنىڭ بورتىنا الىپ كەلگەن مۇگەدەكتەر مەن اۋىر ناۋقاستاردىڭ قۇجاتتارىن تەكسەرۋ بەلگىلەنگەن ورىنداردا نەمەسە اۋە كەمەسىنىڭ بورتىندا (اۋە كەمەسىنىڭ باسقىشىندا) جۇزەگە اسىرىلادى.
شەكارالىق باقىلاۋ بولىمشەسى مەملەكەتتىك شەكارانى ءبىر ۋاقىتتا كەسىپ وتەتىن ادامداردىڭ سانىن ەسكەرە وتىرىپ, بارىنشا كوپ پاسپورتتىق باقىلاۋ كابينالارىنىڭ جۇمىس ىستەۋىنە شارا قولدانادى.
11. جولاۋشىعا قازاقستان رەسپۋبليكاسىنىڭ «حالىقتىڭ كوشى-قونى تۋرالى» زاڭىندا بەلگىلەنگەن شەكتەۋلەرىنە سايكەس قازاقستان رەسپۋبليكاسىنا كىرۋگە رۇقسات بەرىلمەگەن جاعدايدا, شەكارالىق ناريادىنىڭ باسشىسى اۋەجاي جولاۋشىلار تاسىمالىن ۇيىمداستىرۋ قىزمەتىنىڭ (ودان ءارى – جتۇق) اگەنتىنە نەمەسە اۆياكومپانيا وكىلىنە اقپارات بەرەدى.
جتۇق اگەنتى (اۆياكومپانيا وكىلى) اتالعان جولاۋشىنى كەرى رەيسپەن دەپورتاتسيالاۋعا نەمەسە ونى كەيىن دەپورتاتسيالاۋعا دەيىن ورنالاستىرۋعا شارا قولدانادى.
12. ديپلوماتيالىق, قىزمەتتىك تولقۇجات يەلەرى, بيزنەس-كلاسس جولاۋشىلارى, مۇمكۇندىكتەرى شەكتەۋلى جولاۋشىلار, اك ەكيپاجى, «FAST TRACK» ستيكەرىمەن بەلگىلەنگەن, ارنايى بولىنگەن پاسپورتتىق باقىلاۋ كابيناسى ارقىلى وتكىزىلەدى.
13. كەدەندىك وداققا قاتىسۋشى مەملەكەتتەردىڭ ازاماتتارى «كەدەندىك وداققا قاتىسۋشى مەملەكەتتەردىڭ ازاماتتارى ءۇشىن» دەگەن ستيكەرمەن بەلگىلەنگەن ارنايى بولىنگەن پاسپورتتىق باقىلاۋ كابينالارىنان, ەگەر وسىنداي ادامداردىڭ سانى كوپ بولعان جاعدايدا – بوس پاسپورتتىق باقىلاۋ كابينالارى دا ارقىلى وتكىزىلەدى.
اۋە كەمەلەرىنىڭ ەكيپاج مۇشەلەرى مەملەكەتتىك شەكارا ارقىلى قازاقستان رەسپۋبليكاسىنا كىرۋگە جانە قازاقستان رەسپۋبليكاسىنان شىعۋعا قۇقىق بەرەتىن قۇجاتتارى بويىنشا, سونداي-اق اۆياكومپانيا وكىلىنە (جتۇق اگەنتى) ۋاقىتىنان بۇرىن ۇسىنىلاتىن ۇشۋ تاپسىرماسىنىڭ كوشىرمەسىنە (باس دەكلاراتسيانا) سايكەس وتكىزىلەدى.
14. شەكارالىق باقىلاۋ بولىمشەلەرى مەملەكەتتىك شەكارا بۇزۋشىسىن انىقتاۋ جانە ۇستاۋ ماقساتىندا جۇكتەر مەن تاۋارلاردىڭ تەكسەرىپ قاراۋىن جۇرگىزەدى. جۇكتەردى جانە تاۋارلاردى تەكسەرىپ قاراۋ كەدەندىك باقىلاۋ بولىمشەسىمەن بىرلەسە وتىرىپ, شەكارالىق باقىلاۋ بولىمشەسى جۇرگىزەدى جانە اۋە كەمەسىنىڭ تۇراعىندا ولاردى ءتۇسىرۋ كەزىندە نەمەسە كەدەن وداعى مەن قازاقستان رەسپۋبليكاسىنىڭ كەدەندىك زاڭناماسىندا بەلگىلەنگەن ورىنداردا جۇزەگە اسىرادى.
15. كەلگەن ادامداردى, جۇكتەردى كەدەندىك جانە رادياتسيالىق باقىلاۋ وتكىزۋ پۋنكتىنىڭ ارنايى جابدىقتالعان ءۇي-جايلارىندا جۇرگىزىلەدى, وندا كەلگەن ادامداردىڭ, جۇكتەردىڭ قازاقستان رەسپۋبليكاسىنىڭ كەدەندىك زاڭنامالارىنىڭ تالاپتارىنا سايكەستىگىنە قۇجاتتارىن تەكسەرۋ جۇزەگە اسىرىلادى.
كەدەندىك باقىلاۋ بولىمشەسىنىڭ لاۋازىمدى تۇلعالارى قۇجاتتارداعى مالىمەتتەردىڭ راستىعىن تەكسەرەدى جانە شەكارالىق باقىلاۋ بولىمشەسىمەن بىرلەسە وتىرىپ (قاجەت بولعاندا), كەلگەن جۇكتەر مەن تاۋارلاردى قاراپ تەكسەرۋدى جۇرگىزەدى.
كەدەندىك باقىلاۋ بارىسىندا كەلگەن ادامداردىڭ قول جۇگىندە نەمەسە باگاجىندا كىشى ءۇي جانۋارلارى, جانۋارلاردان الىناتىن ونىمدەر مەن شيكىزات نەمەسە كارانتينگە تۇسكەن ونىمدەر انىقتالعان جاعدايدا, كارانتيندىك فيتوسانيتارلىق باقىلاۋدى جانە قاداعالاۋدى نەمەسە ۆەتەرينارلىق-سانيتارلىق باقىلاۋدى جانە قاداعالاۋدى بولىمشەلەرىنىڭ لاۋازىمدى ادامدارى ءتيىستى تەكسەرۋدى جۇزەگە اسىرادى.
3. قازاقستان رەسپۋبليكاسىنان اۋە كەمەسىندە ادامداردىڭ, جۇكتەر مەن تاۋارلاردىڭ كەتۋى كەزىندە باقىلاۋشى ورگاندار مەن اۆياتسيالىق قىزمەتتەردىڭ ءىس-قيمىلدارى
16. اۆياتسيالىق قىزمەت قىزمەتكەرلەرىنىڭ جانە باقىلاۋشى ورگاندار لاۋازىمدى تۇلعالارىنىڭ تۇراقتا جانە اۋە كەمەسىنىڭ بورتىندا جۇزەگە اسىراتىن ءىس-قيمىلى:
1) اۋە كەمەسىنىڭ ۇشۋعا تەحنيكالىق دايىندىعى بارىسىندا, اۋەجايدىڭ (اۋەايلاقتىڭ) وندىرىستىك-ديسپەتچەرلىك قىزمەتى ۇشۋعا دەيىن ءۇش ساعات بۇرىن باقىلاۋشى ورگاندارىنا رەيستىڭ ءنومىرىن, اۋە كەمەسىنىڭ ءتۇرىن, بورت ءنومىرىن, جىبەرۋ ۋاقىتىن, باراتىن اۋەجايدى, تۇراق ءنومىرىن كورسەتە وتىرىپ, اۋە كەمەسىنىڭ تيەلۋگە دايىن ەكەندىگى تۋرالى حابارلايدى;
2) باقىلاۋشى ورگانداردىڭ لاۋازىمدى تۇلعالارى اۋە كەمەسىنە تيەۋگە دايىن ەكەندىگى تۋرالى حابار العان سوڭ اۋە كەمەسىنىڭ تۇراعىنا كەلەدى.
كەتەتىن اۋە كەمەسىنىڭ تۇراعىندا جانە شەكارالىق, كەدەندىك جانە وزگە دە باقىلاۋ تۇرلەرى جۇزەگە اسىرىلاتىن ءۇي-جايلاردا قوسىمشا رەجيمدىك شەكتەۋلەر قويىلادى.
اۋە كەمەسىنە ادامداردىڭ كەلۋىنە شەكارالىق جانە وزگە دە باقىلاۋ تۇرلەرىن جۇزەگە اسىرۋ كەزەڭىندە شەكتەۋ قويىلادى, قاجەت بولعان جاعدايدا - تىيىم سالىنادى;
3) باقىلاۋشى ورگانداردىڭ لاۋازىمدى تۇلعالارى اۋە كەمەسىنىڭ كومانديرىنە شەكارالىق, كەدەندىك جانە باسقا باقىلاۋلاردى جۇزەگە اسىرۋعا قاتىستى ساۋالدار جۇرگىزەدى;
4) اۋە كەمەسىنىڭ كومانديرى باقىلاۋشى ورگانداردىڭ لاۋازىمدى ادامدارىنا مەملەكەتتىك باقىلاۋدى جۇزەگە اسىرۋ ءۇشىن قاجەتتى قۇجاتتاردى بەرەدى;
5) باقىلاۋشى ورگانداردىڭ لاۋازىمدى تۇلعالارى اۋە كەمەسىن بىرلەسىپ تەكسەرۋدى ينجەنەرلىك-اۆياتسيالىق قىزمەت (ەكيپاج مۇشەلەرى) وكىلدەرىنىڭ قاتىسۋىمەن جۇزەگە اسىرادى;
6) شەتەلگە باراتىن جولاۋشىلاردى تىركەۋ, اۋە كەمەسى ۇشپاستان بۇرىن الدىن الا شەتەلگە باراتىن اۋە كەمەسىن بەلگىلەنگەن رەسىمدەۋ رەگلامەنتىنە سايكەس باستالادى. جولاۋشىلاردى تىركەۋ باستالعاندا كەدەندىك باقىلاۋ تىرەكتەرى جانە پاسپورتتىق باقىلاۋ كابينالارى جۇمىس ىستەۋدى باستايدى. ءبىر ۋاقىتتا جۇمىس ىستەيتىن كەدەندىك باقىلاۋ تىرەكتەرى مەن پاسپورتتىق باقىلاۋ كابينالارىنىڭ سانى جولاۋشىلار اعىنىنىڭ قارقىندىلىعىنا سايكەس كەلۋى جانە كەزەكتەر بولدىرماۋى كەرەك;
7) شەكارالىق ناريادتارىنىڭ اۋىسىم باسشىسى كەتەتىن اۋە كەمەسىنە ادامداردى (بۇدان ءارى – كەتەتىن ادامدار) وتىرعىزۋعا جانە كەدەندىك باقىلاۋ بولىمشەسى لاۋازىمدى تۇلعالارىنىڭ كەلىسىمى بويىنشا تاۋارلار مەن جۇكتەردى تيەۋگە رۇقسات بەرەدى. اۋە كەمەسىنىڭ بورتىنا ادامداردى وتىرعىزۋ اياقتالعان سوڭ, شەكارالىق ناريادتارىنىڭ اۋىسىم باسشىسى بورتتاعى ادامداردى شەكارالىق باقىلاۋدان وتكەندەردىڭ سانىمەن سالىستىرۋدى جۇزەگە اسىرادى.
17. ادامدارعا, جۇكتەر مەن تاۋارلارعا شەكارالىق, كەدەندىك جانە باسقا دا باقىلاۋلاردى جۇزەگە اسىرۋ بويىنشا باقىلاۋشى ورگاندار لاۋازىمدى تۇلعالارىنىڭ ءىس-قيمىلى:
1) شەكارالىق نارياد كەتەتىن ادامداردىڭ قازاقستان رەسپۋبليكاسىنا كىرۋگە قۇقىق بەرەتىن قۇجاتتارىن تەكسەرۋدى پاسپورتتىق باقىلاۋ كابينالارىندا, ارنايى جابدىقتالعان جايلاردا جۇزەگە اسىرادى. اۋە كەمەلەرىنىڭ ەكيپاجى مەن جولاۋشىلارىنىڭ, سونداي-اق اۋە كەمەسىنىڭ بورتىنا الىپ كەلگەن مۇگەدەكتەر مەن اۋىر ناۋقاستاردىڭ قۇجاتتارىن تەكسەرۋ بەلگىلەنگەن ورىنداردا نەمەسە اۋە كەمەسىنىڭ بورتىندا (اۋە كەمەسىنىڭ باسقىشىندا) جۇزەگە اسىرىلادى;
2) ولارعا قاتىستى زاڭدى شەكتەۋ قويىلعان ادامدار مەملەكەتتىك شەكارا ارقىلى وتكىزىلمەيدى. مەملەكەتتىك شەكارا ارقىلى وتكىزبەۋ فاكتىسى بويىنشا شەكارالىق ناريادىنىڭ اۋىسىم باسشىسى اۆياكومپانيا وكىلىنە نەمەسە جتۇق اگەنتىنە باگاجدى ۋاقىتىلى ءتۇسىرۋ جانە جولاۋشىلار مانيفەستىنە وزگەرىستەر ەنگىزۋ ماقساتىندا اتالعان جولاۋشىلار ساناتىنىڭ اۋە كەمەسىندە ۇشۋى مۇمكىن ەمەستىگى تۋرالى اقپارات بەرەدى.
شىندىعى كۇمان كەلتىرەتىن قۇجاتتار, ارنايى تەحنيكالىق قۇرالداردى پايدالانا وتىرىپ تەرەڭدەتىلگەن تەكسەرۋ راسىمىنەن وتەدى. قۇجاتتاردى تەرەڭدەتىلگەن تەكسەرۋدەن وتكىزۋ ۋاقىتى تۋرالى اۆياكومپانيا وكىلىنە نەمەسە جتۇق اگەنتىنە حابارلانادى;
3) ديپلوماتيالىق, قىزمەتتىك تولقۇجات يەلەرى, بيزنەس-كلاسس جولاۋشىلارى, مۇمكىندىكتەرى شەكتەۋلى جولاۋشىلار, اۋە كەمەسىنىڭ ەكيپاجدارى «FAST TRACK» ستيكەرىمەن بەلگىلەنگەن ارنايى بولىنگەن پاسپورتتىق باقىلاۋ كابيناسى ارقىلى وتكىزىلەدى.
اۋە كەمەلەرىنىڭ ەكيپاج مۇشەلەرى قازاقستان رەسپۋبليكاسىنا كىرۋگە جانە قازاقستان رەسپۋبليكاسىنان شىعۋعا قۇقىق بەرەتىن قۇجاتتارى بويىنشا, سونداي-اق اۆياكومپانيا وكىلىنە (جتۇق اگەنتى) ۋاقىتىنان بۇرىن ۇسىنىلاتىن ۇشۋ تاپسىرماسىنىڭ كوشىرمەسىنە (باس دەكلاراتسياسىنا) سايكەس وتكىزىلەدى;
4) ادامدار مەن باگاجدارعا كەدەندىك جانە رادياتسيالىق باقىلاۋ كەتەتىن ادامداردىڭ اۆيابيلەتتەرىن تىركەۋ, باگاج بەن قول جۇگىن رەسىمدەۋ اياقتالعاننان كەيىن جۇزەگە اسىرىلادى. جۇكتەردى باقىلاۋدى كەدەندىك باقىلاۋ بولىمشەسى شەكارالىق باقىلاۋ بولىمشەسىمەن ءوزارا ءىس-قيمىلدا ولاردى تيەۋگە دەيىن نەمەسە اۋە كەمەسىنە تيەۋ ۋاقىتىندا جۇزەگە اسىرىلادى. كەدەندىك باقىلاۋ بارىسىندا كەلگەن ادامداردىڭ قول جۇگىندە نەمەسە باگاجىندا كىشى ءۇي جانۋارلارى, جانۋارلاردان الىناتىن ونىمدەر مەن شيكىزات نەمەسە كارانتينگە تۇسكەن ونىمدەر انىقتالعان جاعدايدا, كارانتيندىك فيتوسانيتارلىق باقىلاۋدى جانە قاداعالاۋدى نەمەسە ۆەتەرينارلىق-سانيتارلىق باقىلاۋدى جانە قاداعالاۋدى بولىمشەلەرىنىڭ لاۋازىمدى ادامدارى تەكسەرۋدى جۇزەگە اسىرادى;
5) كەتەتىن ادامداردى اەروۆوكزال عيماراتىنان اۋە كەمەسىنىڭ تۇراعىنا دەيىن تاسىمالداۋ شەكارالىق ناريادىنىڭ باقىلاۋىمەن نەمەسە الىپ جۇرۋىمەن جۇزەگە اسىرىلادى.
18. باسقىشتى ايداپ اكەتۋ جانە اۋە كەمەسىن جابۋ شەكارالىق ناريادى جەتەكشىسىنىڭ رۇقساتىمەن جۇرگىزىلەدى.
اۋە كەمەسى جابىلعاننان جانە باسقىشتى الىپ كەتكەننەن كەيىن ونىڭ ۇشۋىنا دەيىن ء(وز بەتىمەن قوزعالۋى الدىندا) شەكارالىق نارياد ونى قاداعالاۋدى جۇزەگە اسىرادى.
اۋە كەمەسى كەتكەننەن كەيىن ەنگىزىلگەن قوسىمشا رەجيمدىك شەكتەۋلەر الىنىپ تاستالادى.
19. قازاقستان رەسپۋبليكاسىنىڭ اۋماعىنا كىرۋگە قۇقىعى جوق ترانزيتتىك جانە ترانسفەرتتىك جولاۋشىلار باراتىن مەملەكەتكە كىرۋ قۇقىعىنا ءتيىستى تۇردە رەسىمدەلگەن قۇجاتتارى جانە قازاقستان رەسپۋبليكاسىنىڭ اۋماعىنداعى قايتا وتىرعىزۋ اۋەجايىنان ۇشۋ كۇنىن راستايتىن اۆيابيلەتتەرى بار بولعان جاعدايدا اۋەجايدىڭ ترانزيتتىك زالىندا نەمەسە اۋەجاي قوناقۇيىنىڭ ۆيزاسىز (باقىلاناتىن) ايماعىندا ورنالاستىرىلادى. اتالعان ادامداردىڭ قازاقستان رەسپۋبليكاسىنان اۋماعىنان ءوز ۋاقىتىندا كەتۋىن تاسىمالداۋشى مەن اۋەجايدىڭ ترانزيت قىزمەتى قامتاماسىز ەتەدى.
قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ 2013 جىلعى 30 قاراشاداعى
№504 بۇيرىعىمەن بەكىتىلگەن
قازاقستان رەسپۋبليكاسىنىڭ مەملەكەتتىك شەكاراسى ارقىلى ادامداردى, كولىك قۇرالدارىن, جۇكتەردى جانە تاۋارلاردى اۆتوموبيل وتكىزۋ پۋنكتتەرىندە وتكىزۋدى ۇيىمداستىرۋدىڭ
ۇلگىلىك سحەماسى
1. جالپى ەرەجەلەر
1. وسى قازاقستان رەسپۋبليكاسىنىڭ مەملەكەتتىك شەكاراسى ارقىلى ادامداردى, كولىك قۇرالدارىن, جۇكتەردى جانە تاۋارلاردى اۆتوموبيل وتكىزۋ پۋنكتتەرىندە وتكىزۋدى ۇيىمداستىرۋدىڭ ۇلگىلىك سحەماسى (بۇدان ءارى – ۇلگىلىك سحەما) باقىلاۋشى ورگاندار بولىمشەلەرىنىڭ (بۇدان ءارى – باقىلاۋشى ورگاندار) قازاقستان رەسپۋبليكاسىنىڭ مەملەكەتتىك شەكاراسىن (بۇدان ءارى – مەملەكەتتىك شەكارا) اۆتوموبيللدىك وتكىزۋ پۋنكتتەرىنەن (بۇدان ءارى – وتكىزۋ پۋنكتتەرى) كەسىپ وتەتىن ادامدارعا, كولىك قۇرالدارىنا, جۇكتەر مەن تاۋارلارعا قاتىستى شەكارالىق, كەدەندىك, سانيتارلىق-كارانتيندىك, كارانتيندىك فيتوسانيتارلىق, مەملەكەتتىك ۆەتەرينارلىق-سانيتارلىق باقىلاۋدى جانە/نەمەسە قاداعالاۋدى جۇزەگە اسىرۋى كەزىندە وتكىزۋدى ۇيىمداستىرۋ سحەماسىن ايقىندايدى.
2. باقىلاۋشى ورگاندار قىزمەتتى ۇيلەستىرۋ جولىمەن باقىلاۋدى وتكىزۋ ۋاقىتىن بارىنشا ازايتۋعا جانە باقىلاۋ وپەراتسيالارىن وتكىزۋگە بەرىلگەن ۋاقىتتى نەگىزسىز سوزۋعا جول بەرمەۋ بويىنشا شارالاردى قابىلدايدى.
3. كولىك قۇرالدارىن تەكسەرىپ قاراۋدى وتكىزۋ پۋنكتىنىڭ تەكسەرۋ الاڭىندا قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ شەكارالىق باقىلاۋ بولىمشەسىمەن (بۇدان ءارى – شەكارالىق باقىلاۋ بولىمشەسى), ادامداردىڭ, كولىك قۇرالدارىنىڭ, جۇكتەر مەن تاۋارلاردىڭ مەملەكەتتىك شەكارا بۇزۋشىلاردى انىقتاۋ جانە ۇستاۋ ماقساتىندا جۇرگىزىلەدى.
4. كەدەن ىستەرى سالاسىنداعى قۇقىق بۇزۋشىلىقتار (قىلمىستار) فاكتىلەرىن انىقتاۋ جانە كەدەن وداعىنىڭ كەدەندىك شەكاراسى ارقىلى وتەتىن تاۋارلار مەن كولىك قۇرالدارىنا كەدەندىك باقىلاۋدى جۇزەگە اسىرۋدا ونىڭ وتكىزۋ ۋاقىتىن قىسقارتۋ, كەدەندىك باقىلاۋدىڭ تيىمدىلىگىن ارتتىرۋ ماقساتىندا ينسپەكتسيالىق تەكسەرىپ قاراۋ كەشەنى قولدانىلادى.
كەدەندىك باقىلاۋ بولىمشەسى پايدالاناتىن ينسپەكتسيالىق تەكسەرىپ قاراۋ كەشەنىمەن جاراقتاندىرىلعان وتكىزۋ پۋنكتتەرىندە شەكارالىق باقىلاۋ بولىمشەسى ولاردى قولدانۋمەن قاراپ تەكسەرۋ ناتيجەلەرىن مويىندايدى.
جەكە جاعدايلاردا كولىك قۇرالدارىن, جۇك جانە تاۋارلاردى تەكسەرۋ شەكارالىق جانە كەدەندىك باقىلاۋ بولىمشەلەرىمەن بىرلەسىپ جۇرگىزىلەدى.
5. ءاربىر اۆتوموبيل وتكىزۋ پۋنكتتەرىندە ونىڭ ەرەكشەلىكتەرىنە بايلانىستى (ساناتتارى, سىنىپتارى, ينفراقۇرىلىمىنىڭ جانە تەحنيكالىق جاراقتانۋىنىڭ دامۋى, مەملەكەتتىك شەكارا سىزىعىنان قاشىقتىعى, جىل ۋاقىتى) ۇلگىلىك سحەمانىڭ نەگىزىندە باقىلاۋ ورگاندارى باسشىلارىنىڭ بىرلەسكەن شەشىمىمەن مەملەكەتتىك شەكارا ارقىلى ادامداردى, كولىك قۇرالدارىن, جۇكتەر مەن تاۋارلاردى وتكىزۋدى ۇيىمداستىرۋ سحەماسى (بۇدان ءارى – وتكىزۋدى ۇيىمداستىرۋ سحەماسى) ازىرلەنەدى جانە بەكىتىلەدى.
وتكىزۋدى ۇيىمداستىرۋ سحەماسىندا ءتيىستى وتكىزۋ پۋنكتىنىڭ جەرگىلىكتى جاعدايىن ەسەپكە الا وتىرىپ مەملەكەتتىك باقىلاۋدىڭ بارلىق تۇرلەرىن جۇزەگە اسىرۋدىڭ ۇزاقتىعى بەلگىلەنەدى.
كەدەندىك جانە باسقا دا باقىلاۋشى ورگاندارى جوق وتكىزۋ پۋنكتتەرىندە وتكىزۋدى ۇيىمداستىرۋ سحەماسىن قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ قۇراما ء(بولىم) كومانديرى بەكىتەدى.
6. قازاقستان رەسپۋبليكاسى راتيفيكاتسيالاعان حالىقارالىق شارتتارعا سايكەس جۇمىس ءتارتىبى تاۋلىك بويى ەمەس وتكىزۋ پۋنكتتەرىندە كولىك قۇرالدارىنىڭ جينالىپ قالماۋىن بولدىرماۋ ماقساتىندا مەملەكەتتىك شەكارا ارقىلى وتكىزۋدى توقتاتقاننان كەيىن, وتكىزۋ پۋنكتتەرىنىڭ اۋماعىنداعى اۆتوكولىك قۇرالدارىنا قاتىستى كەدەندىك وپەراتسيالاردى جۇرگىزۋ شەكارالىق باقىلاۋ بولىمشەسىنىڭ كەلىسىمى بويىنشا رۇقسات ەتىلەدى.
2. وتكىزۋ پۋنكتى اۋماعىنا ادامداردىڭ, كولىك قۇرالدارىنىڭ, تاۋارلار مەن جۇكتەردىڭ كەلۋى كەزىندە باقىلاۋشى ورگانداردىڭ ءىس-قيمىلدارى
7. قازاقستان رەسپۋبليكاسىنىڭ اۋماعىنا كىرەتىن كولىك قۇرالدارىنىڭ وتكىزۋ پۋنكتتەرىنە كەلۋى كەزىندە باقىلاۋشى ورگاندار مىناداي نەگىزگى باقىلاۋ وپەراتسيالارىن جۇزەگە اسىرادى:
1) شەكارالىق باقىلاۋ بولىمشەسى:
وتكىزۋ پۋنكتىنە كىرۋ كەزىندە كولىك قۇرالدارىن تىركەيدى;
اۆتوكولىك قۇرالدارىندا باراتىن ادامداردىڭ قازاقستان رەسپۋبليكاسىنا كىرۋىنە جانە قازاقستان رەسپۋبليكاسىنان شىعۋىنا قۇقىق بەرەتىن قۇجاتتارىن تەكسەرەدى جانە شەكارالىق باقىلاۋ ناتيجەلەرىن اقپاراتتىق جۇيەگە ەنگىزەدى;
اۆتوكولىك قۇرالدارىن قاجەت بولعان كەزدە كەدەندىك باقىلاۋ بولىمشەسىنىڭ لاۋازىمدى تۇلعالارىمەن بىرلەسىپ تەكسەرىپ قارايدى;
ادامدارعا جانە كولىك قۇرالدارىنا ودان ءارى ءجۇرۋ قۇقىعىن بەرۋ تۋرالى شەشىم قابىلدايدى;
2) كەدەندىك باقىلاۋ بولىمشەسى:
اۆتوكولىك قۇرالدارىن ەسەپكە الۋ اۆتوماتتاندىرىلعان جۇيەسىن قولدانا وتىرىپ, كولىك قۇرالدارىنىڭ كىرۋىن تىركەيدى;
رادياتسيالىق باقىلاۋدىڭ اۆتوماتتاندىرىلعان جۇيەسىن جانە/نەمەسە رادياتسيالىق باقىلاۋدىڭ اۋىسپالى تەحنيكالىق قۇرالدارىن قولدانا وتىرىپ, رادياتسيالىق باقىلاۋدى جۇزەگە اسىرادى;
كولىك قۇرالدارى مەن تاۋارلاردى كەدەندىك رەسىمدەيدى جانە كەدەندىك باقىلاۋدى جۇزەگە اسىرادى;
اۆتوكولىك قۇرالدارىن شەكارلىق باقىلاۋ بولىمشەسىنىڭ لاۋازىمدى تۇلعالارىمەن بىرلەسە قاراپ تەكسەرەدى (قاجەت بولعاندا);
كولىكتىك باقىلاۋ قازاقستان رەسپۋبليكاسى زاڭناماسىنا جانە قازاقستان رەسپۋبليكاسىمەن راتيفيكاتسيالاعان حالىقارالىق كەلىسىمدەرىنە سايكەس رۇقسات قۇجاتتارىنىڭ بار بولۋى مەن قولدانىلۋىن تەكسەرۋ ارقىلى, اۆتوكولىك قۇرالدارىندا باراتىنداردىڭ سالماقتىق جانە كولەمدىك پارامەترلەرىن قولدا بار باقىلاۋ جۇيەسىمەن انىقتاۋ ارقىلى جۇزەگە اسىرادى;
سانيتارلىق-كارانتيندىك قاداعالاۋ قازاقستان رەسپۋبليكاسىنىڭ زاڭناماسىنا سايكەس جۇزەگە اسادى;
3) كارانتيندىك فيتوسانيتارلىق باقىلاۋ جانە قاداعالاۋ, مەملەكەتتىك ۆەتەرينارلىق-سانيتارلىق باقىلاۋ جانە قاداعالاۋ قازاقستان رەسپۋبليكاسىمەن جانە قازاقستان رەسپۋبليكاسىنىڭ زاڭناماسىمەن راتيفيكاتسيالانعان كارانتيندىك فيتوسانيتارلىق باقىلاۋ جانە مەملەكەتتىك ۆەتەرينارلىق-سانيتارلىق باقىلايتىن مەن قاداعالايتىن بولىمشەلەرىمەن جۇزەگە اسىرىلادى.
مەملەكەتتىك شەكارانىڭ قازاقستان-رەسەي ۋچاسكەسىندەگى اۆتوموبيل پۋنكتتەرىندە تەك شەكارالىق باقىلاۋ جۇزەگە اسىرىلادى.
بارلىق بەلگىلەنگەن باقىلاۋ تۇرلەرىن جۇرگىزگەننەن كەيىن شەكارالىق ناريادى وتكىزۋ پۋنكتىنىڭ اۋماعىنان كولىك قۇرالدارىن شىعارۋدى جۇزەگە اسىرادى.
8. قازاقستان رەسپۋبليكاسىنان ادامدار مەن كولىك قۇرالدارىنىڭ شىعۋى, تاۋارلار مەن جۇكتەردىڭ شىعارىلۋى كەزىندە باقىلاۋشى ورگاندار ءىس-قيمىلدارىنىڭ دايەكتىلىگى كەرى رەتپەن بەلگىلەنەدى.
9. مەملەكەتتىك شەكارا ارقىلى وتەتىن جۇك تاسيتىن كولىك قۇرالدارى مەن اۆتوبۋستارعا, جاياۋ جۇرگىنشى تۇلعالارعا قاتىستى باقىلاۋدى جۇزەگە اسىرۋ بويىنشا باقىلاۋشى ورگانداردىڭ ءىس-قيمىلدار بىرىزدىلىگى ءاربىر اۆتوموبيلدىك وتكىزۋ پۋنكتى ءۇشىن ونىڭ ەرەكشەلەگىنە سايكەس ناقتى انىقتالادى.
باقىلاۋدىڭ بەلگىلەنگەن تۇرلەرى وتكىزۋ پۋنكتتەرىندە اۋىر ناۋقاستى تاسىمالداۋعا, جولاۋشىلاردى تۇراقتى تاسىمالداۋدى ورىندايتىن اۆتوبۋستارعا, سونداي-اق جانۋارلاردى, جىلدام بۇزىلاتىن جانە قاۋىپتى جۇكتەردى تاسىمالداۋ كەزىندە وتكىزۋ پۋنكتتەرىندە باقىلاۋدىڭ بەلگىلەنگەن ءتۇرلەرى قازاقستان رەسپۋبليكاسىمەن راتيفيكاتسيالانعان ۇكىمەتارالىق كەلىسىمدەردىڭ جانە قازاقستان رەسپۋبليكاسىنىڭ «اۆتوموبيلدىك كولىك تۋرالى» زاڭىنىڭ نەگىزىندە باسىمدىلىق تارتىپتە جۇزەگە اسىرىلادى.
قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ 2013 جىلعى 30 قاراشاداعى
№504 بۇيرىعىمەن بەكىتىلگەن
قازاقستان رەسپۋبليكاسىنىڭ مەملەكەتتىك شەكاراسى ارقىلى ادامداردى, كولىك قۇرالدارىن, جۇكتەردى جانە تاۋارلاردى تەمىرجول وتكىزۋ پۋنكتتەرىنەن وتكىزۋدى ۇيىمداستىرۋدىڭ
ۇلگىلىك سحەماسى
1. جالپى ەرەجەلەر
1. وسى قازاقستان رەسپۋبليكاسىنىڭ مەملەكەتتىك شەكاراسى ارقىلى تەمىرجول وتكىزۋ پۋنكتتەرىندە ء(ارى قاراي - ۇلگى سحەماسى) ادامداردىڭ, كولىك قۇرالدارىنىڭ, جۇكتەر مەن تاۋارلاردىڭ وتكىزىلۋىن ۇيىمداستىرۋدىڭ ۇلگىلىك سحەماسى باقىلاۋشى ورگانداردىڭ بولىمشەلەرىمەن (بۇدان ءارى – باقىلاۋشى ورگاندار) جۇزەگە اسىرىلۋ كەزىندە وتكىزۋدى ۇيىمداستىرۋدى, اتاپ ايتقاندا: شەكارالىق, كەدەندىك, سانيتارلىق-كارانتيندىك, كارانتيندىك فيتوسانيتارلىق, مەملەكەتتىك ۆەتەرينارلىق-سانيتارلىق باقىلاۋدى جانە/نەمەسە قاداعالاۋدى, سونداي-اق تەمىرجول وتكىزۋ پۋنكتتەرىندە (بۇدان ءارى – وتكىزۋ پۋنكتتەرى) قازاقستان رەسپۋبليكاسىنىڭ مەملەكەتتىك شەكاراسىن كەسىپ وتەتىن ادامدارعا, جۇكتەر مەن تاۋارلارعا قاتىستى تەمىرجول ستانسالارى اكىمشىلىكتەرىنىڭ ءىس-قيمىلدارىن ايقىندايدى.
2. قىزمەتتى ۇيلەستىرۋ جولىمەن باقىلاۋشى ورگاندار مەن تاسىمالداۋشى حالىقارالىق قاتىناس پوەزدارى (بۇدان ءارى - پوەزدار) قوزعالىسىندا باقىلاۋ وتكىزۋ ۋاقىتىن مەيلىنشە ازايتۋ جانە نەگىزسىز كىدىرىستەردى بولدىرماۋ بويىنشا بارلىق مۇمكىن شارالاردى قولعا الادى.
3. بۇزۋشىلىقتار انىقتالعان جاعدايدا باقىلاۋشى ورگاننىڭ لاۋازىمدى تۇلعاسى پوەزد باستىعىن جانە تەمىرجول ستانساسى بويىنشا كەزەكشىنى, كەيىننەن پوەزد باستىعىنا كىدىرىس اكتىسىنىڭ بەرىلۋىمەن, كىدىرىستىڭ سەبەپتەرى مەن بولجاناتىن ۇزاقتىعى تۋرالى حاباردار ەتەدى, سونداي-اق پوەزدىق بريگادالار قىزمەتكەرلەرىنىڭ تاراپىنان بۇزۋشىلىقتار انىقتالعان جاعدايدا قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ رەەسترىندە № 2810 نومىرىمەن تىركەلگەن «جولاۋشىلاردى, باگاجدى جانە جۇك-باگاجدى تەمىر جول كولىگىمەن تاسىمالداۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 14 شىلدەدەگى № 799 قاۋلىسىمەن بەكىتىلگەن قازاقستان رەسپۋبليكاسىندا تەمىر جول كولىگىمەن جولاۋشىلاردى, باگاجدى جانە جۇك-باگاجىن تاسىمالداۋ قاعيدالارىن تاسىمالداۋشىلاردىڭ ساقتاۋىن باقىلاۋدى جۇزەگە اسىرۋ قاعيدالارىن بەكىتۋ تۋرالى قازاقستان رەسپۋبليكاسى كولىك جانە كوممۋنيكاتسيالار ءمينيسترىنىڭ 2004 جىلعى 31 تامىزداعى № 324-ءى بۇيرىعىمەن بەكىتىلگەن رەيستىك جۋرنالعا ءتيىستى جازبا جازادى.
4. تەمىرجول ستانساسىنىڭ اكىمشىلىگى پوەزدىڭ كەلۋىنە ءبىر ساعات قالعاندا, باقىلاۋشى ورگاندارعا پوەزدىڭ وتكىزۋ پۋنكتىنە كەلۋى – ۋاقىتى, تۇراق ورنى (تەمىرجول جولدارى) جانە جولاۋشىلار سانى, سونداي-اق وتكىزۋ پۋنكتتەرى ارقىلى وتەتىن, جۇك پوەزدارىنىڭ الدىن-الا سانى, ۆاگونداردىڭ تيپتەرى جانە جۇكتەر مەن تاۋارلاردىڭ سيپاتى تۋرالى اقپارات بەرەدى.
5. جولاۋشىلار پوەزدارىنىڭ پوەزدىق بريگادا قىزمەتكەرلەرى پوەزدىڭ وتكىزۋ پۋنكتىنە كەلۋىنە دەيىن باقىلاۋعا ارنالعان قۇجاتتاردىڭ, قول جۇگىنىڭ دايىن بولۋىمەن, سونداي-اق تولتىرىلعان كوشى-قون كارتالارىمەن جانە كەدەندىك دەكلاراتسيالارىمەن (قاجەتتى جاعدايدا) جولاۋشىلاردىڭ ءوز ورىندارىندا بولۋىن قامتاماسىز ەتەدى.
6. باقىلاۋ وتكىزىلۋ كەزىندە جولاۋشىلار ۆاگونداردا تەك باقىلاۋشى ورگانداردىڭ رۇقساتىمەن عانا ءجۇرىپ-تۇرا الادى. باقىلاۋ وتكىزۋ ۋاقىتىندا ۆاگون-رەستورانداردىڭ جۇمىسى توقتاتىلادى.
7. جولاۋشىلار پوەزدارىندا جولجۇگى ۆاگوندارىنىڭ بولۋى كەزىندە باقىلاۋشى ورگاندار ولاردىڭ سىرتتاي قارالۋىن, تاسىمالداناتىن جۇكتەر مەن تاۋارلارعا قاتىستى تاسىمالداۋ جانە جونەلتپە قۇجاتتاردى تەكسەرۋدى جۇزەگە اسىرادى.
قازاقستان رەسپۋبليكاسىنىڭ اۋماعىنا كىرگىزگەن كەزدە جولجۇگى ۆاگوندارىنداعى جۇك كەدەندىك ءترانزيتتىڭ كەدەندىك راسىمىنە سايكەس كەدەندىك ماعلۇمداۋعا جاتادى.
8. پوەزداردىڭ جانە ونداعى تاسىمالداناتىن جۇكتەردىڭ تەكسەرىلۋى, كەدەندىك باقىلاۋ بولىمشەسىمەن بىرلەسە مەملەكەتتىك شەكارانى كەسىپ ءوتۋ ءتارتىبىن بۇزۋشىلاردى انىقتاۋ جانە ۇستاۋ ماقساتىندا, قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتى شەكارالىق باقىلاۋ بولىمشەسىمەن (بۇدان ءارى – شەكارالىق باقىلاۋ بولىمشەسى) وتكىزۋ پۋنكتىنىڭ ارنايى جايلاستىرىلعان ايماعىندا جۇرگىزىلەدى.
9. باقىلاۋشى ورگاندار تەكسەرۋدىڭ اياقتالعاندىعى تۋرالى تەمىرجول ستانساسى بويىنشا كەزەكشىگە حابارلايدى.
10. جۇك جانە جولاۋشىلار پوەزدارىنىڭ مەملەكەتتىك شەكارا ارقىلى وتۋلەرى كەزىندە, كەدەندىك باقىلاۋ بولىمشەسىمەن اۆتوماتتىق نەمەسە قول رەجيمىندە رادياتسيالىق باقىلاۋدىڭ تەحنيكالىق قۇرالدارىنىڭ پايدالانىلۋىمەن رادياتسيالىق باقىلاۋ جۇرگىزىلەدى.
قازاقستان رەسپۋبليكاسىنان شىعۋعا جانە/نەمەسە قازاقستان رەسپۋبليكاسىنا كىرۋگە قاتىستى جۇك جانە جولاۋشىلار پوەزدارىنىڭ وتۋلەرى كەزىندە, راديواكتيۆتىك ماتەريالداردىڭ بولۋىنا قاتىستى رادياتسيالىق باقىلاۋدىڭ اۆتوماتتاندىرىلعان جۇيەلەرىنىڭ ء(ارى قاراي – رباج) ىسكە قوسىلۋى جاعدايىندا, كەدەندىك باقىلاۋ بولىمشەسىنىڭ لاۋازىمدى تۇلعاسى جىلجىمالى قۇرامدى توقتاتۋ, قايتا تەكسەرۋ جۇرگىزۋ, ال راستالعان جاعدايدا – رباج تاسىمالدى قۇرالدارىن پايدالانۋمەن يونداۋشى ساۋلەلەنۋ كوزدەرىن وقشاۋلاندىرۋ جانە سايكەستەندىرۋ ءۇشىن كەدەندىك باقىلاۋ بولىمشەسى مەن تەمىرجول قىزمەتىنىڭ باسشىلىعىنا حابارلايدى.
11. ينسپەكتسيالىق تەكسەرىپ قاراۋ كەشەندەرىن (يتقك) پايدالانۋمەن وتكىزۋ پۋنكتتەرىندە تەمىرجول كولىگىن تەكسەرۋ قازاقستان رەسپۋبليكاسىنىڭ جانە شەكتەس مەملەكەتتەردىڭ اۋماقتىق كەدەندىك باقىلاۋ بولىمشەسىنىڭ جانە تەمىرجول قىزمەتتەرىمەن بەكىتىلەتىن, تەمىرجول قۇرامدارى, ازاماتتىق تۇلعالاردىڭ, ونىڭ ىشىندە جۇكتەردى الىپ جۇرەتىن ادامداردىڭ سانى تۋرالى اقپاراتتىڭ بەرىلۋ تارتىبىنە سايكەس جۇرگىزىلەدى.
12. ءاربىر تەمىرجول وتكىزۋ پۋنكتتەرىندە ونىڭ ەرەكشەلىكتەرىنە بايلانىستى (ساناتتارى, سىنىپتارى, ينفراقۇرىلىمىنىڭ جانە تەحنيكالىق جاراقتانۋىنىڭ دامۋى, جىل ۋاقىتى) ۇلگىلىك سحەمانىڭ نەگىزىندە باقىلاۋ ورگاندارى تەمىرجول ۇيىمدارى باسشىلارىنىڭ بىرلەسكەن شەشىمىمەن مەملەكەتتىك شەكارا ارقىلى ادامداردى, كولىك قۇرالدارىن, جۇكتەر مەن تاۋارلاردى وتكىزۋدى ۇيىمداستىرۋ سحەماسى (بۇدان ءارى – وتكىزۋدى ۇيىمداستىرۋ سحەماسى) ازىرلەنەدى جانە بەكىتىلەدى.
كەدەندىك جانە باسقا دا باقىلاۋشى ورگاندارى بولماعان, تەمىرجول وتكىزۋ پۋنكتتەرىندە, وتكىزۋدى ۇيىمداستىرۋ سحەمالارى قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتى قۇراماسىنىڭ ء(بولىمىنىڭ) كومانديرى جانە تەمىرجول ۇيىمىنىڭ باسشىسىمەن بىرلەسىپ بەكىتىلەدى.
جولاۋشىلار پوەزدارىنىڭ قوزعالىس كەستەسى مەن تۇراقتارىنا سايكەس, وتكىزۋدى ۇيىمداستىرۋ سحەمالارىندا باقىلاۋ وپەراتسيالارىن جۇزەگە اسىرۋ ۇزاقتىعى بەلگىلەنەدى.
13. پوەزد كەشىگىپ كەلگەن جاعدايدا شەكارالىق, كەدەندىك جانە باسقا دا باقىلاۋ تۇرلەرىن جۇزەگە اسىرۋعا بولىنگەن ۋاقىتتى قىسقارتۋعا بولمايدى.
2. حالىقارالىق قاتىناس پوەزدارىنىڭ قازاقستان رەسپۋبليكاسىنىڭ وتكىزۋ پۋنكتتەرى اۋماعىنا كەلۋى كەزىندەگى باقىلاۋشى ورگانداردىڭ ءىس-قيمىلدارى
14. جۇمىس باستالار الدىندا, باقىلاۋشى ورگانداردىڭ لاۋازىمدى تۇلعالارى پوەزد باستىعىنان پوەزداعى سىرقات, سىرقاتتارى بولۋعا كۇدىكتى تۇلعالار, پوەزعا زاڭسىز كىرىپ كەتكەن تۇلعالار, سونداي-اق قازاقستان رەسپۋبليكاسىنا كىرۋ قۇقىعىنا قۇجاتسىز بولىپ وتىرعان تۇلعالار, قازاقستان رەسپۋبليكاسىنا (نان) اكەلۋگە/شىعارۋعا كەدەن وداعىنىڭ جانە قازاقستان رەسپۋبليكاسىنىڭ كەدەندىك زاڭناماسىمەن تىيىم سالىنعان جۇكتەر تۋرالى اقپاراتتى ناقتىلايدى.
15. مەملەكەتتىك شەكارا ارقىلى ادامداردى جانە جۇكتەردى تاسىمالداۋ كەزىندە جۇكتەردىڭ سانيتارلىق-كارانتيندىك جاعدايى جانە ادامداردىڭ دەنساۋلىق جاعدايىنىڭ ناشارلاۋ قاۋپى بولعان جاعدايدا باقىلاۋدىڭ باسقا تۇرلەرىن جۇرگىزگەنگە دەيىن سانيتارلىق-كارانتيندىك قاداعالاۋ جۇزەگە اسىرىلادى.
16. جولاۋشىلار پوەزدارىنىڭ شەكارالىق باقىلاۋى جەكەلەگەن جاعدايلاردا مەملەكەتتىك شەكارا سىزىعىنان وتكىزۋ پۋنكتىنە دەيىن جانە كەرى باعىتتاعى قوزعالىسى بارىسىندا, سونداي-اق پوەزدار ءجۇرىسىنىڭ ترانزيتتىك ۋچاسكەلەرىندە ولاردىڭ شەكارالىق ناريادتارىمەن بىرگە جۇرۋىمەن جۇزەگە اسىرىلادى.
مەملەكەتتىك شەكارا ارقىلى تەمىرجول كولىگىمەن وتەتىن ادامداردىڭ قۇجاتتارىن تەكسەرۋ تىكەلەي شەتەلگە باراتىن پوەزدار ۆاگوندارىندا نەمەسە شەكارالىق ستانسالاردىڭ جابدىقتالعان زالدارىندا, سونداي-اق تەمىرجول ستانساسىنىڭ پلاتفورماسىندا جۇزەگە اسىرىلادى. تەمىرجول وتكىزۋ پۋنكتىندەگى شەكارالىق باقىلاۋدى جۇزەگە اسىرۋ بىرىزدىلىگى ناقتى جاعدايلارعا, تۇراق ۋاقىتىنا, ترانزيتتىك ۋچاسكەلەردىڭ بولۋىنا جانە وتكىزۋ پۋنكتتەرىنىڭ باسقا ەرەكشەلىكتەرىنە بايلانىستى بولادى.
17. ۆاگونداردىڭ ىشكى بولىگىن تەكسەرۋ, پوەزدىق بريگادالار مۇشەلەرىن تارتا وتىرىپ, مەملەكەتتىك شەكارا ارقىلى وتەتىن ادامداردىڭ قۇجاتتارىن ءبىر ۋاقىتتا تەكسەرۋمەن, مەملەكەتتىك شەكارانى كەسىپ ءوتۋ ءتارتىبىن بۇزۋشىلاردى انىقتاۋ جانە ۇستاۋ ماقساتىندا شەكارالىق ناريادتارى جۇزەگە اسىرادى.
18. قازاقستان رەسپۋبليكاسىنا كىرۋ كەزىندە كەدەندىك, ال قاجەت بولعان كەزدە قول جۇگى مەن باگاج باقىلاۋىنىڭ باسقا دا تۇرلەرى, شەكارالىق ناريادتارىمەن ولاردىڭ يەلەرىنەن قازاقستان رەسپۋبليكاسىنا كىرۋ قۇقىعىنا قاتىستى قۇجاتتاردى تەكسەرۋدەن كەيىن جۇرگىزىلەدى. قازاقستان رەسپۋبليكاسىنان شىعۋ كەزىندە باقىلاۋ كەرى رەتتىلىكتە جۇزەگە اسىرىلادى.
19. ءجۇرۋ جولى اياقتالعان, شەكارانىڭ ار جاعىنان كەلگەن جولاۋشىلاردىڭ شىعۋى, پوەزدىڭ قالعان ۆاگوندارىنداعى باقىلاۋ اياقتالعانىن كۇتپەستەن, ۆاگونداعى شەكارالىق جانە كەدەندىك باقىلاۋ اياقتالعاننان كەيىن رۇقسات ەتىلەدى.
20. ءجۇرۋ جولى وتكىزۋ پۋنكتىندە اياقتالاتىن, شەكارانىڭ ار جاعىنان كەلگەن جولاۋشىلارعا قاتىستى باقىلاۋدىڭ شەكارالىق, كەدەندىك جانە باسقا دا تۇرلەرى, سونداي-اق باقىلاۋشى ورگاندارمەن سول ءۇشىن ارنايى جابدىقتالعان وتكىزۋ پۋنكتىنىڭ عيماراتىندا جۇرگىزىلەدى.
21. قازاقستان رەسپۋبليكاسىمەن راتيفيكاتسيالانعان حالىقارالىق شارتتارعا, «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ كودەكسىنە, «وسىمدىكتەر كارانتينى تۋرالى» قازاقستان رەسپۋبليكاسىنىڭ زاڭىنا, «ۆەتەريناريا تۋرالى» قازاقستان رەسپۋبليكاسىنىڭ زاڭىنا سايكەس سانيتارلىق-كارانتيندىك باقىلاۋدى, كارانتيندىك فيتوسانيتارلىق باقىلاۋدى جانە قاداعالاۋدى, مەملەكەتتىك ۆەتەرينارلىق-سانيتارلىق باقىلاۋدى جانە قاداعالاۋدى جانە وزگە تۇرلەرىن جۇرگىزۋ قاجەتتى تاۋارلاردىڭ, جۇكتەردىڭ ورىندارىن اۋىستىرۋى كەزىندە تاۋارلاردى كەدەندىك راسىمگە قويۋعا تەك ءتيىستى باقىلاۋدان كەيىن عانا رۇقسات ەتىلەدى.
22. كەدەندىك باقىلاۋ بولىمشەسى, بەرىلۋى قازاقستان رەسپۋبليكاسى كەدەندىك وداقتىڭ كەدەندىك زاڭناماسىمەن قاراستىرىلعان,