2014 جىلعى 5 ناۋرىز, استانا, ۇكىمەت ءۇيى
«مەرەيلى وتباسى» ۇلتتىق كونكۋرسىن وتكىزۋ قاعيدالارىن بەكىتۋ تۋرالى
«مەرەيلى وتباسى» ۇلتتىق كونكۋرسى تۋرالى» قازاقستان رەسپۋبليكاسى پرەزيدەنتىنىڭ 2013 جىلعى 6 جەلتوقسانداعى №250 وكىمى 4-تارماعىنىڭ 1) تارماقشاسىن ىسكە اسىرۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان «مەرەيلى وتباسى» ۇلتتىق كونكۋرسىن وتكىزۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2014 جىلعى 5 ناۋرىزداعى №181 قاۋلىسىمەن بەكىتىلگەن
«مەرەيلى وتباسى» ۇلتتىق كونكۋرسىن وتكىزۋ قاعيدالارى
1. جالپى ەرەجەلەر
1. «مەرەيلى وتباسى» ۇلتتىق كونكۋرسى (بۇدان ءارى – كونكۋرس) ونەگەلى قۇندىلىقتاردى جاڭعىرتۋعا جانە وتباسى مەن نەكەنىڭ (ەرلى-زايىپتىلىقتىڭ) جاعىمدى ۇلگىسىن تاراتۋعا, وتباسى مارتەبەسىن ارتتىرۋعا باعىتتالعان.
كونكۋرس جىلدىڭ باسىندا جاريالانادى جانە «قازاقستان رەسپۋبليكاسىنداعى كاسىپتىك جانە وزگە دە مەرەكەلەر تۋرالى» قازاقستان رەسپۋبليكاسى پرەزيدەنتىنىڭ 1998 جىلعى 20 قاڭتارداعى № 3827 جارلىعىنا سايكەس وتباسى كۇنىنە وراي قورىتىندىلانادى.
كونكۋرستى وتكىزۋدىڭ ماقساتتارى:
1) وتباسى ينستيتۋتىن, ادامگەرشىلىكتى, رۋحانيلىقتى نىعايتۋ, جاۋاپتى ەرلى-زايىپتىلىقتىڭ ماڭىزىن تانۋ;
2) اتا-انالاردىڭ بالا تاربيەلەۋدەگى جاۋاپكەرشىلىگىن ارتتىرۋ;
3) وتباسىلىق قۇندىلىقتاردى, كامەلەتكە تولعان بالالارىنىڭ ەڭبەككە قابىلەتسىز جانە ەگدە جاستاعى اتا-انالارىنا قامقور بولۋىن دارىپتەۋ, جانە كەڭىنەن ناسيحاتتاۋ;
4) قازاقستاندىق وتباسىنىڭ جاعىمدى ءيميدجىن ناسيحاتتاۋ.
2. كونكۋرسقا وتباسىلار (بۇدان ءارى – ۇمىتكەرلەر) قاتىسادى. كونكۋرس قازاقستان رەسپۋبليكاسىنىڭ بۇكىل اۋماعىندا اشىق نىساندا وتكىزىلەدى.
3. كونكۋرستىڭ جەڭىمپاز وتباسىسى جالپىعا ورتاق ينتەراكتيۆتى داۋىس بەرۋ نەگىزىندە ايقىندالادى.
4. كونكۋرسقا قاتىسۋعا مۇشەلەرىنىڭ ەڭبەكتەگى, سپورتتاعى, شىعارماشىلىق, زياتكەرلىك, عىلىمي جەتىستىكتەرى جوعارى وتباسىلار جىبەرىلەدى.
5. مىنالار:
1) قىزمەتى قازاقستان رەسپۋبليكاسىنىڭ اۋماعىندا تىيىم سالىنعان ۇيىمداردىڭ قۇرامىنا كىرەتىن (كىرگەن) مۇشەلەرى بار;
2) بۇرىن سوتتالعان مۇشەلەرى بار وتباسىلار كونكۋرسقا قاتىسا المايدى.
2. كونكۋرستى ۇيىمداستىرۋ ءتارتىبى
6. كونكۋرستىڭ ۇيىمداستىرۋشىلارى قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ جاردەمدەسۋىمەن قازاقستان رەسپۋبليكاسى مادەنيەت جانە اقپارات مينيسترلىگى, جەرگىلىكتى اتقارۋشى ورگاندار بولىپ تابىلادى.
كونكۋرستى ۇيىمداستىرۋشىلار «مەرەيلى وتباسى» ۇلتتىق كونكۋرسىن ۇيىمداستىرۋ جانە وتكىزۋ بويىنشا جۇمىستى ۇيلەستىرۋ ماقساتىندا كونكۋرستى دايىنداۋ جانە وتكىزۋ جونىندەگى ۇيىمداستىرۋ كوميتەتىن قۇرادى.
7. كونكۋرس وتكىزۋ تۋرالى حابارلاندىرۋ ناۋرىزدىڭ 15-31 ارالىعىندا رەسپۋبليكالىق جانە وڭىرلىك بۇقارالىق اقپارات قۇرالدارىندا ورنالاستىرىلادى.
8. كونكۋرس ءۇش كەزەڭدە وتكىزىلەدى. ءبىرىنشى كەزەڭ - اۋداندىق (قالالىق), ەكىنشى - وڭىرلىك, ءۇشىنشى - ۇلتتىق.
9. جەرگىلىكتى اتقارۋشى ورگاندار وڭىرلىك دەڭگەيدەگى «مەرەيلى وتباسى» ۇلتتىق كونكۋرسىنىڭ جەڭىمپازدارىن ايقىنداۋ بويىنشا وڭىرلىك, اۋداندىق (قالالىق) كوميسسيالار قۇرادى, سونداي-اق كوميسسيا تۋرالى ەرەجەنى جانە ىرىكتەۋ كريتەريلەرىن بەكىتەدى.
10. كونكۋرسقا قاتىسۋعا ءوتىنىم (وسى قاعيدالارعا قوسىمشاعا سايكەس نىسان بويىنشا) اۋداندىق (قالالىق) كوميسسياعا جىل سايىن كونكۋرستىڭ باستالعانى تۋرالى كوپشىلىككە جاريالاعان كۇننەن باستاپ ءبىر اي ىشىندە مىناداي قۇجاتتارمەن بىرگە بەرىلەدى:
1) اتا-انالاردىڭ (قورعانشىلاردىڭ, قامقورشىلاردىڭ) جەكە باسىن كۋالاندىراتىن قۇجاتتاردىڭ كوشىرمەلەرى, بالالاردىڭ تۋ تۋرالى كۋالىكتەرىنىڭ كوشىرمەلەرى;
2) اسىراپ الۋشى (قورعانشى) وتباسىلار ءۇشىن - جەرگىلىكتى ۋاكىلەتتى
ورگاننىڭ كامەلەتكە تولماعان بالاعا قورعانشىلىقتى (قامقورشىلىقتى) بەلگىلەۋ تۋرالى شەشىمىنەن ءۇزىندى كوشىرمە;
3) نەكە قيۋ تۋرالى كۋالىكتىڭ كوشىرمەسى (بار بولسا);
4) اتا-انالارىنىڭ بىرەۋى قايتىس بولعان جاعدايدا, قايتىس بولۋ تۋرالى كۋالىكتىڭ كوشىرمەسى - بار بولسا;
5) بالالاردى تاربيەلەگەنى ءۇشىن العان كوتەرمەلەۋلەردىڭ, بەلگىلى ءبىر جەتىستىكتەرى ءۇشىن العان كوتەرمەلەۋلەردىڭ بار ەكەنىن كۋالاندىراتىن قۇجاتتاردىڭ كوشىرمەلەرى;
6) بالالاردىڭ, اتا-انالاردىڭ (قورعانشىلاردىڭ, قامقورشىلاردىڭ) جۇمىس (وقۋ) ورنىنان انىقتامالار جانە مىنەزدەمەلەر;
7) ۇسىنىمدار (ارىپتەستەرىنىڭ, كورشىلەرىنىڭ, دوستارىنىڭ);
8) وتباسى مۇشەلەرىنىڭ ەڭبەكتەگى, سپورتتاعى, شىعارماشىلىق, زياتكەرلىك, عىلىمي جوعارى جەتىستىكتەرىن كۋالاندىراتىن قۇجاتتاردىڭ كوشىرمەلەرى.
ۇسىنىلاتىن قۇجاتتاردىڭ كوشىرمەلەرىن ۇمىتكەرلەر ۇسىنعان تۇپنۇسقالار نەگىزىندە اۋداندىق (قالالىق) كوميسسيانىڭ توراعاسى كۋالاندىرادى.
11. قۇجاتتاردى كورسەتىلگەن مەرزىمنەن كەيىن ۇسىنعان ۇمىتكەرلەر كونكۋرسقا قاتىسۋعا جىبەرىلمەيدى.
12. اۋداندىق (قالالىق) كوميسسياعا ۇسىنىلعان قۇجاتتار قايتارىلمايدى.
13. ۇيىمداستىرۋشىلار:
1) بارلىق ۇمىتكەرلەرگە تەڭ جاعدايدى;
2) جەكە قۇپيا بولىپ تابىلاتىن اقپاراتتىڭ جاسىرىن بولۋىن;
3) كونكۋرس ناتيجەلەرى تۋرالى مالىمەتتەردىڭ رەسمي جاريالاناتىن كۇنىنەن بۇرىن تارالىپ كەتپەۋىن قامتاماسىز ەتەدى.
14. اۋداندىق (قالالىق) كوميسسيا الىنعان اقپاراتتى جان-جاقتى تەكسەرگەننەن كەيىن اۋداندار (قالالار) اكىمدەرىمەن كەلىسىلگەن ەكى قاتىسۋشىنىڭ (وتباسىنىڭ) كونكۋرستىق ماتەريالدارىن 15 مامىرعا دەيىن وڭىرلىك كوميسسيالارعا جىبەرەدى.
15. وڭىرلىك كوميسسيالار ءبىر ۇزدىك وتباسىن ىرىكتەپ الادى, قاجەت بولعان جاعدايدا ۇسىنىلعان ماتەريالدارعا قوسىمشا تەكسەرۋ جۇرگىزىپ, استانا, الماتى قالالارىنىڭ جانە وبلىستاردىڭ اكىمدەرىمەن كەلىسىلگەن ءوز شەشىمدەرىن وسى قاعيدالاردىڭ 10-تارماعىندا كوزدەلگەن قۇجاتتار توپتاماسىمەن بىرگە, جىل سايىن 30 مامىرعا دەيىن «مەرەيلى وتباسى» ۇلتتىق كونكۋرسىنىڭ لاۋرەاتى اتاعىن بەرۋ جونىندەگى كوميسسياعا (بۇدان ءارى - كوميسسيا) جىبەرەدى.
16. وڭىرلىك جانە اۋداندىق كوميسسيالار ۇزدىك وتباسىلاردى ايقىنداۋ تۋرالى شەشىم قابىلداۋ كەزىندە مىناداي كريتەريلەردى باسشىلىققا الادى:
1) وتباسى مۇشەلەرى جەتىستىكتەرىنىڭ سانى مەن ماڭىزى (وتباسى تاريحى ۆيزيت كارتوچكاسى - تانىستىرۋ ءراسىمى);
2) وتباسىلىق داستۇرلەر جانە جادىگەرلەر;
3) وتباسىنىڭ رۋحاني-ادامگەرشىلىك كۇندىلىقتارى;
4) بالالارىنىڭ جەتىستىكتەرى;
5) اتا-انالارىنىڭ ۇلگى تۇتارلىقتاي جەتىستىكتەرى;
6) وزدەرىنىڭ شىققان تەگىن ءبىلۋى (شەجىرە - رۋ تاريحى);
7) وتباسى قۇرامى (وتباسى مۇشەلەرىن سانى – ءبىر اۋماقتا بىرگە تۇرىپ جاتقان بىرنەشە ۇرپاقتىڭ وكىلدەرى);
8) وتباسىنىڭ دارىندارى;
9) وتباسىنىڭ ءومىر ءسۇرۋ سالتى (سالاماتتى ءومىر سالتى, بوس ۋاقىتى جانە ت.ب.);
10) وتباسىنىڭ قوعامداعى بەدەلى.
17. كوميسسيا وڭىرلىك كوميسسيالاردىڭ ۇسىنىستارىن القالى تۇردە قاراعاننان كەيىن 10 كۇن ىشىندە لاۋرەات اتاعىنا ۇمىتكەر وتباسىلار تۋرالى باعدارلامالار تسيكلىن ازىرلەۋ ءۇشىن ماتەريالداردى ۇلتتىق تەلەارناعا جولدايدى.
18. جەڭىمپازداردى ىرىكتەۋگە سمس-حابارلامالار جانە ينتەرنەت-رەسۋرس ارقىلى ينتەراكتيۆتى داۋىس بەرۋ جولىمەن ەلدىڭ بارلىق تۇرعىندارى بەلسەندى تۇردە قاتىسادى.
ينتەراكتيۆتى داۋىس بەرۋ 10 تامىزدان باستالادى جانە 5 قىركۇيەكتە اياقتالادى.
19. كوميسسيا ينتەراكتيۆى داۋىس بەرۋدىڭ قورىتىندىسى بويىنشا كونكۋرس جەڭىمپازىن ايقىندايدى.
20. كورەرمەندەردىڭ باسىم كوپشىلىگى داۋىس بەرگەن وتباسىعا «مەرەيلى وتباسى» لاۋرەاتى اتاعى, ديپلوم مەن ەرەكشەلىك بەلگىسى (مۇسىنشە) بەرىلەدى.
21. كونكۋرس لاۋرەاتىن ماراپاتتاۋ ءراسىمى جىل سايىن سالتاناتتى تۇردە وتكىزىلەدى.
22. كونكۋرسقا قاتىسۋشىلار تۋرالى اقپارات وڭىرلىك جانە رەسپۋبليكالىق بۇقارالىق اقپارات قۇرالدارىندا, سونداي-اق كونكۋرستى ۇيىمداستىرۋشىلاردىڭ ينتەرنەت-رەسۋرستارىندا ورنالاستىرىلادى.
23. كونكۋرس لاۋرەاتى اتاعىن قايتالاپ بەرۋگە جول بەرىلمەيدى.
3. ۇيىمداستىرۋ كوميتەتىنىڭ مىندەتتەرى
24. ۇيىمداستىرۋ كوميتەتى ۇيىمداستىرۋشىلىق, تەحنيكالىق, قارجىلىق, شىعارماشىلىق ماسەلەلەردى, ءىس-قيمىلداردى نەمەسە كونكۋرستى دايىنداۋ جانە وتكىزۋ بويىنشا جۇمىس باعىتتارىن كەلىسۋ ماسەلەلەرىن پىسىقتايدى, سونداي-اق ۇيىمداستىرۋ كوميتەتى مۇشەلەرىنىڭ ۇسىنىستارىن, قوعامدىق باستامالاردى قارايدى.
ۇيىمداستىرۋ كوميتەتىنىڭ مىندەتتەرىنە مىنالار جاتادى:
1) كونكۋرستىڭ باستالۋى تۋرالى كوپشىلىككە جاريالاۋ;
2) كونكۋرستىڭ ىرىكتەۋ اينالىمىنا دايىندىق جانە ونى وتكىزۋ بويىنشا ۇيىمداستىرۋ جۇمىسىن ۇيلەستىرۋ;
3) كونكۋرستىڭ ءيميدجدىن جارنامالىق ناۋقانىن بەكىتۋ;
4) كونكۋرستىڭ بارلىق كەزەڭدەرىنە دايىندىقتى جانە وتكىزۋدى ۇيلەستىرۋ;
5) باق-پەن جۇمىس;
6) كونكۋرس باعدارلاماسىنا وزگەرىستەر ەنگىزۋ;
7) وڭىرلەردەگى كونكۋرستىڭ ىرىكتەۋ اينالىمدارىن وتكىزۋ قورىتىندىلارى تۋرالى جەرگىلىكتى اتقارۋشى ورگانداردىڭ ەسەپتەرىن تىڭداۋ;
8) كونكۋرستىڭ فينالدىق اينالىمىنا قاتىسۋعا وتىنىمدەردى جيناۋ, وتىنىمدەردى راسىمدەۋ مەن بەرىلۋىنىڭ كونكۋرس تالاپتارى مەن شارتتارىنا سايكەستىگىن تەكسەرۋ;
9) الدىن الا قاراۋ ءۇشىن وتىنىمدەردى وڭدەۋ;
10)كونكۋرستىڭ قازىلار القاسىنىڭ قۇرامىن قۇرۋ جانە ونىڭ قىزمەتىن ۇيلەستىرۋ;
11) كونكۋرستىڭ فينالدىق اينالىمىن, كونكۋرس نومينانتتارىن سالتاناتتى تۇردە ماراپاتتاۋ ءراسىمىن باقىلاۋ, ۇيىمداستىرۋ جانە وتكىزۋ.
«مەرەيلى وتباسى» ۇلتتىق كونكۋرسىن وتكىزۋ قاعيدالارىنا قوسىمشا
«مەرەيلى وتباسى» ۇلتتىق كونكۋرسىنا قاتىسۋعا ارنالعان ءوتىنىم
وتاعاسىنىڭ (اكەسىنىڭ نەمەسە اناسىنىڭ) دەرەكتەرى:
1. ت.ا.ءا.____________________________________________________
2. جاسى _____________________________________________________
3. ءبىلىم جىنىسى _____________________________________________
4. جۇمىسى __________________________________________________
5. تۇرعىلىقتى مەكەنى ________________________________________
6. وتباسى قۇرامى تۋرالى مالىمەتتەر ___________________________
7. وتباسىنىڭ (نەمەسە وتباسى مۇشەلەرىنىڭ) نەمەن جاقسى اتاعى شىققان
_________________________________________________________
8. ناگرادالارىنىڭ, ماراپاتتارىنىڭ بولۋى مەن تۇرلەرى ___________
9. وتباسىنىڭ ءاربىر مۇشەسىنىڭ دەرەكتەرى:
10. ت.ا.ءا____________________________________________________
11. جاسى ____________________________________________________
12. ءبىلىمى ___________________________________________________
13. جۇمىسى _________________________________________________
14. تۇرعىلىقتى جەرى (مەكەنجايى جانە تەل.)______________________
15. وتباسى ءتۇرى (2-,3-,4-ۇرپاق جانە ت.س.س)_________________________
16. وتباسىنداعى بالالاردى تاربيەلەۋ ەرەكشەلىگى _________________
17. اتا-انانىڭ قانداي قاسيەتى تاربيەگە نەگىز بولادى______________
18. وتباسىندا قانداي وتباسىلىق داستۇرلەر ساقتالعان_____________
____________________________________________________________
19. وتباسىلىق قاتىناستار قانداي قاعيداتتارعا سۇيەنەدى __________
____________________________________________________________
20. ۇستازداردىڭ, پەداگوگتاردىڭ, تاربيەشىلەردىڭ ىقپالى___________
____________________________________________________________
21. وتباسى ومىرىنەن قىزىقتى وقيعالار__________________________
____________________________________________________________
22. وتباسىلىق فوتوسۋرەت (ەلەكتروندىق نۇسقاسىمەن بىرگە).
____________________________________________________________
قولى
كۇنى