2013 جىلعى 31 جەلتوقسان, استانا, ۇكىمەت ءۇيى
«رەسپۋبليكالىق بيۋدجەت قاراجاتى ەسەبiنەن ادۆوكاتتار كورسەتەتiن زاڭ كومەگiنە اقى تولەۋ جانە قورعاۋ مەن وكiلدiك ەتۋگە بايلانىستى شىعىستاردى وتەۋدiڭ ەرەجەلەرi تۋرالى» قازاقستان رەسپۋبليكاسى ۇكىمەتىنىڭ 1999 جىلعى 26 تامىزداعى № 1247 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «رەسپۋبليكالىق بيۋدجەت قاراجاتى ەسەبiنەن ادۆوكاتتار كورسەتەتiن زاڭ كومەگiنە اقى تولەۋ جانە قورعاۋ مەن وكiلدiك ەتۋگە بايلانىستى شىعىستاردى وتەۋدiڭ ەرەجەلەرi تۋرالى» قازاقستان رەسپۋبليكاسى ۇكىمەتىنىڭ 1999 جىلعى 26 تامىزداعى № 1247 قاۋلىسىنا (قازاقستان رەسپۋبليكاسىنىڭ ءپۇاج-ى, 1999 ج., № 42, 384-قۇجات) مىناداي وزگەرىستەر ەنگىزىلسىن:
تاقىرىبى مىناداي رەداكتسيادا جازىلسىن:
«مەملەكەت كەپىلدىك بەرگەن زاڭ كومەگىن كورسەتەتىن تۇلعالارعا ەڭبەكاقى تولەۋ, ادۆوكات كورسەتكەن زاڭ كومەگىن ەسەپكە الۋ جانە كونسۋلتاتسيا بەرۋگە, قورعاۋعا جانە وكىلدىك ەتۋگە بايلانىستى شىعىستاردى وتەۋ قاعيدالارى, سونداي-اق ونىڭ ەڭبەكاقى مولشەرى تۋرالى»;
كىرىسپە مىناداي رەداكتسيادا جازىلسىن:
«ادۆوكاتتىق قىزمەت تۋرالى» 1997 جىلعى 5 جەلتوقسانداعى قازاقستان رەسپۋبليكاسىنىڭ زاڭى 5-بابىنىڭ 3-تارماعىنا جانە 6-بابىنا جانە «مەملەكەت كەپiلدiك بەرگەن زاڭ كومەگi تۋرالى» 2013 جىلعى 3 شiلدەدەگi قازاقستان رەسپۋبليكاسىنىڭ زاڭى 7-بابىنىڭ 2) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:»;
1-تارماق مىناداي رەداكتسيادا جازىلسىن:
«1. قوسا بەرىلىپ وتىرعان مەملەكەت كەپىلدىك بەرگەن زاڭ كومەگىن كورسەتەتىن تۇلعالارعا ەڭبەكاقى تولەۋ, ادۆوكات كورسەتكەن زاڭ كومەگىن ەسەپكە الۋ جانە كونسۋلتاتسيا بەرۋگە, قورعاۋعا جانە وكىلدىك ەتۋگە بايلانىستى شىعىستاردى وتەۋ قاعيدالارى, سونداي-اق ونىڭ ەڭبەكاقى مولشەرى بەكىتىلسىن.»;
كورسەتىلگەن قاۋلىمەن بەكىتىلگەن رەسپۋبليكالىق بيۋدجەت قاراجاتى ەسەبىنەن ادۆوكاتتار كورسەتەتىن زاڭ كومەگىنە اقى تولەۋ جانە قورعاۋ مەن وكىلدىك ەتۋگە بايلانىستى شىعىستاردى وتەۋدىڭ ەرەجەلەرى وسى قاۋلىعا قوسىمشاعا سايكەس جاڭا رەداكتسيادا جازىلسىن.
2. وسى قاۋلى 2015 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 31 جەلتوقسانداعى №1579 قاۋلىسىنا قوسىمشا
قازاقستان رەسپۋبليكاسى ۇكىمەتىنىڭ 1999 جىلعى 26 تامىزداعى № 1247 قاۋلىسىمەن بەكىتىلگەن
مەملەكەت كەپىلدىك بەرگەن زاڭ كومەگىن كورسەتەتىن تۇلعالارعا ەڭبەكاقى تولەۋ, ادۆوكات كورسەتكەن زاڭ كومەگىن ەسەپكە الۋ جانە كونسۋلتاتسيا بەرۋگە, قورعاۋعا جانە وكىلدىك ەتۋگە بايلانىستى شىعىستاردى وتەۋ قاعيدالارى, سونداي-اق ونىڭ ەڭبەكاقى مولشەرى
1. جالپى ەرەجەلەر
1. وسى مەملەكەت كەپىلدىك بەرگەن زاڭ كومەگىن كورسەتەتىن تۇلعالارعا ەڭبەكاقى تولەۋ, ادۆوكات كورسەتكەن زاڭ كومەگىن ەسەپكە الۋ جانە كونسۋلتاتسيا بەرۋگە, قورعاۋعا جانە وكىلدىك ەتۋگە بايلانىستى شىعىستاردى وتەۋ قاعيدالارى, سونداي-اق ونىڭ ەڭبەكاقى مولشەرى (بۇدان ءارى – قاعيدالار), ادۆوكات كورسەتەتىن زاڭ كومەگىنە اقى تولەۋ, ەسەپكە الۋ, قورعاۋىمەن جانە وكىلدىك ەتۋىمەن بايلانىستى شىعىستاردى وتەۋ ءتارتىبىن, سونداي-اق ونىڭ ەڭبەك اقىسىنىڭ مولشەرىن بەلگىلەيدى.
وسى قاعيدالاردا مىناداي نەگىزگى ۇعىمدار پايدالانىلادى:
1) قۇقىقتىق كونسۋلتاتسيا بەرۋ – زاڭ كومەگiن الۋعا قۇقىعى بار جەكە جانە زاڭدى تۇلعالارعا, ونىڭ iشiندە ارىزداردى, شاعىمداردى, ءوتiنiشحاتتاردى جانە قۇقىقتىق سيپاتتاعى باسقا دا قۇجاتتاردى جاساۋ ماسەلەسiنە قاتىستى اۋىزشا جانە جازباشا كونسۋلتاتسيالار نىسانىندا كورسەتiلەتiن مەملەكەت كەپiلدiك بەرگەن زاڭ كومەگiنiڭ ءتۇرi;
2) مەملەكەت كەپىلدىك بەرگەن زاڭ كومەگى – زاڭ كومەگiن الۋعا قۇقىعى بار جەكە جانە زاڭدى تۇلعالارعا «مەملەكەت كەپىلدىك بەرگەن زاڭ كومەگى تۋرالى» قازاقستان رەسپۋبليكاسىنىڭ زاڭىندا جانە قازاقستان رەسپۋبليكاسىنىڭ وزگە دە زاڭدارىندا كوزدەلگەن نەگiزدە جانە تارتiپپەن تەگiن نەگiزدە كورسەتiلەتiن زاڭ كومەگi.
2. مەملەكەت كەپiلدiك بەرگەن زاڭ كومەگi:
1) قۇقىقتىق اقپارات بەرۋ;
2) قۇقىقتىق كونسۋلتاتسيا بەرۋ;
3) «مەملەكەت كەپىلدىك بەرگەن زاڭ كومەگى تۋرالى» قازاقستان رەسپۋبليكاسىنىڭ زاڭىندا جانە قازاقستان رەسپۋبليكاسىنىڭ وزگە دە زاڭنامالىق اكتiلەرiندە بەلگiلەنگەن جاعدايلاردا جانە تارتiپپەن جەكە تۇلعالاردىڭ مۇددەلەرiن سوتتاردا, قىلمىستىق قۋدالاۋ ورگاندارىندا, وزگە مەملەكەتتiك ورگانداردا, مەملەكەتتiك ەمەس ۇيىمداردا قورعاۋ جانە بiلدiرۋ تۇرiندە كورسەتiلەدi.
2. ادۆوكات كورسەتكەن زاڭ كومەگىنە اقى تولەۋ, ونى ەسەپكە الۋ, كونسۋلتاتسيا بەرۋگە, قورعاۋ مەن وكىلدىك ەتۋگە بايلانىستى شىعىستاردى وتەۋ ءتارتىبى, سونداي-اق ونىڭ ەڭبەكاقى مولشەرى
3. ادۆوكاتتار مىنالارعا:
1) سوتتار اسىراۋشىسىنىڭ قايتىس بولۋى, جۇمىسپەن بايلانىستى مەرتiگۋi نەمەسە دەنساۋلىعىنىڭ وزگەدەي زاقىمدانۋى ارقىلى كەلتiرiلگەن زياندى وتەۋ تۋرالى iستەردi قاراعان كەزدە قۋىنۋشىلارعا;
2) ەگەر سوت قاراپ جاتقان داۋ كاسiپكەرلiك قىزمەتپەن بايلانىستى بولماسا, ۇلى وتان سوعىسىنىڭ قاتىسۋشىلارى مەن ولارعا تەڭەستiرiلگەن ادامدار, مەرزiمدi قىزمەتتەگi اسكەري قىزمەتشiلەر, I جانە II توپتارداعى مۇگەدەكتەر, جاسى بويىنشا زەينەتكەرلەر بولىپ تابىلاتىن قۋىنۋشىلار مەن جاۋاپكەرلەرگە;
3) اليمەنتتەر ءوندiرiپ الۋ, زەينەتاقى مەن جاردەماقىلار تاعايىنداۋ, اقتاۋ, بوسقىن نەمەسە ورالمان مارتەبەسiن الۋ ماسەلەلەرi بويىنشا جەكە تۇلعالارعا, اتا-اناسىنىڭ قامقورلىعىنسىز قالعان كامەلەتكە تولماعاندارعا مەملەكەت كەپىلدىك بەرگەن زاڭ كومەگiن تەگiن كورسەتەدi, قاجەت بولعان جاعدايلاردا قۇقىقتىق سيپاتتاعى جازباشا قۇجاتتاردى جاسايدى.
4. قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 71, 72-باپتارىندا, 80-بابىنىڭ ەكىنشى بولىگىندە, 408-بابىنىڭ ءتورتىنشى بولىگىندە, 455-بابىنىڭ بەسىنشى بولىگىندە, 467-1-بابىندا, قازاقستان رەسپۋبليكاسى ازاماتتىق ءىس جۇرگىزۋ كودەكسىنىڭ 114 جانە 304-باپتارىندا, «اكىمشىلىك قۇقىق بۇزۋشىلىقتار تۋرالى» قازاقستان رەسپۋبليكاسى كودەكسىنىڭ 590-بابىندا, «ادۆوكاتتىق قىزمەت تۋرالى» قازاقستان رەسپۋبليكاسىنىڭ زاڭى 5-بابىنىڭ 2-تارماعىندا جانە 6-بابىندا جانە «مەملەكەت كەپىلدىك بەرگەن زاڭ كومەگى تۋرالى» قازاقستان رەسپۋبليكاسىنىڭ زاڭىنىڭ 13-بابىندا بەلگىلەنگەن جاعدايلاردا جانە تارتىپپەن ادۆوكاتتار قۇقىقتىق كونسۋلتاتسيا بەرۋ, جەكە تۇلعالاردىڭ مۇددەلەرىن قورعاۋ مەن وكىلدىك ەتۋ تۇرلەرىندەگى مەملەكەت كەپىلدىك بەرگەن زاڭ كومەگى, سونداي-اق ادۆوكاتتاردىڭ قورعاۋ مەن وكىلدىك ەتۋگە بايلانىستى شىعىستارىن وتەۋ اكىمشىسى قازاقستان رەسپۋبليكاسىنىڭ ادىلەت مينيسترلىگى بولىپ تابىلاتىن رەسپۋبليكالىق بيۋدجەت باعدارلاماسى بويىنشا بيۋدجەت قاراجاتىنىڭ ەسەبىنەن قارجىلاندىرىلادى.
5. ادۆوكات وسى قاعيدالاردىڭ 4-تارماعىندا كورسەتىلگەن تۇلعالارعا قۇقىقتىق كونسۋلتاتسيا تۇرىندە تەگىن زاڭ كومەگىن ەسەپكە الۋدى قۇقىقتىق كونسۋلتاتسيا بەرۋدى ەسەپكە الۋ تىزىلىمىندە (بۇدان ءارى ءتىزىلىم) جۇرگىزەدى, وندا:
1) زاڭ كومەگىن الۋعا جۇگىنگەن تۇلعانىڭ تەگى, اتى, اكەسىنىڭ اتى;
2) زاڭ كومەگىن الۋعا جۇگىنگەن ادامنىڭ جەكە باسىن كۋالاندىراتىن قۇجاتتىڭ, ال زاڭ كومەگىن الۋعا وكىلى جۇگىنگەن جاعدايدا – وكىلدىڭ وكىلەتتىكتەرىن كۋالاندىراتىن قۇجاتتىڭ دا اتاۋى مەن دەرەكتەمەلەرى;
3) قۇقىقتىق كونسۋلتاتسيا بەرۋ تۇرىندە زاڭ كومەگىن الۋ ءۇشىن نەگىز بولىپ تابىلاتىن قۇجاتتىڭ اتاۋى مەن دەرەكتەمەلەرى;
4) زاڭ كومەگىن الۋعا جۇگىنگەن تۇلعانىڭ نەمەسە ونىڭ وكىلىنىڭ تۇرعىلىقتى جەرى;
5) قۇقىقتىق پروبلەمانىڭ ءمانى;
6) كورسەتىلگەن زاڭ كومەگىنىڭ ءمانى: اۋىزشا نەمەسە جازباشا كونسۋلتاتسيا بەرۋ, ارىزدى, شاعىمدى, ءوتىنىشحاتتى جانە قۇقىقتىق سيپاتتاعى باسقا دا قۇجاتتاردى جاساۋ;
7) زاڭ كومەگىن الۋعا جۇگىنۋ كۇنى;
8) زاڭ كومەگى كورسەتىلگەن كۇنى;
9) زاڭ كومەگىن كورسەتۋ ۇزاقتىعى;
10) زاڭ كومەگىن العان تۇلعانىڭ قولتاڭباسى;
11) ادۆوكاتتىڭ قولتاڭباسى كورسەتىلەدى.
6. ءتىزىلىمنىڭ نەگىزىندە ادۆوكات قۇقىقتىق كونسۋلتاتسيا بەرۋ بويىنشا اتقارىلعان جۇمىس تۋرالى اي سايىن اكت جاسايدى, وندا:
1) ادۆوكاتتىڭ تەگى, اتى, اكەسىنىڭ اتى;
2) تەگىن زاڭ كومەگى كورسەتىلگەن ادامداردىڭ سانى;
3) اۋىزشا نەمەسە جازباشا بەرىلگەن زاڭ كونسۋلتاتسيالارىنىڭ سانى;
4) جاسالعان قۇقىقتىق سيپاتتاعى جازباشا قۇجاتتاردىڭ سانى;
5) زاڭ كومەگى كورسەتىلگەن ساعاتتىڭ جالپى سانى;
6) تولەنۋگە جاتاتىن جالپى سوما;
7) ادۆوكاتتىڭ قولتاڭباسى كورسەتىلەدى.
قۇقىقتىق كونسۋلتاتسيا بەرۋ بويىنشا اتقارىلعان جۇمىس تۋرالى اكتى مەن ءتىزىلىمدى ادۆوكاتتار اۋماقتىق القاسىنىڭ مەملەكەت كەپىلدىك بەرگەن زاڭ كومەگىن كورسەتۋدى ۇيىمداستىرۋعا جاۋاپتى قۇرىلىمدىق بولىمشەسىنىڭ باسشىسى تەكسەرەدى جانە ادۆوكاتتار اۋماقتىق القاسىنىڭ تورالقاسىنا اتقارىلعان جۇمىس تۋرالى ەسەپپەن بىرگە ۇسىنادى.
ەسەپتىك اي ىشىندەگى قۇقىقتىق كونسۋلتاتسيا بەرۋ بويىنشا اتقارىلعان جۇمىستار اكتىسىنىڭ كوشىرمەلەرى مەن قۇقىقتىق كونسۋلتاتسيا بەرۋدى ەسەپكە الۋ ءتىزىلىمى ادۆوكاتتىڭ ءىس-قاعازدارىنا قوسا تىركەلەدى.
7. ءىس جۇرگىزۋدىڭ ءتيىستى ساتىلارىندا ادۆوكاتتىڭ ناقتى ءىس بويىنشا جۇمىس ىستەۋ ۇزاقتىعى مىناداي:
1) ەكى باعىتتا ادۆوكاتتىڭ تەرگەۋ جانە وزگە دە ءىس-ارەكەتتەردى جۇرگىزۋ ورنىنا جول جۇرۋگە, سوت وتىرىستارىنا قاتىسۋعا, قاماۋعا الىنعان نەمەسە اكىمشىلىك ۇستاۋعا الىنعان ادامعا بارۋعا;
2) تەرگەۋ نەمەسە وزگە ءىس-ارەكەتتەردىڭ باستالۋىن كۇتۋگە;
3) سوت وتىرىسىنىڭ باستالۋىن جانە ول كەيىنگە قالدىرىلعان جاعدايدا جالعاسۋىن كۇتۋگە;
4) قىلمىستىق ءىس جۇرگىزۋدىڭ سوتقا دەيىنگى ساتىلارىندا ءىس ماتەريالدارىمەن, ونىڭ ىشىندە ۇستاۋ حاتتاماسىمەن, بۇلتارتپاۋ شاراسىن قولدانۋ تۋرالى قاۋلىمەن, كۇدىكتىنىڭ, ايىپتالۋشىنىڭ نەمەسە قورعاۋشىنىڭ ءوزىنىڭ قاتىسۋىمەن جۇرگىزىلگەن تەرگەۋ ءىس-ارەكەتتەر حاتتامالارىمەن, كۇدىكتىگە جانە (نەمەسە) ايىپتالۋشىعا ۇسىنىلعان نە ۇسىنىلۋى ءتيىس بولعان قۇجاتتارمەن تانىسۋعا;
5) قىلمىستىق, ازاماتتىق ءىس جانە اكىمشىلىك قۇقىق بۇزۋشىلىق تۋرالى ءىس بويىنشا ءىس جۇرگىزۋدىڭ ءتيىستى ساتىلارىندا ءىس ماتەريالدارىمەن, سوت وتىرىستارىنىڭ حاتتامالارىمەن تانىسۋعا;
6) ءوتىنىشحاتتاردى, ارىزداردى, سوت وتىرىستارىنىڭ حاتتامالارىنا ەسكەرتۋلەردى, ءىس بويىنشا جەكە, اپەللياتسيالىق, كاسساتسيالىق, قاداعالاۋ جانە وزگە شاعىمداردى جاساۋعا;
7) قورعاۋ جەلىسىن ازىرلەۋ جانە ءىس بويىنشا ءىس جۇرگىزۋ بارىسىندا تۋىنداعان ماسەلەلەر بويىنشا كونسۋلتاتسيا بەرۋ ءۇشىن قاماۋعا الىنعان نەمەسە اكىمشىلىك ۇستاۋعا ۇشىراعان ادامعا بارۋعا جۇمسالعان ۋاقىتتى ەسكەرىلە وتىرىپ ايقىندالادى.
8. قاماۋعا الىنعان كۇدىكتىمەن نەمەسە ايىپتالۋشىمەن نە اكىمشىلىك ۇستاۋعا, الىپ كەلۋگە, ىشكى ىستەر ورگانىنا (پوليتسياعا) ماجبۇرلەپ اكەلۋگە ۇشىراعان اداممەن كەزدەسۋ كەزىندە ادۆوكاتتىڭ جۇمىس ىستەۋ ۋاقىتى ادۆوكاتتىڭ كەزدەسۋ ورنىنا ەكى باعىتتا جول ءجۇرۋ ۋاقىتىن (راستايتىن قۇجاتتار بار بولعان كەزدە), وتۋگە رۇقسات قاعازىن رەسىمدەۋدى, قورعالۋشىنىڭ شىعۋىن كۇتۋ, ۋاقىتشا ۇستاۋ يزولياتورىنىڭ كەزدەسۋ بولمەسىنىڭ نەمەسە تەرگەۋ كابينەتىنىڭ بوساۋ ۋاقىتىن ەسكەرە وتىرىپ, ىشكى ىستەر ورگاندارىنىڭ تەرگەۋ يزولياتورىنىڭ, ۋاقىتشا ۇستاۋ يزولياتورلارىنىڭ نەمەسە ارنايى قابىلداعىشتارىنىڭ انىقتامالارى بويىنشا بەلگىلەنەدى.
9. ناقتى ءىس ماتەريالدارىمەن تانىسۋ, ءوتىنىشحاتتاردى, ارىزداردى, اپەللياتسيالىق, كاسساتسيالىق جانە وزگە دە شاعىمداردى جاساۋ ۇزاقتىعىن مىناداي ءمان-جايلاردىڭ كەمىندە بىرەۋى ورىن العان كەزدە ونىڭ ءىس جۇزىندەگى كۇردەلىلىگىن ەسكەرە وتىرىپ ءتيىستى ورگان ايقىندايدى:
1) تاعىلعان قىلمىستاردىڭ سانى مەن اۋىرلىعى;
2) كۇدىكتىلەردىڭ, ايىپتالۋشىلاردىڭ, سوتتالۋشىلاردىڭ سانى;
3) ءىس ماتەريالدارىنىڭ كولەمى.
10. ءىس بويىنشا باس سوت تالقىلاۋى قازاقستان رەسپۋبليكاسىنىڭ قىلمىستىق ءىس جۇرگىزۋ كودەكسىندە بەلگىلەنگەن تارتىپپەن باسقا ۋاقىتقا نە باسقا كۇنگە اۋىستىرىلعان جاعدايدا, ەگەر ادۆوكات وسى ۋاقىتتا باسقا ادامدارعا زاڭ كومەگىنىڭ وزگە تۇرلەرىن كورسەتپەسە, باس سوت تالقىلاۋىنىڭ جالعاسۋىن كۇتۋدىڭ, بىراق ءبىر كۇننەن اسپايتىن ۋاقىتىنا اقى تولەنۋى ءتيىس.
11. ادۆوكات باسقا جەرگە جول جۇرە وتىرىپ زاڭ كومەگىن كورسەتكەن جاعدايدا, ەگەر ول وسى كۇنى باسقا ىستەر بويىنشا ءىس جۇرگىزۋگە قاتىسپاسا, ءىس بويىنشا سوت تالقىلاۋىنىڭ ۇزاقتىعىنا قاراماستان, تولىق جۇمىس كۇنى ءۇشىن اقى تولەنەدى.
12. وعان قاتىستى اكىمشىلىك قۇقىق بۇزۋشىلىق تۋرالى ءىس بويىنشا ءىس جۇرگىزىلەتىن كۇدىكتى, ايىپتالۋشى, سوتتالۋشى, سوتتالعان ادام قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 72-بابىنىڭ نە قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 589-بابىنىڭ تارتىبىمەن تاعايىندالعان ادۆوكاتتان باس تارتقان جاعدايدا, ادۆوكاتتىڭ ءىس ماتەريالدارىمەن تانىسۋعا, كەزدەسۋ كەزىندە زاڭ كومەگىن كورسەتۋگە, وسىنداي باس تارتۋدى ءىس جۇرگىزۋ رەسىمدەۋىنە جۇمساعان ۋاقىتى, سونداي-اق باسقا جەرگە جول جۇرگەن جاعدايدا ءىسساپار جانە باسقا دا شىعىستارى تولەنۋگە جاتادى.
13. ادۆوكاتتار كورسەتەتىن مەملەكەت كەپىلدىك بەرگەن زاڭ كومەگىنە اقى تولەۋ مولشەرلەمەسى بويىنشا مىناداي مولشەردە جۇرگىزىلەدى:
1) مىنا:
تەرگەۋگە دەيىنگى تەكسەرۋ, تەرگەۋ, انىقتاۋ ساتىلارىندا جانە اۋىر ەمەس جانە اۋىرلىعى ورتاشا قىلمىستار جاساۋعا كۇدىكتىلەردىڭ, ايىپتالۋشىلاردىڭ قورعاۋشىلارى رەتىندە سوت تالقىلاۋلارىنا, سونداي-اق اتالعان قىلمىستاردىڭ ناتيجەسىندە جابىرلەنگەن ادامداردىڭ وكىلدەرى رەتىندە قاتىسقان كەزدە;
قازاقستان رەسپۋبليكاسىنىڭ ازاماتتىق ءىس جۇرگىزۋ كودەكسى 114-بابىنىڭ 1-تارماعىندا جانە 304-بابىندا تىزبەلەنگەن ادامداردىڭ وكىلدەرى رەتىندە ازاماتتىق ىستەر بويىنشا قاتىسقان كەزدە;
اكىمشىلىك جاۋاپقا تارتىلاتىن ادامدى اكىمشىلىك ۇستاۋ ساتىنەن باستاپ اكىمشىلىك قۇقىق بۇزۋشىلىقتار تۋرالى ىستەر بويىنشا نەمەسە اكىمشىلىك قۇقىق بۇزۋشىلىق تۋرالى حاتتاما جاساعان كەزدە;
«ادۆوكاتتىق قىزمەت تۋرالى» قازاقستان رەسپۋبليكاسى زاڭى 6-بابىنىڭ 1-تارماعىندا تىزبەلەنگەن ادامدارعا قۇقىقتىق كونسۋلتاتسيا بەرۋ تۇرىندە زاڭ كومەگىن كورسەتۋ كەزىندە قازاقستان رەسپۋبليكاسىنىڭ زاڭناماسىندا بەلگىلەنەتىن جالاقىنىڭ ەڭ از مولشەرىنىڭ 1/21 بولىگى;
2) اۋىر قىلمىستاردى جاساعان كۇدىكتى, ايىپتالۋشى ادامداردىڭ قورعاۋشىلارى رەتىندە, سونداي-اق اتالعان قىلمىستاردىڭ سالدارىنان جابىرلەنگەن ادامداردىڭ وكىلدەرى رەتىندە تەرگەۋگە دەيىنگى تەكسەرۋ, تەرگەۋ, انىقتاۋ جانە سوت تالقىلاۋلارىنا قاتىسۋ كەزىندە قازاقستان رەسپۋبليكاسىنىڭ زاڭناماسىمەن بەلگىلەنەتىن جالاقىسىنىڭ ەڭ از مولشەرىنىڭ 1/15 بولىگى;
3) اسا اۋىر قىلمىستاردى جاساعان كۇدىكتى, ايىپتالۋشى ادامداردىڭ قورعاۋشىلارى رەتىندە, سونداي-اق اتالعان قىلمىستاردىڭ سالدارىنان جابىرلەنگەن ادامداردىڭ وكىلدەرى رەتىندە تەرگەۋگە دەيىنگى تەكسەرۋ, تەرگەۋ, انىقتاۋ جانە سوت تالقىلاۋلارىنا قاتىسۋ كەزىندە قازاقستان رەسپۋبليكاسىنىڭ زاڭناماسىندا بەلگىلەنەتىن جالاقىنىڭ ەڭ از مولشەرىنىڭ 1/10 بولىگى.
ادۆوكاتتىڭ انىقتاۋشىنىڭ, انىقتاۋ ورگانىنىڭ, تەرگەۋشىنىڭ, پروكۋروردىڭ, سوتتىڭ نەمەسە قىلمىستىق ءىس بويىنشا سۋديانىڭ شەشىمدەرى مەن ءىس-ارەكەتتەرىنە شاعىمداردى جاساۋ, قىلمىستىق, ازاماتتىق ءىستى نەمەسە اكىمشىلىك قۇقىق بۇزۋشىلىق تۋرالى ءىستى جۇرگىزۋمەن بايلانىستى اپەللياتسيالىق, كاسساتسيالىق, قاداعالاۋ جانە وزگە دە شاعىمداردى جاساۋ ۋاقىتىنا اقى تولەۋ وسى تارماقتىڭ تيىسىنشە ەكىنشى, جەتىنشى جانە سەگىزىنشى ابزاتستارىندا بەلگىلەنگەن مولشەرلەردە جۇرگىزىلەدى.
14. قازاقستان رەسپۋبليكاسى قىلمىستىق iس جۇرگiزۋ كودەكسiنiڭ 68-بابىندا بەلگiلەنگەن مەرزiم اياقتالاتىن, كەيiنگە قالدىرۋعا بولمايتىن جاعدايدا تۇنگi ۋاقىتتا كۇدىكتىگە, ايىپتالۋشىعا جاۋاپ الۋ بارىسىندا زاڭ كومەگىن كورسەتۋدىڭ ءاربiر ساعاتىنا, قورعالۋشىعا تاعىلعان قىلمىستىڭ ساناتىنا بايلانىستى وسى قاعيدالاردىڭ 13-تارماعىنىڭ تيىسىنشە ەكىنشى, جەتىنشى جانە سەگىزىنشى ابزاتستارىمەن بەلگiلەنگەن بiر جارىم مولشەردەن تومەن بولمايتىن اقى تولەنەدi.
قازاقستان رەسپۋبليكاسى قىلمىستىق iس جۇرگiزۋ كودەكسiنiڭ 68-بابىندا بەلگiلەنگەن مەرزiم اياقتالاتىن دەمالىس جانە مەرەكە كۇندەرi كۇدىكتىدەن نەمەسە ايىپتالۋشىدان جاۋاپ الۋ بارىسىندا كۇدىكتىگە, ايىپتالۋشىعا زاڭ كومەگىن كورسەتۋدىڭ ءاربiر ساعاتىنا قورعالۋشىعا تاعىلعان قىلمىستىڭ ساناتىنا بايلانىستى وسى قاعيدالاردىڭ 13-تارماعىنىڭ ەكىنشى, جەتىنشى جانە سەگىزىنشى ابزاتستارىمەن بەلگiلەنگەننەن ەكى ەسەدەن كەم ەمەس مولشەردە اقى تولەنەدi.
15. ادۆوكاتتىڭ كۇدىكتىمەن نە قاماۋعا الىنعان ايىپتالۋشىمەن, نە اكىمشىلىك ۇستاۋعا الىنعان اداممەن جۇمىس ىستەۋ ۋاقىتى ادۆوكاتتىڭ ەكى باعىتتا جول ءجۇرۋىن ەسكەرە وتىرىپ, كەز-كەلگەن ءىس بويىنشا قورعالۋشىعا تاعىلعان قىلمىستىڭ ساناتىنا بايلانىستى وسى قاعيدالاردىڭ 13-تارماعىنىڭ تيىسىنشە ەكىنشى, جەتىنشى جانە سەگىزىنشى ابزاتستارىمەن بەلگiلەنگەن مولشەردە تولەنەدi.
ادۆوكاتتىڭ تەرگەۋ نەمەسە وزگە دە ءىس-ارەكەتتىڭ باستالۋىن, سوت وتىرىسىنىڭ باستالۋىن جانە ول كەيىنگە قالدىرىلعان جاعدايدا جالعاسۋىن كۇتۋ ۋاقىتى قارالىپ وتىرعان ءىس بويىنشا قاعيدالاردىڭ 13-تارماعىنىڭ ءبىرىنشى ابزاتسىندا بەلگىلەنگەن اقىنىڭ 50 پايىزى مولشەرىندە تولەنەدى.
16. ادۆوكاتتار كورسەتەتىن مەملەكەت كەپىلدىك بەرگەن زاڭ كومەگىنە اقى تولەۋ جانە ولاردىڭ قورعاۋ مەن وكىلدىك ەتۋگە بايلانىستى شىعىستارىن رەسپۋبليكالىق بيۋدجەت قاراجاتىنىڭ ەسەبىنەن تولەۋدى اۋماقتىق ادىلەت ورگاندارى مىناداي قۇجاتتاردىڭ:
1) 2013 جىلعى 3 شiلدەدەگi «مەملەكەت كەپiلدiك بەرگەن زاڭ كومەگى تۋرالى» قازاقستان رەسپۋبليكاسىنىڭ زاڭى 13-بابىنىڭ 4-تارماعىمەن بەلگىلەنگەن تارتىپپەن اۋماقتىق ادىلەت ورگانى ادۆوكاتپەن جاساعان مەملەكەت كەپiلدiك بەرگەن زاڭ كومەگى تۋرالى كەلىسىمدەردىڭ;
2) قىلمىستىق ىستەر بويىنشا, اكىمشىلىك قۇقىق بۇزۋشىلىقتار تۋرالى ىستەر بويىنشا, قىلمىستىق ءىستى جۇرگىزەتىن ورگانداردىڭ قاۋلىسى, ادۆوكاتتى قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 71, 72-باپتارىندا, 80-بابىنىڭ ەكىنشى بولىگىندە, 408-بابىنىڭ ءتورتىنشى بولىگىندە, 455-بابىنىڭ بەسىنشى بولىگىندە, 467-1-بابىندا, قازاقستان رەسپۋبليكاسى ازاماتتىق ءىس جۇرگىزۋ كودەكسىنىڭ 114 جانە 304-باپتارىندا, قازاقستان رەسپۋبليكاسى اكىمشىلىك قۇقىق بۇزۋشىلىقتار تۋرالى كودەكسىنىڭ 590-بابىندا كوزدەلگەن تارتىپپەن تاعايىنداۋ تۋرالى ازاماتتىق ىستەر جونىندەگى ۇيعارىمنىڭ;
3) ادامدى زاڭ كومەگىنە اقى تولەۋدەن بوساتۋ جانە ونىڭ وكىلدىك ەتۋگە بايلانىستى شىعىستاردى رەسپۋبليكالىق بيۋدجەت قاراجاتى ەسەبىنەن وتەۋ تۋرالى قىلمىستىق ىستەر بويىنشا, اكىمشىلىك قۇقىق بۇزۋشىلىقتار تۋرالى ىستەر بويىنشا قاۋلىنىڭ, سوتتىڭ نەمەسە سۋديانىڭ ۇيعارىمنىڭ;
4) ادۆوكاتتار اۋماقتىق القاسىنىڭ ادۆوكاتتار كورسەتكەن زاڭ كومەگىنە اقى تولەۋ تۋرالى جانە قورعاۋعا, وكىلدىك ەتۋگە بايلانىستى شىعىستاردى بيۋدجەت قاراجاتى ەسەبىنەن وتەۋ تۋرالى ءوتىنىمنىڭ (بۇدان ءارى – ءوتىنىم) نەگىزىندە جۇرگىزەدى.
17. ادۆوكاتتاردىڭ اۋماقتىق القاسى ادۆوكاتتاردىڭ ولار مەملەكەت كەپىلدىك بەرگەن زاڭ كومەگىن كورسەتكەنى جانە بيۋدجەت قاراجاتى ەسەبىنەن تولەنۋگە جاتاتىن سومالار تۋرالى وتىنىشتەرىنىڭ نەگىزىندە ءوتىنىمدى جاسايدى, وعان مىناداي قۇجاتتار:
1) قىلمىستىق ىستەر بويىنشا - كۇدىكتىنى, ايىپتالۋشىنى, سوتتالعاندى, جابىرلەنۋشىنى زاڭ كومەگىنە اقى تولەۋدەن بوساتۋ تۋرالى, ادۆوكاتتىڭ ەڭبەگىنە اقى تولەۋ جانە قورعاۋ مەن وكىلدىك ەتۋگە بايلانىستى ونىڭ شىعىستارىن رەسپۋبليكالىق بيۋدجەت قاراجاتى ەسەبىنەن تولەۋ تۋرالى قىلمىستىق ءىس جۇرگىزەتىن ورگاننىڭ قاۋلىسى;
2) ازاماتتىق ىستەر بويىنشا – ادامدى زاڭ كومەگىنە اقى تولەۋدەن بوساتۋ جانە وكىلدىك ەتۋگە بايلانىستى شىعىستاردى رەسپۋبليكالىق بيۋدجەت قاراجاتى ەسەبىنەن وتەۋ تۋرالى سوتتىڭ نەمەسە سۋديانىڭ ۇيعارىمى;
3) اكىمشىلىك قۇقىق بۇزۋشىلىقتار تۋرالى ىستەر بويىنشا – ادامدى زاڭ كومەگىنە اقى تولەۋدەن بوساتۋ جانە وكىلدىك ەتۋگە بايلانىستى شىعىستاردى رەسپۋبليكالىق بيۋدجەت قاراجاتى ەسەبىنەن وتەۋ تۋرالى سۋديانىڭ, اكىمشىلىك قۇقىق بۇزۋشىلىقتار تۋرالى ىستەردى قاراۋعا ۋاكىلەتتىگى بار ورگاننىڭ (لاۋازىمدى تۇلعانىڭ) قاۋلىسى;
4) قۇقىقتىق كونسۋلتاتسيا بەرۋ بويىنشا – ادۆوكات اتقارعان جۇمىسى تۋرالى اكت قوسا بەرىلەدى.
ادۆوكاتتاردىڭ اۋماقتىق القاسى ءوتىنىمدى جاساۋ الدىندا ادۆوكاتتاردىڭ وتىنىشتەرىندە ولار مەملەكەت كەپىلدىك بەرگەن زاڭ كومەگىن كورسەتكەنى جانە بيۋدجەت قاراجاتى ەسەبىنەن تولەنۋگە جاتاتىن سومالار تۋرالى قامتىلعان مالىمەتتەردىڭ دايەكتىلىگىن تەكسەرەدى.
18. ادۆوكات تەرگەۋگە دەيىنگى تەكسەرۋ, تەرگەۋ نەمەسە انىقتاۋ ساتىلارىندا كورسەتەتىن مەملەكەت كەپىلدىك بەرگەن زاڭ كومەگىنە اقى تولەۋ تۋرالى جانە ادۆوكاتتىڭ قورعاۋ مەن وكىلدىك ەتۋگە بايلانىستى شىعىستارىن رەسپۋبليكالىق بيۋدجەت قاراجاتى ەسەبىنەن وتەۋ تۋرالى قاۋلى ادۆوكات تاپسىرىستى ورىنداعاننان كەيىن ءبىر مەزگىلدە, ال تاپسىرىس ءبىر ايدان ۇزاق ۋاقىت ورىندالعان كەزدە – ءار ايدىڭ سوڭعى جۇمىس كۇنىنەن كەشىكتىرمەي شىعارىلادى جانە تاپسىرىلادى.
ادۆوكات قىلمىستىق ءىس بويىنشا كورسەتەتىن زاڭ كومەگىنە اقى تولەۋ تۋرالى جانە قورعاۋ مەن وكىلدىك ەتۋگە بايلانىستى شىعىستاردى رەسپۋبليكالىق بيۋدجەت قاراجاتى ەسەبىنەن وتەۋ تۋرالى سوتتىڭ قاۋلىسى ۇكىمدى شىعارۋمەن نە ءىستى قوسىمشا تەرگەۋگە جولداۋ نەمەسە ءىستى توقتاتۋ تۋرالى ءىس جۇرگىزۋ شەشىمىن قابىلداۋمەن ءبىر مەزگىلدە شىعارىلادى جانە تاپسىرىلادى.
سوت تالقىلاۋى ءبىر ايدان اسا ۋاقىت العان كەزدە سوتتىڭ قاۋلىسى اي سايىن شىعارىلادى.
ادۆوكات ازاماتتىق ءىس بويىنشا كورسەتكەن مەملەكەت كەپىلدىك بەرگەن زاڭ كومەگىنە اقى تولەۋ جانە ونىڭ وكىلدىك ەتۋگە بايلانىستى شىعىستارىن وتەۋ تۋرالى ۇيعارىم شەشىم شىعارۋمەن ءبىر مەزگىلدە ەنگىزىلەدى جانە تاپسىرىلادى.
ادۆوكاتتىڭ اكىمشىلىك جاۋاپقا تارتىلعان ادامعا كورسەتكەن مەملەكەت كەپىلدىك بەرگەن زاڭ كومەگى ءۇشىن اقى تولەۋ تۋرالى جانە ادۆوكاتتىڭ قورعاۋعا بايلانىستى شىعىستارىن وتەۋ تۋرالى قاۋلى اكىمشىلىك قۇقىق بۇزۋشىلىق تۋرالى ءىس بويىنشا قاۋلىنى شىعارۋمەن ءبىر مەزگىلدە ەنگىزىلەدى جانە تاپسىرىلادى.
قاۋلىنىڭ نەمەسە ۇيعارىمنىڭ ءبىر داناسى ءتيىستى ءىستىڭ ماتەريالدارىنا قوسا تىركەلەدى, ەكىنشى داناسى اۋماقتىق ادىلەت ورگانىنا ول شىعارىلعاننان كەيىن كەلەسى كۇننەن كەشىكتىرمەي جولدانادى, ءۇشىنشى داناسى ادۆوكاتقا ول شىعارىلعان كۇنى بەرىلەدى.
19. ادۆوكات قىلمىستىق ءىس جۇرگىزۋدىڭ سوتقا دەيىنگى ساتىلارىندا, سونداي-اق اكىمشىلىك قۇقىق بۇزۋشىلىق تۋرالى ءىس بويىنشا ءىس جۇرگىزۋدە كورسەتكەن مەملەكەت كەپىلدىك بەرگەن زاڭ كومەگىنە اقى تولەۋ تۋرالى جانە قورعاۋ مەن وكىلدىك ەتۋگە بايلانىستى شىعىستاردى رسەپۋبليكالىق بيۋدجەت قاراجاتى ەسەبىنەن وتەۋ تۋرالى قاۋلىدا:
1) قاۋلىنى شىعارعان انىقتاۋشىنىڭ, تەرگەۋشىنىڭ نەمەسە اكىمشىلىك قۇقىق بۇزۋشىلىق تۋرالى ءىستى قاراۋعا ۋاكىلەتتى لاۋازىمدى تۇلعانىڭ (بۇدان ءارى – ءتيىستى ورگان) لاۋازىمى, تەگى, اتى-ءجونى;
2) ءىستىڭ اتاۋى;
3) زاڭ كومەگىنە اقى تولەۋدەن جانە قورعاۋعا نەمەسە وكىلدىك ەتۋگە بايلانىستى شىعىستاردى وتەۋدەن بوساتىلعان ادامنىڭ تەگى, اتى, اكەسىنىڭ اتى;
4) قىلمىستىق ءىس بويىنشا تاڭدالعان بۇلتارتپاۋ شاراسى نەمەسە اكىمشىلىك قۇقىق بۇزۋشىلىق تۋرالى ءىس بويىنشا ءىس جۇرگىزۋدى قامتاماسىز ەتۋ شاراسى (اكىمشىلىك قۇقىق بۇزۋشىلىق تۋرالى حاتتامانى جاساۋ ورنىنا جەتكىزۋ, نە اكىمشىلىك ۇستاۋ, اكەلۋ, ءجۇرىپ-تۇرۋ ەركىندىگىن الدىن الۋ شەكتەۋ);
5) تاپسىرىستى ورىنداعان ادۆوكاتتىڭ تەگى, اتى, اكەسىنىڭ اتى, ونىڭ ءىس جۇرگىزۋ وكىلەتتىگىن كۋالاندىراتىن وردەردىڭ نومەرى مەن بەرىلگەن كۇنى;
6) ادۆوكات قاتىسقان ءىس جۇرگىزۋ كۇنى, ۋاقىتى, ورنى جانە تەرگەۋ مەن وزگە ءىس-ارەكەتتەردىڭ تۇرلەرى;
7) ادۆوكاتتىڭ ءىس جۇرگىزۋ ءىس-اركەتتەرىندە جۇمىس ىستەۋ ۇزاقتىعى جانە تولەنۋگە جاتاتىن سوما;
8) كۇنىن, ۋاقىتىن جانە تولەنۋگە جاتاتىن سومانى كورسەتە وتىرىپ تەرگەۋ نەمەسە ءىس جۇرگىزۋ ءىس-ارەكەتىنىڭ باستالۋىن كۇتۋ ۋاقىتى;
9) ادۆوكات زاڭ كومەگىن كورسەتۋ ءۇشىن جول جۇرۋگە بايلانىستى ىسساپارعا جۇمساعان كۇندەردىڭ سانى;
10) تولەنۋگە جاتاتىن جالپى سوما;
11) ادۆوكات مۇشەسى بولىپ تابىلاتىن ءتيىستى ادۆوكاتتار القاسىنىڭ تولىق اتاۋى مەن بانك دەرەكتەمەلەرى كورسەتىلەدى.
20. ادۆوكات سوتتا كورسەتكەن مەملەكەت كەپىلدىك بەرگەن زاڭ كومەگىنە اقى تولەۋ تۋرالى جانە قورعاۋ مەن وكىلدىك ەتۋگە بايلانىستى شىعىستاردى رەسپۋبليكالىق بيۋدجەت قاراجاتى ەسەبىنەن وتەۋ تۋرالى سوتتىڭ نەمەسە سۋديانىڭ قاۋلىسىندا نەمەسە ۇيعارىمىندا:
1) ءتيىستى سوتتىڭ اتاۋى, قاۋلىنى نەمەسە ۇيعارىمدى شىعارعان سۋديانىڭ لاۋازىمى, تەگى, اتى-ءجونى;
2) ءىستىڭ اتاۋى, قاراۋ ورنى مەن كۇنى;
3) زاڭ كومەگىنە اقى تولەۋدەن جانە قورعاۋ مەن وكىلدىك ەتۋگە بايلانىستى شىعىستاردى وتەۋدەن بوساتىلعان ادامنىڭ تەگى, اتى, اكەسىنىڭ اتى;
4) تاپسىرىستى ورىنداعان ادۆوكاتتىڭ تەگى, اتى, اكەسىنىڭ اتى, ونىڭ ءىس جۇرگىزۋ وكىلەتتىگىن كۋالاندىراتىن وردەردىڭ نومەرى مەن بەرىلگەن كۇنى;
5) ادۆوكاتتىڭ ءىس بويىنشا ءىس جۇرگىزۋدىڭ ءتيىستى ساتىسىنا قاتىسۋ ۇزاقتىعى مەن تولەنۋگە جاتاتىن سوما;
6) سوت وتىرىسىنىڭ باستالۋىن كۇتۋ ۋاقىتىنىڭ ۇزاقتىعى مەن تولەنۋگە جاتاتىن سوما;
7) باس سوت تالقىلاۋى كەيىنگە قالدىرىلعان جاعدايدا ونىڭ جالعاستىرىلۋىن كۇتۋ ۋاقىتىنىڭ ۇزاقتىعى;
8) زاڭ كومەگىن كورسەتۋ ءۇشىن جول جۇرۋگە بايلانىستى ءىسساپار كۇندەرىنىڭ سانى, وتەۋگە جاتاتىن شىعىستاردىڭ تۇرلەرى مەن سوماسى;
9) تولەنۋگە جاتاتىن سوما;
10) ادۆوكات مۇشەسى بولىپ تابىلاتىن ءتيىستى ادۆوكاتتار القاسىنىڭ تولىق اتاۋى مەن بانك دەرەكتەمەلەرى كورسەتىلەدى.
21. ادۆوكاتتىڭ ناقتى ءىس بويىنشا تاعايىندالۋى بويىنشا قورعاۋ مەن وكىلدىك ەتۋىن جۇزەگە اسىرۋ ءۇشىن باسقا جەرگە ىسساپارعا جول جۇرۋگە بايلانىستى شىعىستارى مەملەكەت ەسەبىنەن قامتىلاتىن مەملەكەتتىك مەكەمەلەردىڭ قىزمەتكەرلەرى ءۇشىن كوزدەلگەن نورمالار مەن تارتىپپەن رەسپۋبليكالىق بيۋدجەت قاراجاتى ەسەبىنەن وتەۋگە جاتادى.
22. ادۆوكاتتاردىڭ اۋماقتىق القاسى ەسەپتىك ايدان كەيىنگى ايدىڭ 2 كۇنىنە دەيىنگى مەرزىمدە, ال جەلتوقسان ءۇشىن – ەسەپتىك ايدىڭ 15 كۇنىنەن كەشىكتىرمەي اۋماقتىق ادىلەت ورگانىنا ءوتىنىم جولدايدى.
23. اۋماقتىق ادىلەت ورگانى ادۆوكاتتاردىڭ اۋماقتىق القاسىنان كەلىپ تۇسكەن ءوتىنىمنىڭ جانە وعان قوسا بەرىلگەن قۇجاتتاردىڭ نەگىزدىلىگى مەن دايەكتىلىگىن تەكسەرەدى, ادۆوكاتتارعا تولەنۋى ءتيىس قاراجاتتى قارجىلاندىرۋعا ارنالعان ءوتىنىم جاسايدى جانە ونى ەسەپتىك ايدان كەيىنگى ايدىڭ 10 كۇنىنەن كەشىكتىرمەي, ال جەلتوقسان ءۇشىن – ەسەپتىك ايدىڭ 20 كۇنىنەن كەشىكتىرمەي قازاقستان رەسپۋبليكاسىنىڭ ادىلەت مينيسترلىگىنە جولدايدى.
ادۆوكاتتاردىڭ اۋماقتىق القاسى اعىمداعى جىلعى 15 جەلتوقساننان كەيىن ۇسىنعان ادۆوكاتتارعا تولەنۋگە جاتاتىن قارجىنى قارجىلاندىرۋ رەسپۋبليكالىق بيۋدجەتتەن كەلەسى جىلى بولىنەتىن قاراجاتىنىڭ ەسەبىنەن تولەنۋگە جاتادى.
24. مەملەكەت كەپىلدىك بەرگەن زاڭ كومەگىن قارجىلاندىرۋعا جىبەرىلەتىن رەسپۋبليكالىق بيۋدجەت قاراجاتىن ءتيىمدى پايدالانۋىن باقىلاۋدى اۋماقتىق ادىلەت ورگانى جۇزەگە اسىرادى.