قىرعىزستاننىڭ شەكارا قىزمەتى تاجىكستانمەن شەكاراداعى شيەلەنىسكە بايلانىستى ءتارتىپتى كۇشەيتە ءتۇستى, سەبەبى كورشى ەلدىڭ ازاماتتارى قىرعىزستاندىقتاردىڭ كولىكتەرىنە تاس لاقتىردى, وعان جاۋاپ رەتىندە قىرعىز شەكاراشىسى اسپانعا وق اتتى, دەپ حابارلايدى Egemen.kz.
بۇل تۋرالى ريا نوۆوستي ءمالىم ەتتى.
قىرعىز شەكاراشىلارىنىڭ مالىمەتىنشە, سەنبىدە تاجىكستاننىڭ اسكەري كۇشتەرى قىرعىزستانداعى دامبا مەن ماقسات اۋىلدارىنا قاراما-قارسى شەكارا ماڭىندا جينالعان, سونىمەن قاتار, شەكارا بەكەتتەرىنىڭ بىرىندە تاجىك اسكەري كۇشتەرى مينومەت ورناتقان. كوپ ۇزاماي ەكي-تاشتاعى شەكارالاس ايماقتا وق اتىلدى: تاجىكستان ازاماتتارى قىرعىزستاندىقتاردىڭ كولىكتەرىنە تاس لاقتىرىپ, قىرعىز شەكاراشىسى قاقتىعىستى توقتاتۋ ءۇشىن اۋاعا وق اتۋعا ءماجبۇر بولعانى حابارلاندى.
«وقيعادان كەيىن قىرعىزستان مەن تاجىكستان شەكارا زاستاۆالارىنىڭ باسشىلارى كەزدەستى, ولار جاعدايدى تۇراقتاندىرۋ ماقساتىندا قوسىمشا شەكارا ناريادتارىن قويدى. تاجىك تاراپى وقيعاعا قاتىسى بار ادامداردى ىزدەستىرىپ جاتقانىن حابارلادى. قىرعىزستانداعى شەكارانىڭ وسى ۋچاسكەسى قىزمەتتىڭ كۇشەيتىلگەن نۇسقاسىنا اۋىستىرىلدى», دەپ مالىمدەدى ۆەدومستۆو وكىلى.
قازىر جاعداي «سالىستىرمالى تۇردە تۇراقتى» ەكەنى حابارلاندى.
«قر ۇقك شەكارا قىزمەتى وسى ۋچاسكەدەگى جاعدايدى قاداعالايدى جانە باقىلايدى», دەدى ۆەدومستۆوداعىلار.
ايتا كەتەيىك, قىرعىزستان مەن تاجىكستان شەكاراسىندا ەكى ەلدىڭ جەرگىلىكتى تۇرعىندارى مەن شەكاراشىلارى اراسىندا بۇعان دەيىن دە قاقتىعىستار بولعان.