اقجارقىن, اي ماڭدايلى, قاراقات كوز,
سوڭىنا ىلەسپەگەن جامانات ءسوز.
جانىمدى جادىراتقان جايىق قىزى-اي,
جاستىق شاق قالاي وتكەن عالامات تەز.
كوركىڭ بار شۇعىلالى تاڭ نۇرىنداي,
بىرگە وسكەن قۇربىم ەدىڭ تاي-ق ۇلىنداي.
بولەگەن بالعىن شاقتى ۇجىماققا,
جان ەدىڭ كەلبەتىنە اقىلىڭ ساي.
قولىما قونسا دەپ ەم قۇسىم بولىپ,
كەتتى عوي, ءتاتتى ارمانعا ءىشىم تولىپ.
جىبەكتەي كوركەم سۇلۋ جايىق قىزى,
جۇرەسىڭ ءار كۇن سايىن تۇسىمە ەنىپ.
نارىن قىزى
نارىن قىزى نامىستان جاراتىلعان,
سوعىس جىلى مانشۇك بوپ جاۋعا اتىلعان.
جايما-شۋاق ومىردە ول – فاريزا,
وتى نازىك جىرىمەن دارا تۇرعان.
نارىن قىزى سەزىم مەن سەرتكە بەرىك,
قيىندىقتا قايىسپاس ەرگە سەرىك.
اي جۇزىنە جاراسىپ پاك كوڭىلى,
ەلگە كورىك بەرەدى, جەرگە كورىك.
حايروللا يسماعۇل وۆ,
كاسىپكەر.
ورال قالاسى.