جاڭا باسشىلاردى تانىستىردى

كەشە قازاقستان رەس­پۋب­ليكاسىنىڭ پرەمەر-مي­نيسترى سەرىك احمەتوۆ كو­لىك جانە كوممۋنيكاتسيا مي­نيسترلىگى مەن بايلانىس جانە اقپارات اگەنتتىگى ۇجىم­دارىنا ولاردىڭ جاڭا باس­شى­لارىن تانىستىردى, دەپ حا­بارلادى پرەمەر-مي­نيستر­دىڭ ءباسپاسوز قىزمەتى. مەملەكەت باسشىسىنىڭ جار­لىعىمەن كولىك جانە كوممۋنيكاتسيا ءمينيسترى بولىپ جەڭىس قاسىمبەك, ۇكىمەتتىڭ قاۋلىسىمەن بايلانىس جانە اقپارات اگەنت­تى­گىنىڭ توراعاسى بولىپ اسقار جۇ­ماعاليەۆ تاعايىندالدى. س.احمەتوۆ ا.جۇماعاليەۆكە كو­لىك جانە كوممۋنيكاتسيا مي­­نيسترلىگىنىڭ باسشى­سى قىز­مە­تىندە اتقارعان جۇمىس­ى ءۇشىن العىس ايتىپ, ونىڭ كا­سىبي بىلىكتىلىگىنىڭ جاڭا مەم­لە­كەتتىك ورگان جۇ­مى­سىن جەدەل ۇيىم­داستىرۋعا جانە مەم­لەكەت باسشىسى العا قوي­عان ءمىن­دەت­تەردى شەشۋگە كومەك­تەسەتىنىنە سەنىم ءبىلدىردى. پرەمەر-مينيستر ج.قا­سىم­بەك پەن ا.جۇماعاليەۆكە الدا تۇر­عان مىندەتتەردى شەشۋ بارىسىندا تابىستار تىلەدى. حرونيكا مەملەكەت باس­­شى­سىنىڭ جار­لىعىمەن اسقار قۋا­نىش ۇلى جۇ­ماعاليەۆ باسقا جۇ­مىسقا اۋىسۋىنا بايلانىس­تى قازاقستان رەس­پۋب­ليكاسىنىڭ كو­لىك جانە كوممۋنيكاتسيا مي­نيسترى قىزمەتىنەن بوساتىلدى. * * * مەملەكەت باس­شىسىنىڭ وكىمىمەن جەڭىس ماحمۇد ۇلى قاسىمبەك باسقا جۇمىسقا اۋىسۋىنا بايلانىستى قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ جاۋاپتى حاتشىسى قىزمەتىنەن بوساتىلدى.