چيكاگو ماڭىنداعى وۋك-برۋكتە بولعان اتىس كەزىندە ءتورت ادام زارداپ شەكتى. بۇل تۋرالى جۋرناليستەرگە ونلاين فورماتتاعى ءباسپاسوز ءماسليحاتىندا وۋك برۋك پوليتسيا دەپارتامەنتىنىڭ وكىلى مالىمدەدى, دەپ حابارلايدى Egemen.kz.
«ساۋدا ورتالىعىنىڭ دالىزىندە تانىس ەكى ادام ءبىر-بىرىنە وق جاۋدىرعان. سالدارىنان بىرنەشە ادام جارالانعان», دەدى ول.
پوليتسيا وكىلى ءتورت جابىرلەنۋشىنىڭ اۋرۋحاناعا جەتكىزىلگەنىن, ولاردىڭ اراسىندا وق اتقانداردىڭ ءبىرى بولۋى مۇمكىن ەكەنىن ايتتى. تاعى ءبىر قارۋلى ادام ۇستالدى. زارداپ شەككەندەردىڭ ومىرىنە تونگەن قاۋىپ جوق.
پوليتسەيلەر ساۋدا ورتالىعىن تەكسەرۋدى جالعاستىرۋدا. قاقتىعىستىڭ سەبەپتەرى تۋرالى اقپارات ايتىلمادى.