40 جاستاعى نۇربول نۇرساعاتوۆ پرەزيدەنت اكىمشىلىگىنىڭ جانە قالالىق ءماسليحات دەپۋتاتتارىنىڭ كەلىسىمى بويىنشا الماتى اۋدانىنىڭ اكىمى بولىپ تاعايىندالدى.
ول 2004-2005 جىلدارى يندۋستريا جانە ساۋدا مينيسترلىگى قۇرىلىس كوميتەتىنىڭ جەتەكشى مامانى, باس مامانى بولىپ جۇمىس ىستەدى.
2005 جىلدان 2008 جىلعا دەيىن استانا قالاسى اكىمدىگىنىڭ مەملەكەتتىك ساۋلەت-قۇرىلىس باقىلاۋ باسقارماسىنىڭ باس مامانى, ءبولىم باسشىسى, ديرەكتوردىڭ ورىنباسارى بولىپ ەڭبەك ەتكەن.
2008-2011 جىلدارى استانا قالاسى اكىمدىگىنىڭ قۇرىلىس باسقارماسى باسشىسىنىڭ ورىنباسارى بولدى.
2011-2012 جىلدارى اۋىل شارۋاشىلىعى مينيسترلىگىنىڭ سۋ رەسۋرستارى كوميتەتى توراعاسىنىڭ ورىنباسارى قىزمەتىن اتقاردى.
2014-2019 جىلدار ارالىعىندا نۇربول نۇرساعاتوۆ شقو اكىمدىگىنىڭ كولىك جانە اۆتوموبيل جولدارى باسقارماسىنىڭ, الماتى قالاسى اكىمدىگىنىڭ قۇرىلىس باسقارماسىنىڭ جانە نۇر-سۇلتان قالاسى اكىمدىگىنىڭ قورشاعان ورتانى قورعاۋ باسقارماسىنىڭ باسشىسى بولىپ جۇمىس ىستەدى.
سوڭعى ەكى جىلدا بايقوڭىر اۋدانىنىڭ اكىمى بولىپ جۇمىس ىستەدى.
نۇربول نۇرساعاتوۆ مەريتوكراتيا قاعيداتىنا سايكەس جەتەكشى ماماننان اۋدان اكىمىنە دەيىنگى جولدان وتكەن. مەملەكەتتىك قىزمەتتەگى جالپى ەڭبەك ءوتىلى - 17 جىل.
قر ءپا جانە قالالىق ءماسليحات دەپۋتاتتارىنىڭ كەلىسىمى بويىنشا بايقوڭىر اۋدانىنىڭ اكىمى بولىپ 43 جاستاعى ەرلان جاۋلىباەۆ تاعايىندالدى.
ول تاعايىندالعانعا دەيىن ءۇش جىل بويى بايقوڭىر اۋدانى اكىمىنىڭ ورىنباسارى قىزمەتىن اتقاردى.
ەڭبەك جولىن 2001 جىلى قوستاناي بيزنەس جانە قۇقىق كوللەدجىنىڭ زەرتحاناشىسى لاۋازىمىنان باستاعان.
2004-2005 جىلدارى قوستاناي وبلىسى اكىمى اپپاراتىنىڭ باس مامانى.
2005-2011 جىلدارى قوستاناي وبلىسىنىڭ جۇمىلدىرۋ دايىندىعى جانە تج باسقارماسىندا, استانا قالاسىنىڭ جۇمىلدىرۋ دايىندىعى جانە تج باسقارماسىندا باس مامان بولىپ جۇمىس ىستەدى.
سونداي-اق ءار جىلدارى قوستاناي وبلىسى جىتىقارا اۋدانى اكىمىنىڭ ورىنباسارى, قوستاناي وبلىسى اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى مەملەكەتتىك مەكەمەسىنىڭ باسشىسى قىزمەتتەرىن اتقاردى.
2017-2018 جىلدارى اقتوبە وبلىسى اكىمى اپپاراتى باسشىسىنىڭ ورىنباسارى.
2018-2021 جىلدارى نۇر-سۇلتانداعى بايقوڭىر اۋدانى اكىمىنىڭ ورىنباسارى قىزمەتىن اتقارعان. جالپى ەڭبەك ءوتىلى 20 جىلدان اسادى.
ەلوردا اكىمى التاي كولگىنوۆ اۋدان اكىمدەرى مەن ورىنباسارلارىنىڭ الدىنا بىرقاتار مىندەتتەر قويدى.