«ەگەمەن قازاقستان» رەسپۋبليكالىق جالپىۇلتتىق گازەتىنىڭ باس رەداكتورى بولعان بەلگىلى جۋرناليست جانبولات اۋپباەۆ 70 جاسقا تولدى, دەپ حابارلايدى Egemen.kz.
بۇگىن Egemen Qazaqstan رەداكتسياسىنىڭ ۇجىمى مەرەيتوي يەسىن ورتاعا الىپ, ارنايى قۇتتىقتادى. جيىنعا گازەتتىڭ ارداگەر تىلشىلەرى, زيالى قاۋىم وكىلدەرى قاتىستى.
باسقوسۋدا زەينەت جاسىنا كەلگەن ارداگەر تىلشىلەر قاراشاش توقسانباي مەن فاريدا بىقايعا قۇرمەت كورسەتىلدى.
ەكونوميكا ءبولىمىنىڭ مەڭگەرۋشىسى قىمبات توقتامۇراتقا «اقپارات سالاسىنىڭ ۇزدىگى» توسبەلگىسى تابىستالدى.
«Egemen Qazaqstan» رەسپۋبليكالىق گازەتى» اق باسقارما توراعاسى دارحان قىدىرالى جانبولت اۋپباەۆتى ۇجىم اتىنان قۇتتىقتاپ, شاپان جاپتى. سونداي-اق ارداگەر تىلشىلەرگە گازەتتىڭ دامۋىنا قوسقان ۇلەسى ءۇشىن العىس ءبىلدىردى.
بىرگە ەڭبەك ەتكەن وزگە دە ارىپتەستەرى وتكەن كۇننىڭ عيبراتتى ساتتەرىن ەسكە الىپ, تىلشىلەردىڭ شىعارماشىلىق جولىنا توقتالدى.